Pages

Friday, April 23, 2010

စိတ်သဘောနှယ်

လူတွေရဲ့ စိတ်သဘော၊ သဘာဝတွေဟာ ကိုယ့်ကိုကိုယ်သာ ပြန်သုံးသပ်ကြည့်ဖြစ်ခဲ့မယ်ဆိုရင် တစ်ခါတစ်ခါမှာ ဆန်းကျယ်လှစွာနဲ့ ရယ်မောဖွယ်ရာတော့ ကောင်းလှပါသည်။ လူတိုင်းကိုတော့လည်း မဆိုလိုပါဘူး.. . အဓိကကတော့ ကျွန်မကိုယ်ကျွန်မ ပြောချင်တာပါ...။ ဘယ်လိုမျိုးလည်းဆိုရင် ဘ၀မှာ တစ်ခါတစ်ရံ အလွန်မှ စိတ်တို၊ စိတ်ဆိုး ဒေါသထွက်ချင်စရာ၊ မနာလိုဝန်တိုဖြစ်လောက်ချင်စရာ၊ ကြီးကြီးမားမား ကိစ္စမျိုးတွေနဲ့ ကြုံတွေ့ရတတ်သော်လည်း အံ့သြစရာ ကောင်းလောက်အောင်ပင် စိတ်ထဲမှာ မှတ်မှတ်ထင်ထင် မရှိတတ်၊ မထားတတ်ပဲ မေ့မေ့ပျောက်ပျောက် နေနိုင်ပြီး တစ်ခါတစ်လေကျတော့လည်း တကယ့်ကို သေးသေးမွှားမွှား ကိစ္စလေး၊ ပေါ့ပေါ့ပါးပါး သဘောထားရမယ့် ကိစ္စမျိုးလေးတွေမှာကျတော့ အကြီးအကျယ်စိတ်ခံစားမှုတွေ လိုက်ပြီး ဖြစ်မိနေတတ်တာမျိုးပေါ့ ။ ဘာလို့ အဲဒီလို ပြောရသလဲဆိုတော့ အခုလတ်တလောမှာ ဖြစ်ပျက်သွားတဲ့ အကြောင်းအရာလေး တစ်ခုအပေါ်မှာ ကျွန်မစိတ်ကိုကျွန်မ ပြန်သုံးသပ်မိတဲ့ အဖြစ်တစ်ခုကြောင့်ပါ။


```````````````````````````````````````````````````````


ကျွန်မရဲ့စိတ်ဟာ ပင်ကိုသဘာဝအနေနဲ့တော့ ခွေးလေးတွေ၊ ကြောင်လေးတွေ စတဲ့ တိရစ္ဆာန်လေးတွေ (ကျွန်မမျက်စိထဲမှာ ချစ်စရာကောင်းတယ်လို့ ထင်မြင်မိတဲ့ အကောင်လေးတွေ မှန်သမျှ) ကို အကုန်ချစ်တတ်တဲ့သူ တစ်ယောက်လို့ ပြောလို့ရပါတယ်...။ ကျွန်မစိတ်ထဲမှာ အရင်တုန်းက ကျွန်မကိုယ် ကျွန်မလည်း ဘယ်လိုခွေးလေး၊ ကြောင်လေးမျိုးတွေကိုမဆို၊ ဘယ်လိုအခြေအနေမျိုးမှာမဆို ခြွင်းချက်မရှိ ချစ်တတ်လိမ့်မယ်လို့လည်း ကိ်ုယ့်ကိုကိုယ် တွေးထင်နေခဲ့မိဘူးပါတယ်...။ ဒါပေမယ့် အဲဒီအတွေးက သူတို့နှစ်ကောင်နဲ့ တွေ့တဲ့အချိန်မှာတော့ လုံးဝမှားယွင်းသွားပြီဆိုတာ သိလိုက်ရပါတော့တယ်...။ သူတို့နှစ်ကောင်ဆိုတာက ကျွန်မနဲ့ အခုအတူနေနေတဲ့ ကျွန်မ အစ်မတို့ အိမ်က “ကလေးလေး” နဲ့ “ကပ္ပလီ” ဆိုတဲ့ ကြောင်လေးနှစ်ကောင်လေ...။ “ကလေးလေး” နဲ့“ကပ္ပလီ” ဆိုတာက သူတို့ကို ကျွန်မဟာကျွန်မ ပေးထားတဲ့နာမည်တွေပဲ ဆိုပါတော့...။

ကြောင်လေးတွေဆိုလို့ ကျွန်မတို့ အိမ်မှာ အရင်တုန်းကတော့ ကြောင်လေးက တစ်ကောင်တည်းရှိတာပါ။ “ကလေးလေး” ဆိုပြီး ကျွန်မတို့က ချစ်စနိုးနဲ့ခေါ်တဲ့ ကျွန်မတို့မိသားစုရဲ့ အချစ်တော်ကြောင်လေးပေါ့...။ အိမ်က ကြောင်ဆိုပေမယ့် အိမ်မှာ တရားဝင်လိုင်စင်နဲ့ မွေးထားတာမျိုးတော့ မဟုတ်ပါဘူး...။ ဒီမှာက ခွေးတွေ၊ ကြောင်တွေ မွေးချင်ရင် လိုင်စင်နဲ့ ဘာနဲ့ မွေးရတာလေ...။ ဒီကြောင်လေးက ကျွန်မတို့ အိမ်ကို ဘယ်လိုရောက်လာတာလဲဆိုတော့ ကျွန်မအစ်မတို့ လင်မယား အခုနေတဲ့ တိုက်ခန်းကို စတင်ပြောင်းရွှေ့လာတော့ ကျွန်မတို့ အခန်းဘေးကပ်လျက် မလေး(Malay)မိသားစုတွေနေတဲ့ အခန်းကနေ အဲဒီကြောင်လေးက တညောင်ညောင်နဲ့အော်ပြီး အိမ်ထဲကို သူ့ဟာသူဝင်ချလာတာ အဲဒီကတည်းက လုံးဝ မပြန်တော့တာတဲ့...။ သူကလည်းမပြန်တော့သလို ပိုင်ရှင်တွေကလည်း ပြန်မခေါ်တော့ပဲ ကျွန်မအစ်မတို့ဆီမှာပဲ ကြည်ကြည်ဖြူဖြူ နေခွင့်ပြုလိုက်ပါတယ်။ ကျွန်မအစ်မတို့ လင်မယားကလည်း ကလေးကို အရူးအမူးပဲ လိုချင်ကြပေမယ့်လည်း မရကြရှာတော့ အဲဒီကြောင်လေးကိုပဲ သူတို့သားလေးလို ချစ်သွားကြတာလေ...။ အဲဒီတော့ ကျွန်မ အစ်မတို့အိမ်ကို ကျွန်မပြောင်းလာတော့ကာ သူက ရှိနှင့်နေပြီးပါပြီ။ ဒီကြောင်လေးနဲ့ ကျွန်မတို့နဲ့က တော်တော်ရေစက်ပါတယ်လို့တော့ ပြောလို့ရပါတယ်။

တကယ်တော့ ကလေးလေးဟာ သိပ်ကိုလိမ္မာပြီး အကင်းပါးတဲ့ ကြောင်ကလေးပါ...။ သူဘယ်လောက်ထိ သိတတ်သလဲ၊ လိမ္မာသလဲဆိုတာကို ပြောပြရရင် ယုံကြမှာတောင် မဟုတ်ပါဘူး...။ ကိုယ်တွေ့ကြုံဘူးတဲ့သူမှပဲ ယုံကြမှာပါ။ ကလေးလေးက ကျွန်မတို့အိမ်မှာ အမြဲတစ်စေ ၂၄နာရီပတ်လုံး နေနေတာတော့ မဟုတ်ပါဘူး...။ ကျွန်မတို့ကလည်း နေ့တိုင်းရုံးသွားနေရတာဆိုတော့ အိမ်မှာ အချိန်ပြည့် မရှိကြဘူးလေ...။ သူ့မှာက သူနဲ့ အတူတူ ဆော့ကစားစရာ အဖော်ကြောင်လေးတွေ အများကြီးရှိပါတယ်။ ကျွန်မတို့ တိုက်ခန်းနားမှာရှိတဲ့ ကားပတ်ကင်တစ်ဝိုက်မှာ နေထိုင်နေကြတဲ့ ပိုင်ရှင်မရှိတဲ့ ကြောင်လေးတွေက အများကြီးပါပဲ...။ သူက အောက်ကိုဆင်းဆင်းပြီး အဲဒီကြောင်လေးတွေနဲ့ ဆော့နေကျလေ...။ ဒါပေမယ့် သူဗိုက်ဆာပြီဆိုတဲ့ အချိန်ကျရင်တော့ ပြန်လာတတ်ပါတယ်...။ စားလို့ဝသွားပြီဆိုရင် တစ်ခါ သွားပြန်ဆော့ပြန်တယ်...။ ဒါပေမယ့် ညအိပ်ချိန်ရောက်ရင်တော့ အမြဲ အိမ်မှာ ပြန်လာအိပ်ပါတယ်...။ ကျွန်မ အစ်မက အိပ်ခါနီးရင် သူနဲ့အတူ အဲဒီကြောင်လေးကိုပါ ရေအတူချိုးပေးပြီး ရေခြောက်အောင်သုတ်၊ dryer နဲ့ မှုတ်ပေးပြီးမှ ကျွန်မအစ်မတို့ လင်မယားနဲ့ အတူတူအိပ်တာပါ..။ သူဟာ ကျွန်မ အစ်မတို့လင်မယားရဲ့ အသည်းကျော်ရာထူးကို ရထားသူလည်း ဖြစ်ပါတယ်...။

''သားရေ...သားဗိုက်ဆာနေပြီလား...သားလေးဘာစားချင်လည်း အမေ့ကိုပြော....''

''သားနော်...အောက်မှာ မိုးတွေရွာနေတယ် အောက်ကို ဆင်းမဆော့ရဘူး...အိမ်ပေါ်မှာပဲနေရမယ်...''

''ကိုကြီးရေ...မိုးချုပ်နေပြီ... ရှင့်သားပြန် မလာသေးဘူး...လိုက်ရှာပါဦး...''

အဲဒီ အသံတွေကတော့ ကျွန်မ အစ်မဆီကနေ နေ့တိုင်း လိုလို ကြားရမယ့် ကလေးလေးနဲ့ပတ်သက်ပြီး ပြောနေတဲ့ စကားသံတွေပါပဲ...။ ကျွန်မတို့အိမ်ဘေးနားကနေ မြန်မာတစ်ယောက်ယောက်သာ ဖြတ်သွားမယ် ဆိုရင်တော့ ဒီလိုအသံမျိုးတွေ ကြားရင် ဒီအိမ်မှာ ကလေးငယ်ငယ်လေးတစ်ယောက် ရှိတယ်လို့ မုချကျိန်းသေ ထင်မိမှာပါပဲ...။ကျွန်မနဲ့ အဲဒီ ကလေးလေးရဲ့ အကြောင်းကို ပြောပြရမယ်ဆိုရင် တော်တော်တော့ ရီစရာ ကောင်းလှပါတယ်...။ ကိုယ့်ကိုကိုယ် ရှက်လည်း ရှက်မိပါရဲ့...။


````````````````````````````````````````````````````````

ဖေဖေ၊ မေမေတို့နဲ့ ဝေးနေတဲ့ ရေခြား မြေခြားမှာ လာပြီး အလုပ်လုပ်နေရတဲ့ ကျွန်မအဖို့တော့ အခုအတူတူနေနေတဲ့ အစ်မလင်မယားက မိဘကလွဲရင် မိဘတွေလိုပါပဲ...။ ဖေဖေနဲ့မေမေကလည်း ဒီအစ်ကိုနဲ့ အစ်မတို့ကို မိဘတွေလို သဘောထားပြီး ဆက်ဆံဖို့ကို မြန်မာပြည်ကနေ ကျွန်မကို အမြဲမှာကြားလေ့ရှိပါတယ်။ ဒီလိုနဲ့ ကျွန်မ အစ်မတို့ အိမ်ကို ကျွန်မစရောက်တဲ့ ရက်တွေမှာပဲ ကျွန်မအနေနဲ့ အထူးသတိထားလိုက်မိတာက ကျွန်မအစ်မတို့ လင်မယားက အဲဒီကြောင်လေးကို ပုံမှန်ထက်ကို ပိုမိုလွန်ကဲစွာ၊ ချစ်ခင်ယုယစွာနဲ့ ပြောဆိုဆက်ဆံကြတယ် ဆိုတာပါပဲ...။ အဲဒီမှာ ဇာတ်လမ်းက စတာပါပဲ...။ ကလေးမရှိတဲ့ ကျွန်မ အစ်မတို့ လင်မယားဆီမှာ ကလေးလို နေနေချင်တဲ့ ကျွန်မက သူတို့ လင်မယား အနေနဲ့ ကလေးလေးကို အဲဒီလို တယုတယ ပြောဆိုပြီး အဖြစ်သည်းနေတာကို မြင်တွေ့နေရတာ ကျွန်မစိတ်ထဲမှာ မြင်ပြင်းကတ်သလို ဖြစ်ဖြစ်လာပါတယ်...။

''ဟင်း...ဟင်း...ငါနော်... နင့်ကို ရိုက်လိုက်မှာနော်... ငါ့နားလာပြီး တညောင်ညောင်နဲ့ လုပ်မနေနဲ့....သွား နားငြီးတယ်...''

(လက်က တရွယ်ရွယ်နဲ့ ပြောသေးတာ....တကယ်တော့ ဘယ်တုန်းကမှလည်း ရိုက်တာမဟုတ်ပါဘူး...)

''ပုစွန်ခြောက်တွေ နင်ကြီးပဲ စားနေတာနော်... ငါတို့စားဖို့တောင် မကျန်တော့ဘူး...ပုဇွန်ခြောက်က ဒီမှာ ဘယ်လောက် ဈေးကြီးတယ်ထင်လဲ...ငါတို့တောင် ချွေစားနေရတာဟွန်းးးးးးးး ''

စသည်ဖြင့် ကျွန်မဟာ ကလေးလေး အပေါ်မှာလိုက်ပြီး ငြူစူပြောဆိုလေ့ရှိပါတယ်...။ ကဲ...လူ့စိတ်များ ပြောပါတယ်နော်လို့...။ တကယ်ဆိုရင် ကျွန်မဟာ ဘယ်လောက်ပဲ ကြောင်လေးတွေကို ချစ်တယ်ဆိုဆို အခု ကျွန်မအစ်မက ကျွန်မကို ဂရုမစိုက်ပဲ သူ့ကြောင်လေးကိုပဲ တစ်မမ လုပ်နေရင် ကျွန်မက ဘေးကနေ ကျလိကျလိ ဖြစ်နေတဲ့ အဖြစ်ဟာ တကယ်တော့ ကျွန်မအနေနဲ့ ဒီကြောင်လေးကို မနာလိုနေတာ မဟုတ်ပေဘူးလား...။ ဒီလို တိရစ္ဆာန်ကြောင်လေးသေးလေး တစ်ကောင်အပေါ်မှာ မနာလိုဝန်တိုစိတ်နဲ့ ငြူစူပြောဆို ရန်လုပ်နေတဲ့ ကျွန်မရဲ့ အဲဒီလိုအဖြစ်ဟာ ဘယ်လောက်တောင်များ ရှက်စရာကောင်းလိုက်ပါသလဲ...။

ဒါပေမယ့်လည်းလေ.... သိပ်သိတတ်တဲ့၊ သိပ်လိမ္မာလွန်းတဲ့ ကလေးလေးအပေါ်မှာ ကျွန်မဟာ အဲဒီလိုစိတ်မျိုးတွေကို ကြာကြာတော့ မထားနိုင်ပါဘူး...။ သေးသေးဖွဲဖွဲ အရာလေးတွေကမှအစ ဘယ်အရာကိုမဆို သိပ်သံယောဇဉ်တွယ်တတ်လွန်းတဲ့ ကျွန်မဟာ... အတူတူနေလာတာလည်း ကြာရော ဒီကလေးလေးကို ကျွန်မ အစ်မတို့နဲ့ ထပ်တူ ထပ်မျှပဲ ချစ်သွားပါတော့တယ်...။ ကျွန်မက ကိုယ့်စိတ်ကိုကိုယ် ပြန်ပြန်သုံးသပ်ပြီး ပြင်သင့်တာဆိုရင် ပြင်လိုက်တာလည်း ပါမယ် ထင်ပါတယ်...။

ဘယ်လောက်ထိများလဲဆိုတော့ အခုဆို ကျွန်မ ရုံးကများ ပြန်လာပြီဆိုရင် ကျွန်မတို့ တိုက်ခန်းနားက ကားတွေထားတဲ့ ကားပတ်ကင်ကွင်းထဲကို ဖြတ်နေပြီဆိုရင်ပဲ ကျွန်မရဲ့ မျက်လုံးတွေက ကလေးလေး ကို ရှာနေပါပြီ...။ သူကလည်း ဘယ်နားကနေမှန်းမသိ ကျွန်မဆီကို ရုတ်တရက် ဘွားကနဲ ထွက်ထွက်လာတတ်ပါတယ်...။ သူက ကျွန်မရုံးကပြန်လာမယ့် အချိန်ကိုဆို သိနေပြီး နေ့တိုင်း ကျွန်မကို စောင့်စောင့်ကြိုနေတတ်တာလေ...။ ကျွန်မကို မြင်တာနဲ့ကျွန်မဆီကို ပြေးလာရုံနဲ့တင် မပြီးသေးပါဘူး။ ကျွန်မကို သူနဲ့အတူ ဆော့စေချင်သေးတာပါ...။ ကျွန်မက သူ့ကို ကောက်ချီလိုက်ရင် ချက်ချင်း ဘယ်တော့မှ အချီမခံဘူး...။ ဟိုပတ်ပြေး ဒီပတ်ပြေး... ကားအောက်တွေထဲ ၀င်ပုန်းနေလိုက် .... ကျွန်မက ရှာမတွေ့တော့လို့ ''ကလေးလေးရေ.... ''ဆိုပြီး ဟိုဟိုဒီဒီ လိုက်ရှာ အော်ခေါ်ရင် လှစ်ကနဲ ပြန်ထွက်လာလိုက်.... ကျွန်မက မခေါ်တော့ပဲ ရှေ့ကနေထွက်သွားရင် နောက်ကနေ လွှားကနဲ အပြေးလိုက်လာလိုက်နဲ့ ကျွန်မမှာနေ့တိုင်း ရုံးကပြန်လာရင် မောမောနဲ့ ဗိုက်ဆာရတဲ့ ကြားထဲ သူနဲ့အတူ ပြေးတမ်း လိုက်တမ်း ဆော့ရသေးတာက အလုပ်တစ်ခုပါ...။

အဲဒါပြီးလို့ ကျွန်မ အိမ်တံခါးကို သော့ဖွင့်နေတဲ့ အချိန်ဆို သူက ဘေးကနေ အသာလေး ငြိမ်ပြီးကြည့်နေတတ်တယ်...။ ကျွန်မ တံခါးပေါက်ကို လှပ်လိုက်ပြီဆိုတာနဲ့ တစ်ပြိုင်နက်တည်း အိမ်ထဲကို ကဆုန်ပေါက်ပြေးဝင်ပြီး သူ့အတွက် အစာတွေထည့်ထားတဲ့ ဗူးဆီကို တန်းပြေးတော့တာပဲ...။ ပြီးတာနဲ့ ဗူးနားမှာ တုန့်ကနဲရပ်ပြီး ကျွန်မကို လှမ်းကြည့်တယ်...။ သဘောကတော့ အစာထည့်ပေးပါပေါ့...။ ကျွန်မက သူ့ကို အစာတွေ သောက်ရေတွေ အကုန်ထည့်ပေးပြီးပြီ ဆိုရင်တော့ ကလေးလေးတို့ ခေါင်းမဖော်တမ်း စားပါပြီ... ။ ရေဆိုလဲ တစ်ဂွပ်ဂွပ်နဲ့ သောက်ချလိုက်တာများ သူ့ကို ထည့်ပေးထားတဲ့ ရေတစ်ခွက်လောက်များ ခဏလေးပါပဲ....။ ဒီလိုနဲ့ သာသာယာယာရှိနေတဲ့ ကလေးလေးနဲ့ ကျွန်မတို့ရဲ့ ဘ၀ထဲကို နောက်ထပ် ဧည့်သည်တစ်ယောက် ထပ်မံရောက်ရှိလို့လာတယ်ပဲ ဆိုပါတော့...။

````````````````````````````````````````````


တစ်ညပေါ့...​ ကျွန်မ အစ်မက အပြင်ကနေ ပြန်လာတော့ အခန်းဝကနေပြီး ကျွန်မကို “အင်ကြင်းရေ...ဒီမှာကြည့်စမ်း ဧည့်သည် ပါလာတယ်...” ဆိုပြီး လက်ထဲမှာ ပွေ့ထားတဲ့ တစ်စုံတစ်ရာကို လှမ်းပြလိုက်ပါတယ်...။ ကျွန်မကလည်း အိပ်ချင်မူးတူးနဲ့ ဆိုတော့ ဘာမှန်း သေသေချာချာလှမ်းမကြည့်လိုက်ဖြစ်ပါဘူး...။ ဒီလိုနဲ့ ကျွန်မလည်းပဲ အိပ်ပျော်သွားပြီး နောက်နေ့မနက် အရမ်းကို အိပ်လို့ကောင်းနေတဲ့ ဝေလီဝေလင်း အချိန်လောက်မှာ ကျွန်မဘေးနားမှာ တစ်စုံတစ်ယောက် ရောက်နေသလိုမျိုး ချိုးချိုးချွတ်ချွတ် အသံကို ကျွန်မ နားထဲမှာ ကြားနေရပြီး ကျွန်မလည်း အနည်းငယ်နိုးသွားပါတယ်...။ အဲဒါနဲ့ မျက်စိကိုမဖွင့်ပဲနဲ့ လက်နဲ့လိုက်စမ်းကြည့်လိုက်တော့ .... ဘုရား...ဘုရား... ခပ်ပျော့ပျော့နဲ့ နွေးတေးတေးရှိနေတဲ့ အရာတစ်ခု..... သက်ရှိတစ်စုံတစ်ရာရဲ့ အသား ပဲလို့ စိတ်ထဲမှာ ထင်မိသွားတယ်...။

ကျွန်မလည်း ထိတ်ကနဲဖြစ်သွားကာ “ဘုရားရေ...ဘာပါလိမ့်...” ဆိုပြီး မျက်လုံးအစုံကိုလည်း ဖွင့်ကြည့်လိုက်ရော.... “အောင်မယ်လေးးးးးးး.........မည်းမည်းကြီး....မည်းမည်းကြီး” မည်းတာမှ ကတ္တရာစေးက အဖေခေါ်ရလောက်အောင်ကို မည်းနက်နေတာ.... ကျွန်မ ဘေးက ကျွန်မလက်တော့ပ် အဖုံးပေါ်မှာ ငုတ်တုတ်ထိုင်ပြီး ကျွန်မကို ပြူးပြူးကြီးနဲ့ စိုက်ကြည့်နေတာ..... ကျွန်တစ်ကိုယ်လုံးလည်း ကြက်သီးမွေးညှင်းတွေ ထသွားပြီး ကြောက်အားလန့်အားနဲ့ သူ့ကို ကုတင်ပေါ်ကနေ တွန်းချလိုက်မိသလား... ကန်ချလိုက်မိသလားတောင် မမှတ်မိတော့ပါဘူး....။

ကြောင်လေ....ကြောင်.... ကျွန်မ အစ်မနဲ့ ပါလာတဲ့ ဧည့်သည်တော်ကြောင်ပေါ့...။ တစ်စက်မှ ချစ်စရာ သွင်ပြင်က္ခဏာ မရှိတဲ့ကြောင်...။ အလွန်အင်မတန်မှ တန်ဖိုးရှိလှတဲ့ ကျွန်မရဲ့ ရုံးပိတ်ရက် မနက်ခင်းလေးမှာ ကျွန်မကို အိပ်နေရာကနေ အထိတ်တလန့်နဲ့ နိုးအောင် လုပ်တဲ့ကြောင်... အစုတ်ပလုတ်ကြောင်.. .ကပ္ပလီကြောင်....။ အဲဒါနဲ့ ကျွန်မလည်း ကျွန်မအစ်မကို “မမက ဘာမှန်းလည်း မသိဘူး ... ဒီလောက်မည်းတူးနေတဲ့ကြောင်ကို ဘယ်ကများ ခေါ်လာတယ် မသိဘူး...ဘာညာ'' နဲ့ ပွစိပွစိလုပ်ပြီး ပြန်အိပ်လို့လည်း မရတော့မယ့်အတူတူ ရေချိုးခန်းဝင်လိုက်ပါတယ်....။ ရေချိုးပြီးလို့ ကျွန်မရဲ့ စိတ်ကလေးလည်း ကြည်ကြည်လင်လင်ရှိသွားပြီး အပြင်ကို ထွက်ဖို့ ရေချိုးခန်းတံခါးကို ဆွဲအဖွင့် ..... “၀ုန်း” ကနဲဆို ကျွန်မရှေ့ကို ခုန်ချလာတဲ့ အရာတစ်ခု ၊ ကျွန်မှာ ဒုတိယအကြိမ်မြောက် အထိတ်ထိတ်အလန့်လန့် ဖြစ်ရပြန်ပြီး ကြည့်လိုက်တော့...အခုနကကြောင်....။ ကျွန်မလေ.....စိတ်တိုလိုက်တာမှ....ကြည့်ပါဦး.... ညကမှ ဒီအိမ်ကိုရောက်တယ်... ဒင်းက ကျွန်မတို့အိမ်နေရာအနှံ့ကို ၀င်ထွက် သွားလာနေလိုက်တာများ သူနှစ်ပေါင်းများစွာ ရင်းနှီးကျွမ်းဝင်နေလာခဲ့တဲ့ နေရာကျနေတာပါပဲ...။ ကျွန်မသူ့ကို မျက်စိထဲမှာ တော်တော် ကန့်လန့် ဖြစ်သွားပါတယ်...။

ဒါပေမယ့် ကျွန်မ အစ်မတို့လင်မယားက ထုံးစံအတိုင်း “သမီးလေး...သမီးငယ်လေး...”နဲ့ဖြစ်နေတော့ရာ ကျွန်မက ဘာမှ မတတ်နိုင်ပါဘူး....။ ရှိစေတော့ပေါ့....။ သို့ပေမယ့်လို့ ကျွန်မ သည်းမခံနိုင်တဲ့ အကြောင်းအရာတစ်ခုက ထပ်ဖြစ်လာပါတယ်...။ ကျွန်မတို့အိမ်က ကလေးလေးက ဘယ်ဘ၀က ရေစက်လည်း မသိဘူး အဲဒီကြောင်ကပ္ပလီကို ကြောက်ပြီး အိမ်မှာ မနေရဲတော့ပါဘူး...။ အပြင်မှာချည်းပဲ လျှောက်သွားနေပြီး အစာစားချိန်လေး ပြန်လာရင်တောင် ခုနက ကပ္ပလီလေးကို တွေ့ရင် အိမ်ထဲ မ၀င်ရဲတော့ပဲ အပြင်ကနေပဲ တညောင်ညောင်အော်နေရှာတော့တာ...။ ကဲ ... ဘယ်လောက် သနားစရာကောင်းလိုက်တဲ့ ကလေးလေးလဲနော်...။ ဒါပေမယ့် ဟိုကျေးဇူးရှင်မလေးကတော့ ''ဂရုမစိုက်ပေါင်'' ဆိုတဲ့ ပုံစံနဲ့အစားမပျက် အသောက်မပျက်ပါ....။ စားပြီးရင်လည်း ကျွန်မ အစ်မတို့ကုတင်ပေါ်ကို တက်တက်ပြီး ခန့်ခန့်ကြီး အိပ်နေတတ်သေးတာ...။

ကျွန်မကတော့ သူ့ရဲ့ မထီတထီ မျက်နှာပေးနဲ့ ကျွန်မရှေ့မှာ ငုတ်တုတ်ထိုင်ပြီး လျှာလေးနဲ့ သူ့ကိုသူ ဟိုလျက်ဒီလျက် လုပ်နေတာကို မြင်ရတိုင်း ကျွန်မရဲ့ ကလေးလေး အတွက်တွေးမိပြီး သူ့ကို ဒေါသသာ ထွက်မိနေပါတော့တယ်... ပိုဆိုးတာက ကျွန်မအစ်မတို့ကလည်း အဲဒီမည်းမည်းကဲကဲလေးကိုပဲ သဘောတွေကျနေပြီး သမီးလေး သမီးလေးနဲ့ ဖြစ်နေတော့ ကျွန်မရဲ့စိတ်ထဲမှာ ကလေးလေးရဲ့နေရာကို သူက အစားထိုးဝင်ယူမှာကို စိုးရိမ်နေမိပါတယ်...။ ကဲ...တကယ့်ကို ဘာမှမဟုတ်တဲ့ ကြောင်လေးတစ်ကောင်ရဲ့ အပေါ်မှာ ဖြစ်နေတဲ့ ကျွန်မရဲ့သဘောထားတွေဟာ အလွန်သေးသိမ်ပြီး ရီစရာကောင်းမနေဘူးလား...။ နောက်တစ်ခုက စိတ်ရဲ့သဘောများပြောပါတယ်...။ အရင်တုန်းကတော့ ကလေးလေး အပေါ်မှာ မနာလို ၀န်တိုစိတ်ဖြစ်တယ်....အခု ကလေးလေးကိုလည်း သည်းသည်းလှုပ်ချစ်သွားရော သူ့အတွက် တခြားကြောင်တစ်ကောင် အပေါ်မှာ မနာလို ၀န်တိုမှုတွေနဲ့ ညူစူနေမိပြန်တယ်...။ အင်း...အဲဒီလိုနဲ့ ကပ္ပလီမလေးအတွက် ကံဆိုးမယ့် တစ်နေ့လား၊ ကံကောင်းမယ့် တစ်နေ့လားတော့ မသိတဲ့ တစ်နေ့ကို ရောက်လာပါတယ်...။

```````````````````````````````````````````

ညတစ်ညပေ့ါ...ထုံးစံအတိုင်း ကျေးဇူးရှင်မလေးက ကျွန်မအစ်မတို့အိပ်ရာပေါ်မှာ အိပ်နေရင်းနဲ့ ကောင်းကောင်းမအိပ်ပဲ သေးပေါက်ချပါတယ်။ ကျွန်မ အစ်မကလည်း သိလည်းသိရော အရမ်းကိုစိတ်တို ဒေါသထွက်သွားပုံ ပေါ်ပါတယ်။ ကျွန်မအစ်မက တကယ့်ကို လူတစ်မျိုးလို့ ပြောလို့တော့ ရပါတယ်...။ သူက အဲဒီကြောင်တွေကို ဘယ်လောက်ပဲ ငုံထားမတတ်ချစ်ပေမယ့် စည်းကမ်းအရာမှာကျတော့ လုံးဝ မျက်နှာသာမပေးပါဘူး..။ ကြောင်လေးတွေကိုလည်း ရေချိုးခန်းထဲမှာပဲ ၀င်ပြီးတော့ အပေါ့အလေးသွားဖို့ကို လေ့ကျင့်ပေးထားပါတယ်...။ သူ့စည်းကမ်းအတိုင်း မလိုက်နာရင်တော့ သူက ရိုက်ပြီးဆုံးမတတ်တဲ့သူမျိုးပါ...။ ပြီးတော့ သူအဲဒီလို ရိုက်နေတဲ့အချိန် ဆိုရင်လည်း ဘယ်သူမှ ဘာမှ ၀င်ပြောလို့မရပါဘူး။ သိကြားမင်းတောင် ဆင်းတားလို့မရလောက်ပါဘူး...။ ကျွန်မကတော့ သူအဲဒီလို ကြောင်ကိုရိုက်ပြီး ဆုံးမနေတဲ့ အချိန်တွေဆိုရင် ကျွန်မကိုယ်တိုင်က လူကိုပဲဖြစ်ဖြစ် တိရစ္ဆာန်ကိုပဲဖြစ်ဖြစ် ရိုက်နှက်ဆုံးမတာမျိုး၊ လက်ပါတာမျိုးကို လုံးဝ လုံးဝမှ မနှစ်မြို့တဲ့သူတစ်ယောက် ဖြစ်နေတဲ့အပြင်၊ သူ့ကိုဝင်တားလည်း ဘာမှ အရာမထင်မှာကို သိနေလို့ (ကျွန်မကလည်း သူ့ကို ကြောက်ရတယ်လေ...) မကြားရက်လိုတာနဲ့သီချင်းကိုအကျယ်ကြီးဖွင့်ပြီး နားကြပ်ကို နားထဲဆို့ထားလိုက်လေ့ရှိပါတယ်...။

“ကလေးလေး” ကတော့ သူ့စည်းးကမ်းအတိုင်း တသဝေမတိမ်းလိုက်နာပြီး အပေါ့သွားချင်လည်း ရေချိုးခန်းထဲမှာပဲ သွားပန်းပါတယ်...။ အလေးသွားချင်ရင်လည်း ရေချိုးခန်းထဲမှာပဲ သွားပြီး သူ့ကိစ္စပြီးရင်လည်း ကျွန်မတို့ကို လာခေါ်ပြီး သူအလေးသွားထားတယ် ဆေးပေးလို့ရပါပြီ ဆိုတဲ့ပုံစံနဲ့ လာပြောသေးတာပါ...။ သူ့ကိုလည်း ကျွန်မအစ်မက ဒီကိစ္စနဲ့ပတ်သက်လို့ ငယ်ငယ်ပေါက်စလေးကတည်းက ရိုက်ပြီးလေ့ကျင့်ပေးထားတာလေ။ ဒါပေမယ့် ကလေးလေးက ဘယ်လောက်ချစ်ဖို့ကောင်းလဲဆိုတော့ သူ့ကို ဘယ်လောက်ရိုက်ရိုက် ဒီအိမ်ကနေ ခွာမသွားပဲ လေ့ကျင့်ပေးထားတဲ့အတိုင်း စည်းကမ်းကို အတိအကျ လိုက်နာတာလေ...။ ဒါကြောင့်လည်း ကျွန်မတို့ တအိမ်လုံးက ''ကလေးလေး'' ''သားသားလေး'' နဲ့ ဖြစ်နေတာပေါ့...။

ဒါပေမယ့် ကပ္ပလီမလေးကတော့ အဲဒီလိုမဟုတ်ဘူး...။ ကျွန်မအစ်မက ရိုက်ပြီးဆုံးမတော့ ကျွန်မအစ်မကို ပြန်ကိုက်၊ပြန်ကုတ်ဖဲ့ပစ်ပါတယ်...။ ကျွန်မအစ်မကလည်း သူ့ကို အဲဒီလိုပြန်လုပ်တော့ ဒေါသကပိုပိုထွက်ပြီး ပိုရိုက်တယ် ထင်ပါရဲ့...။ ကျွန်မကတော့ ထုံးစံအတိုင်း အခန်းတံခါးပါ ပိတ်ထားလိုက်ပြီး နားနှစ်ဖက်ကို ဆို့ထားလိုက်တော့ သူတို့ဇာတ်လမ်းက ဘယ်လို ဘယ်လိုတွေ အဆုံးသတ်သွားလဲ မသိပါဘူး..။ နောက်နေ့မနက်ကျတော့ ကပ္ပလီမလေး အိမ်ကနေ ထွက်ပြေးသွားပါတော့တယ်...။ ကျွန်မ အစ်မမှာ အဲဒီလိုဆိုပြန်တော့လည်း တကယ့်ကို သမီးပျောက်သွားတဲ့ မအေကျနေတာပါပဲ။ “သမီးလေးရေ....သမီးလေးရေ.....မေမေကြီးဆီကို ပြန်လာပါတော့...” “မိုးတွေက ရွာတော့မယ် ...သမီးလေးက ဘယ်များရောက်နေပါလိမ့် ....” စသည်ဖြင့် သူရတက်မအေး ဖြစ်နေတာကို ကျွန်မအနေဖြင့် ဘေးကနေကြည့်ပြီး စိတ်မကောင်းသော်ငြားလည်း တဘက်ကနေကြည့်တော့ ပျော်သလိုလိုတော့ ရှိနေပါသည်။ ကျွန်မ အစ်မတို့က သူ့ကို လိုက်ရှာပြီဆိုရင်လည်း ကျွန်မက “နေပါစေ သူ့ဟာသူ နေချင်ရင် ပြန်လာမှာပေါ့ ....ကြောင်ဆိုတာ လက်သာတဲ့ အိမ်မှာပဲနေတာ သစ္စာရှိတာမဟုတ်ဘူး....” ဘာညာနဲ့ တားသလိုလို ပြောမိတတ်ပါသေးတယ်။ ဘာ့ကြောင့်လည်းဆိုတော့ ဒီကပ္ပလီမလေး မရှိမှ ကျွန်မချစ်တဲ့ ကလေးလေးက ပုံမှန်အတိုင်း အိမ်ကို ပြန်လာပြီး ၀င်ထွက်စားသောက် ဆော့ကစားနေရတာ ဆိုတော့လေ....။

ကိုယ့်ကိုကိုယ် သုံးသပ်ကြည့်လိုက်တော့ ကျွန်မထင်ပါတယ်...။ ကျွန်မဟာ ကပ္ပလီမလေးကို စတွေ့တွေ့ချင်းကတည်းက မနှစ်မြို့စရာ ဖြစ်ရပ်နဲ့ ကြုံတွေ့ခဲ့ရတဲ့ အပြင် ကလေးလေးနဲ့ ပတ်သက်ပြီးတော့ပါ သူ့ကို အမြင်မကြည်မလင်ဖြစ်နေတော့ သူအခုလိုထွက်ပြေးသွားတာကို့ ကျွန်မရဲ့ မသိစိတ်ထဲမှာ ၀မ်းသာပြီး ပြန်လာမှာကို စိုးရိမ်နေပုံရပါတယ်။ ကျွန်မပြောချင်တာ အဲဒါပါပဲ...။ တကယ်ဆို ကျွန်မ အသက်အရွယ်နဲ့ ဒီလို စိတ်မျိုးထားသင့်သလား...။ ကိုယ်က အသိဥာဏ်ရှိတဲ့ လူ.... သူက တိရစ္ဆာန်...။ ပြီးတော့ သတ္တ၀ါတိုင်း အပေါ်မှာ မိမိနဲ့တန်းတူ ကိုယ်ချင်းစာ တရား၊ မေတ္တာတရား ထားရှိရမယ်ဆိုတဲ့ ဆုံးမစာမျိုးတွေကလည်း လူမှန်းသိတတ်စကတည်းက မိဘတွေက သင်ပေးထားခဲ့လို့ အရိုးစွဲအောင်တောင် သိနေပြီ ။ သြော်....ဒါပေမယ့် သိပင် သိငြားသော်လည်း ကျွန်မဟာ သူတော်စဉ် သူတော်မြတ် မဟုတ်သေးတဲ့ ပုထုဇဉ် စစ်စစ်ဖြစ်နေတော့လည်း တွေးလိုက်ရင် ကိုယ့်စိတ်သဘောထားမှားနေမှန်း သိသော်လည်း အကယ်ရွေ့များ နောက်တစ်ကြိမ် ကျွန်မအစ်မတို့သာ ကပ္ပလီလေးကို ပြန်ခေါ်လာခဲ့ရင် သူ့အပေါ်မှာ ကလေးလေးလို ချစ်နိုင်ပါ့မလားဆိုရင်တော့ ဟုတ်ကဲ့...ခုချိန်ထိတော့ အဲဒီလို မချစ်နိုင်လောက်ဘူး ဆိုတာ သေချာနေပါသေးတယ်။ ။

(စာကြွင်း။ ။ တစ်ခုမေ့တော့မလို့ ...ကျွန်မ အစ်မကို ဒီပိုစ့်ရေးထားတာကို ပေးသိလို့ မဖြစ်ဘူး...တော်ကြာသူ့ကို လူသိရှင်ကြား မုဆိုးတစ်ပိုင်း မိန်းမရိုင်းကြီးပုံစံနဲ့ ထည့်ရေးထားရပါ့မလားဆိုပြီး အမျက်တော်တွေရှပြီး တော်ကြာ ကျွန်မကို ထမင်းချက်မကျွေးတော့ရင် နေ့တိုင်း ခေါက်ဆွဲပြုတ်နဲ့ချည်း နှစ်ပါးသွားနေရမှာ စိုးလို့လေ ။း)))))

pika21pika15pika24

28 comments:

ညလင်းအိမ် said...

ရေးတတ်လိုက်တာဗျာ ..

စိတ်ဆိုတာ ဒီလိုပါပဲ ဂျင်းရယ် ... အသက်အရွယ်က စကားမပြောပါဘူး(တခြားအကြောင်းအရာတွေကို မဆိုလိုပါ) ... ကြုံတွေ့နေရတဲ့ အနေအထား ပတ်ဝန်းကျင်နဲ့ ဆိုင်တယ် ...
လူတစ်ယောက်မှာ ရှိသင့်တဲ့ စိတ်ဟာ ရှိကို ရှိနေရမယ် ...
အဲဒါကြောင့် ပြောကြတာပေါ့ လူ့စိတ်ဆိုတာ မျောက်စိတ်လိုပဲတဲ့ .. အဲ မျောက်စိတ်ကတော့ လူ့စိတ်နဲ့ သွားတူတယ်တဲ့ ...
အဟားဟား စဉ်းစားတာ ကြည့်တော့ ဂျင်းရေ ...

ခင်မင်လျက်

WS said...

အင်ကြင်းရေ..
စာ ဖတ်ရင်း ဖတ်ရင်း မှ ပဲ နင် ခုနောက် ပိုင်း ကလေးလေး အပေါ်မှာ ဂရုတစိုက်ရှိလာ တာတွေ မျက်လုံးထဲမှာ ပေါ်လာတယ်... အင်း... ကလေးလေးနဲ့ပတ်သတ်ပြီး ငါ သတိရတာလေး ထည့်ပြောလိုက်အုန်းမယ်... ဒီအိမ်ကို ရောက်ပြီး ၄ ၅ လ လောက်ထိ မမတို့ ကိုကြီး တို့ ကလေးလေး ပါးနပ်ပုံ သိတတ်ပုံ တွေပြော တော့ သြော် ပိုတက်ရန်ကော လို့ ထင်ခဲ့တာ... တစ်နေ့ရောက်မှ မမ တို့ ပြောတာ သွေးထွက်အောင်မှန်နေပါလားလို့သိလိုက်ရတယ် လေ... အဲဒီနေ့ က မနက်အစောကြီး ကလေးလေး ရယ် အိပ်ခန်းပေါက်ဝမှာ တညောင်ညောင်နဲ့ အော်နေတာကို ကြားပေမယ့် ငါအိပ်ချင်စိတ် နဲ့ အတင်းနားပိတ်ပြီး အိပ်နေတယ်လေ... အယ်.. ခဏကြာတော့ အမယ် သူက အိပ်ခန်းတံခါးကို လက်သည်းနဲ့ ခြစ်ပါလေရောလား၊ ငါ လည်း စိတ်တိုတို နဲ့ ထပြီိးိအိပ်ခန်းတံခါးဖွင့် တော့ သူက အိမ်ရှေ့တံခါးနားကို ပြေးသွားပြီး ငါကို လည်းကြည့် တံခါးကို လည်းကြည့် ပြီး တညောင်ညောင်အော် တော့တာပဲ.. အဲဒီကျမှ ပဲ ငါလည်းသိတော့ တယ် တော်တော်လည်တဲ့ကြောင်... ငါတို့ အခန်းကို လာနှိုးပြီး သူ အပြင်ထွက်ချင်လို့ တံခါးဖွင့်ခိုင်းတာကိုးလို့..... ဒီထက်ပိုသိတာ က အဲဒီ နေ့က မမ က ညဂျူတီလေ ကိုကြီးကလဲ အလုပ်ထဲမှာ ပဲ အိပ်တော့ သူအပြင်ထွက်ဖို့ ကို မမတို့ အခန်းကို အားကိုးလို့ မရဖူး ငါတို့ကို နှိုး မှရမယ် ဆိုတာ ကို သူသိနေတာပဲ............ အင်ကြင်းရေ ကလေးလေးအကြောင်း ထည့်ပြောတာနဲ့ ငါ ကွန်မင့် ကရှည်သွားပြီ.. ဒီပို့စ်လေးက ရှည်ပေမယ့် စာကို အဆုံးအထိ ဆွဲခေါ်သွားတယ်... သိလား

ချော (အစိမ်းရောင်လွင်ပြင်) said...

အင်ကြင်းရေ..
အတွေးကလေးတွေက ကောင်းလိုက်တာ..
ငါ့ညီမက စာရေးလဲအတော်ကောင်းတယ်..
အကြောင်းအရာတစ်ခုကို စိတ်ဝင်စားစဖွယ်ဖြစ်အောင် ရေးတတ်တယ်..
တကယ်ချီးကျူးပါတယ်.. ကြောင်တစ်ကောင်အကြောင်းတောင် ဒီလောက်စိတ်ဝင်စားစရာဖြစ်အောင် ရေးနိုင်ရင်
လူတစ်ယောက်အကြောင်းများ ရေးထားခဲ့ရင် ဘယ်လောက် ပီပြင်မလဲလို့ တွေးကြည့်မိနေတယ်..း)

မြတ်မွန် said...

ဂျင်းရေ...ကလေးလေးနဲ့ ဂျင်းရဲ့ပုံစံလေးကို မြင်ယောင်ပြီး ကြည်နူးစရာလေးနော်..
ကလေးလေးပြန်လာလို့တော်သေးတယ်..မွန်လည်း ကြောင်မဲမဲတွေ ချစ်ဘူး..ခွေတော့ချစ်တယ်..
မွန်လာလည်ရင် ဂျင်းမမနဲ့တိုင်မယ်ဟေ့..ဟေးဟေး..
ချစ်တဲ့..

Anonymous said...

မမရေ... မောင်လေးဥာဏ်မမီလို့လားမသိ ကော်မန့်လို့မရဘူး... အဟင့်ဟင့်
ဒါပေမယ့်လေ... ဆိုရိုးစကားတစ်ခုတော့ရှိပါတယ် သူချစ်မှကိုကြင် သူခင်မှ ကိုချစ် တဲ့ မမရေ...
ဖြစ်တတ်ပါတယ်....

အစ်မမောင်လေး
စိုင်းလင်းတိုင်း

ချစ်ကြည်အေး said...

ဂျင်းရေ...ဖြစ်တတ်ပါတယ် ညီမရယ်...အမက ကြောင်မချစ်တတ်ဘူး...အနီးကပ်လည်း မနေခဲ့ရဘူး၊ ဟုတ်မှာပါ သက်မဲ့တွေ အပေါ်တောင် စွဲလန်းတတ်ကြသေးတာပဲ သက်ရှိကြောင်ဆိုတော့ သံယောဇဉ်တွယ်မှာပေါ့လေ....ဂျင်းရေးထားတာလေး သိတ်ဖတ်ကောင်းတာပဲ ငါ့ညီမလေး တော်ချက်များ...:)

chit su said...

You meet as predestined with them in this life.
Anyway your post be highly pleased us. thanks :)


chit su.

ဒဏ္ဍာရီ said...

ဂျင်းရေ........ စာရေးကောင်းလွန်းလို့ ကပ္ပလီမလေးကိုတောင် အသည်းယားလာတယ်။ ကလေးလေးကိုလည်း သနားသွားတယ်။ တခါတလေ တိရိစ္ဆာန်တွေရဲ့ သိတတ်နားလည်မှုဟာ တကယ်အံ့သြစရာ ကောင်းတယ်။ စာရေးတော်လို့ လေးစားသွားတယ်။း)

ခင်မင်လေးစားလျှက်
ဒဏ္ဍာရီ

ချိုကျ said...

မိမိစိတ်ကို ဝေဖန်ပိုင်းခြားနိုင်တာ ကောင်းတဲ့အချက် တစ်ခုပါ အင်ကြင်းရေ....အမှားကိုသိတော့ အမှန်ကို မြင်နိုင်တယ်။ အမှန်ကိုသိတော့ မှန်တာကို ကျင့်ကြံနိုင်တာပေါ့။ အရေးအဖွဲ့ လေးကနှစ်သက်စရာ ကောင်းပါ၏။ အားပေးနေလျှက်ပါ...ခင်တဲ့(ချိုကျ)

သဒ္ဓါလှိုင်း said...

အင်ကြင်းရေ..
ကြောင်လေးအကြောင်းရေးထားတာစိတ်ဝင်စားစရာ
ကောင်းလှချည်လား..။စာအရေးအသားကောင်းတော့
ဖတ်တဲ့သူရဲ့မျက်လုံးထဲမှာလည်းကွင်းကွင်းကွက်ကွက်
မြင်ယောင်နေမိတယ်.။မချောပြောသလိုပဲ`လူ..´
တယောက်အကြောင်းဆိုဘယ်လောက်ဖတ်လို့ကောင်း
လိုက်မလဲလို့..မျှော်လင့်မိပါတယ်..။

ခင်တဲ့
သဒ္ဓါ

SHWE ZIN U said...

ညီမအင်ကြင်း ရေ

စာရေး ရေး ဆိုတော့ ရေးလိုက်ပါတယ်.. သူ့ကြောင်လေး အကြောင်းပါလား.. ဘာဘဲဖြစ်ဖြစ် ညီမ အရေးကောင်းလို့ စိတ်ဝင်စားစရာ ကောင်းသွားပါတယ်
ညီမ ချစ်တဲ့ ကလေးလေး လည်း အမြန်ပြန်လာပါစေ
ညီမ မမ ကိုလည်း ပေးမပြောပါဘူးနော်

ချစ်တဲ့
မမရွှေစင်

sosegado said...

စိတ်ဝင်စားစွာဖတ်သွားပါတယ်၊ ကြောင်မချစ်တတ်သူထဲမှာပါပါတယ်၊ ကြောင်တယ်ကောင်ကို တနေကုန်ထိုင်ကြည့်ဘူးတယ်၊ ချစ်စရာ တစ်ကွက်မှ မတွေ့ရဘူး၊ အဲဒီ့ ကြောင်ကပဲ ကိုယ်ချစ်တတ်အောင် မနေလို့လားမသိဘူး။

ကိုကိုးအိမ် said...

ကျွန်တော်ကတော့ ကြောင်ကိုချစ်တယ် ဒါပေမယ့် အသံဆိုးကြီးနဲ့အော်တဲ့ကြောင်ဆိုမုန်းတယ်
ဒါပေမယ့်ခွေးကိုဘယ်ခွေးမဆိုမုန်းတယ် အသံကလည်းဆိုးသေး နံကလည်းနံသေး

ခင်တဲ့
ကိုကိုးအိမ်

ဇွန်မိုးစက် said...

ရေးမယ့်ရေးတော့လည်း တကယ့်ကို စိတ်ဝင်တစားနဲ့ ဖတ်သူကို ဆွဲခေါ်သွားအောင် ရေးနိုင်တာပဲ ဂျင်ဂျင်းရေ။ မဇွန်က ငယ်ငယ်ကတည်းက ကြောင်မချစ်တတ်ဘူး။ ခွေးကို ပိုချစ်တယ်။ ခုကြီးလာတော့ ဘယ်လိုဖြစ်တယ် မသိဘူး။ ခွေးတွေကို ကြောက်လာရော။ ဂျင်းဆီလာလည်ရင် ကလေးလေးကို တွေ့နိုင်တာပေါ့နော်။

ချစ်တဲ့
မဇွန်

ကိုလူထွေး said...

ကိုလူထွေးကတော့ ကပ္ပလီမလေးအတွက်ပဲ စိတ်မကောင်းဖြစ်နေမိတယ်...

အင်ကြင်းသန့် said...

@ဦးလူထွေး>>>ဦးလူထွေးရေ....ဦးလူထွေးရဲ့ အဲဒီစကားတစ်ခွန်းက ကျနော့်ကို တော်တော်ထိသွားစေတယ် ...ဟုတ်တယ်နော် တကယ်ဆိုရင် ကျနော်ဟာ အဲဒီကြောင်မလေးဘက်က ခံစားချက်ကို သူ့ဘက်ကနေ ခံစားတွေးပေးသင့်တာပေါ့...ခုတော့ ကျနော်က ဘက်လိုက်ပြီး မျှတစွာ မတွေးပေးခဲ့မိဘူး...

~ဏီလင်းညို~ said...

အင်ကြင်းရေ.......
အစ်ကိုလူထွေးပြောသွားသလိုပဲ ကိုဏီးလည်းပြောချင်မိတာ...။
သတ္တ၀ါတွေအပေါ်မေတ္တာထားတာ.... ကွက်ကြားမိုးမရွာရဘူးလေ....း))
ဟုတ်တယ်...ဟုတ်....း))
ဖတ်လို့ကောင်းတဲ့စာလေးဗျ.....။
ခင်မင်တဲ့
ဏီလင်းညို

မြစ်ကျိုးအင်း said...

လူ့သဘာဝ တစ်ခုပါပဲ ပျော်ရွှင်တတ် ဝမ်းနည်းတတ်တဲ့ ခံစားချက်တွေ ရှိသေးတဲ့ ပုထုဇဉ်အတွက် ဒီလို မျိုး ဖြစ်တတ်ပါတယ်။
သံယောဇဉ်ဆိုတာမျိုးက သက်မဲ့မှာတောင် ဖြစ်တတ်ပါတယ်။ အခုက သံယောဇဉ် ဆိုတာရယ် အနိင်ကျင့်ခံရသလိုဖြစ်တဲ့ (အိမ်ထဲမဝင်ရဲတဲ့) ကြောင်ကလေး ဘက်ကနေ မခံနိင်တဲ့ လူသားဆန်မှု တစ်ခုပါ။ ကျွန်တော်ဆိုလည်း ဒီလိုမျိုး ဖြစ်နိင်ပါတယ်။ ဒါပေမယ့် ဒီလို ပြန်ဆင်ခြင် နိင်ပါ့မလားတော့ မသေချာဘူး။
ကိုယ်မှားတာလည်း ရှိနိင်ပေမယ့် ပြန်ဆင်ခြင် တတ်တာ တစ်ခုက တော်တော်ကောင်းနေပါပြီ။ သတ္တဝါတစ်ခု ကံတစ်ခုဆိုတာရယ် တွေ့ကြုံဆုံကွဲ ရယ်ကြောင့် အများကြီး တွေးပြီး စိတ်မကောင်းတော့ မဖြစ်ပါနဲ့လေ။

nai said...

စိတ်ကတော့င်္ဒီလိုပါပဲ..
အဟိ...ကျွန်တော်ကစိတ်ဆိုတာကို
ကိုင်းညွတ်တတ်၏
သိတတ်၏
လို့ပဲသိသဗျ..
ဘာပဲပြောပြောဖတ်ကောင်းတဲ့ပိုစ့်လေးပါ...
အဟိကျွန်တော်ကတိတ်တိတ်လေးလျှောက်သွားတတ်တယ်ဗျ
မန့်လည်းမန့်ခဲတယ်..
ပြောစရာတော့ရှိသား
ဘလော့လစ်ထဲကကြာပန်းဖြူကလိပ်စာပြောင်းသွားပြီ
www.kyarphyu.co.nr ဖြစ်သွားပါပြီးခင်ဗျာ
ကျွန်တော့်ကို linkပေးထားတဲ့အတွက်ကျေးဇူးပါခင်ဗျာ
အစစအရာရာအဆင်ပြေပါစေ...(နိုင်)

noblemoe said...

အင်ကြင်းရေးးး
ကြောင်လေးတွေအကြောင်းလာဖတ်သွားပါတယ်။
မိုးကတော့ ကြောင်တွေကို တကူးတက တော့မချစ်တတ်ဖူးဒါပေမဲ့ ကိုယ့်အိမ်မှာ အမြဲလာနေတော့သံယောဇဉ်တော့ဖြစ်သွားမိတယ်လေ။
သာယာချမ်းမြေ့ပါစေနော်
မိုး

sonata-cantata said...

ဒီပို့စ်လေး ဖတ်ပြီး ဂျင်ဂျင်းနဲ့ အတူ လိုက်တွေးမိစေတယ်။

SHWE ZIN U said...

ကဲ မအင်ကြင်း ရေ

ဘာရန်လုပ်မှာ လည်း ပြောပါအုန်း မနေနိုင်လို့ လာမေးပါတယ်နော်

ဖြေးဖြေးလည်း ပြောပါ everything is ok for u ပါ

ချစ်တဲ့
မမရွှေစင်

စံလင်းထွန်း said...

ဒီပိုစ့်လေးဖတ်မိပြီး ခံစားမိသလို ပျော်ရွှင်ဖွယ်ရာ၊ကြည်နူးဖွယ်ရာလေးတွေလည်း ရပါတယ်။

တိရိစ္ဆာန်တွေကိုချစ်တတ်တဲ့ ခံစားချက်ခြင်းတိုက်ဆိုင်နေတယ်ဗျာ။


ခင်မင်စွာနဲ့
စံလင်းထွန်း

Anonymous said...

ဒေါ်ရွှေအင်ကြင်း
အဲဒီစိတ်ကြီးက ဘယ်နားမှာလဲ
သိချင်လို့ မေးကြည့်တာ စိတ်အကြောင်း၊ ရုပ်အကြောင်းတွေ လေ့လာပြီး ပြန်လာပါတယ်

ပြန်ရောက်လို့ အလည်လာပါတယ်
စိတ်သဘောတွေအကြောင်းထပ်တွေ့
ရပါတယ် စိတ်သဘောအကြောင်းကိုပဲ ထပ်လေ့လာရပြန်ပါတယ် တရားမရနိုင်သေးတော့ စိတ်အကြောင်းများ ထပ်ရှာဖွေသွားပါတယ်

ခင်တဲ့
seesein

စိတ်၏ဖြေရာ said...

အမလည်းကြောင်ချစ်တတ်ပါတယ်။ကြောင်တွေလည်း
အများကြီးမွေးဖူးပါတယ်။လေ့ကျင့်ပေးလို့ရပြီးလိမ္မာတဲ့
ကြောင်လေးတွေရှိသလိုခေါင်းအုန်းပေါ်မှာအီအီးပါပြီး
ခိုးစားတတ်တဲ့ကြောင်တွေလည်းမွေးဖူးတယ်။

ဝေလင်း said...

မျက်နှာချင်းဆိုင်ကလူက သူရှိုးနေတာမကျေနပ်လို့ တမင်လုပ်တယ် ထင်မသွားဘူးလားဗျ...

ဝေလင်း said...

ရွှေပြည်မှာကလည်းဆွဲတဲ့လိုင်းကားက အဲလိုကားလေးတွေကိုး... ဒီမှာကတော့ အဲလိုကားမျိုးတွေ့ကိုမတွေ့ရတာ။ ရှိလည်း ဆွဲမှာမဟုတ်ပါဘူး...

lamintayar said...

အစ်မ အင်ဂျင်း အချိန်မရလို.နောက်နေ.မှ သေချာလာဖတ်မယ်နော်... အင်တာနက်မရလို. မလာဖြစ်တာခွင်.လွတ်ပါအစ်မရေ..ပျော်ရွင်ပါစေ..