Pages

Tuesday, December 29, 2009

Men Dominated World လား၊ Women Dominated World လား - အပိုင်း (၂)

ကျွန်မက ၂၀၀၆ ဒီဇင်ဘာမှာ ကျောင်းပြီးခဲ့ပြီး ၂၀၀၇ ဇန်န၀ါရီမှာ အလုပ်စ၀င်ခဲ့တာဆိုတော့ ကျွန်မရဲ့ အလုပ်လုပ်တဲ့ သက်တမ်းက မြန်မာပြည်မှာ ၁နှစ်၊ အခု ဒီမှာ၂နှစ်နီးပါးနဲ့ ဆိုရင် ၃ နှစ်နီးပါးရှိပြီပဲ ဆိုပါတော့။ အဲဒီ ၃နှစ်အတွင်းမှာ အလုပ်လုပ်ခဲ့တဲ့ ကုမ္ပဏီပေါင်းက စုစုပေါင်း ၄ခု......။ ပထမဆုံးအနေနဲ့က မြန်မာနိုင်ငံမှာရှိတဲ့ ဆောက်လုပ်ရေး ကုမ္ပဏီ တစ်ခုမှာ စပြီး အလုပ်ဝင်ခဲ့တာပါ။ အဲဒီမှာ ကျွန်မ လုပ်ခဲ့ရတဲ့အလုပ်က ကျွန်မတို့ကုမ္ပဏီကနေ တာဝန်ယူပြီး တည်ဆောက်နေတဲ့ ဥယာဉ်အိမ်ယာ စီမံကိန်းတစ်ခုမှာ ရှိတဲ့ အဆောက်အဦးတစ်ခုကို တာဝန်ယူရတဲ့ ဆိုဒ်အင်ဂျင်နီယာအလုပ်ပါ။ တကယ်တော့ ကျွန်မတို့ကုမ္ပဏီက Main Contractor အနေနဲ့ ပရောဂျက်ကိုရထားပြီး အဆောက်အဦးတစ်ခုချင်းစီကိုဆောက်ဖို့ကြတော့ Sub-Contractor တွေကိုပြန်ပေးလိုက်တာပါ။ ဆိုဒ်အင်ဂျင်နီယာတွေရဲ့တာဝန်က Sub - Con တွေလုပ်သမျှကို ဆိုဒ်မှာအမြဲ စစ်ဆေးနေရတဲ့တာဝန်ပါ။ (ကျွန်မတို့အဖြစ်က Main Con ကနေ Sub - Con ကို ကြီးကြပ်ဖို့အတွက် ပိုက်ဆံပေးပြီးငှားထားတဲ့ လူမိုက်တွေလို့ ပြောရမယ်ဆိုရင်မမှားပါဘူး.......။ နောက်ကြုံမှ Sub - Con တွေနဲ့ရန်ဖြစ်တဲ့အကြောင်းတွေ ရေးရဦးမယ်။) ထားပါတော့.......... အခုနစကားကိုဆက်လို့ ဥယာဉ်အိမ်ယာစီမံကိန်းဆိုတော့သိတဲ့အတိုင်း အဆောက်အဦးတွေက အများကြီးဆောက်ရတဲ့အပြင် အဆောက်အဦးတိုင်းမှာလည်း အဲဒီအဆောက်အဦး တစ်ခုလုံးအတွက်အလုံးစုံတာဝန်ယူရတဲ့ ဆိုဒ်အင်ဂျင်နီယာ တစ်ယောက်စီခန့်ထားတယ်။ ဒါ့အပြင် တစ်ခြား ရေပိုင်း၊ မီးပိုင်းကိုတာဝန်ယူရတဲ့ အင်ဂျင်နီယာတွေပါ အပါအ၀င်ဆိုရင် ကျွန်မတို့ရဲ့ အဲဒီပရောဂျက်ကြီးမှာ အင်ဂျင်နီယာ ယောကျာ်းလေးတွေရော၊ မိန်းခလေးတွေပါ မနည်းလှပါဘူး။

အဲ.............အဲဒီ များပြားလှတဲ့ အင်ဂျင်နီယာတွေ အားလုံးကို အုပ်ချုပ်တာဝန်ယူရတဲ့သူကတော့ အသက်အားဖြင့်ဆိုရင် ကျွန်မတို့ထက် များစွာမကြီးလှသေးတဲ့ အမျိုးသမီး ပရောဂျက်မန်နေဂျာ (ပရောဂျက်ဒါရိုက်တာလို့ ပြောလို့လည်းရပါတယ်) တစ်ယောက်ပါ။ ကျွန်မတို့အင်ဂျင်နီယာတွေအားလုံးရဲ့ လေဒီဘော့စ်လို့ပဲ ဆိုပါတော့။ သူမဟာ အသက်ငယ်ငယ်ရွယ်ရွယ်နဲ့ အဲဒီလိုရာထူးကြီးကြီးကို ရထားနိုင်သူ ဆိုကတည်းက သူမရဲ့အရည်အချင်းကို ခန့်မှန်းလို့ရပါတယ်။ ကျွန်မ အနေနဲ့ သတိထားမိခဲ့တဲ့ သူမမှာရှိတဲ့ ထူးခြားတဲ့ အရည်အချင်းတွေကတော့ စကားကို အလွန်ကျွမ်းကျင်ပိုင်နိုင်စွာ ပြောတတ်ခြင်းနဲ့ တစ်ပါးသူတွေရဲ့ အားနည်းချက်၊ ပျော့ကွက်၊ ဟာကွက်များကို ပါးနပ်လှစွာ ထိုးထွင်းသိမြင်တတ်ခြင်းတို့ပါပဲ။

အဲဒီတုန်းက ကျွန်မတို့အင်ဂျင်နီယာတွေဟာ အပတ်စဉ်တနင်္လင်္ာနေ့တိုင်းမှာ သူမနဲ့အတူ Progress Meeting တစ်ခု လုပ်ရပါတယ်။ တကယ်တော့ အဲဒီ Meeting ဟာ လုပ်ငန်းရဲ့ Progress ကိုဆွေးနွေးတဲ့ အစည်းအဝေးလို့ဆိုတာထက် ကျွန်မတို့အင်ဂျင်နီယာတွေအတွက်ကတော့ ကိုယ့်ရဲ့ပြစ်ချက်တွေ၊ လိုအပ်ချက်တွေ၊ အားနည်းချက်တွေကို ကျန်တဲ့အင်ဂျင်နီယာတွေရှေ့မှာ သူမရဲ့ထောက်ပြပြောဆို ဝေဖန်ခြင်းကိုခံရဖို့ တွေ့ဆုံပွဲဆိုရင် ပိုပြီးမှန်ပါလိမ့်မယ်။ တစ်ခါတစ်ရံမှာဆိုရင် အင်ဂျင်နီယာတွေဟာ သူမရဲ့ချောင်ပိတ်မေးတဲ့ မေးခွန်းတွေကြားမှာ မရှူနိုင်မကယ်နိုင် အဖြစ်မျိုးတွေနဲ့ ကြုံတွေ့ရတာကလဲ အကြိမ်ကြိမ်ပါပဲ.....။

ဥပမာ.........ဒီတစ်ပတ်မှာ ကျွန်မဆိုဒ်ထဲမှာ ပြဿနာတစ်ခုခုဖြစ်တယ် ဆိုပါတော့........ဒါဆိုရင် သေချာပြီ၊ တနင်္လာနေ့အစည်းအဝေးကျရင် ကျွန်မအနေနဲ့ ဒီပြဿနာနဲ့ပတ်သက်ပြီး သူမကို ဆွေးနွေး တင်ပြရတော့မယ်ဆိုတာ......အဲတော့ ကျွန်မက အဲဒီပြဿနာနဲ့ပတ်သက်တဲ့အကြောင်းအရာ၊ အချက်အလက်တွေကိုရော၊ သူမဆီက မေးလာနိုင်မယ့်မေးခွန်းတွေအတွက် ဖြေရှင်းချက်တွေကိုရော ကြိုတင်စဉ်းစားပြီး ပြင်ဆင်သွားတယ်ဆိုပါတော့..............စိတ်ချပါ.... အစည်းအဝေးကျရင် သူမဆီမှာ ကျွန်မ ဘယ်လိုမှထင်မထားခဲ့တဲ့ မေးခွန်းတွေ ရှိနေတတ်သလို၊ ကျွန်မ လုံးဝမစဉ်းစားမိခဲ့တဲ့ (ကိုယ့်ကိုကိုယ်တောင် သတိမထားမိခဲ့တဲ့) ကျွန်မရဲ့ဟာကွက်၊ ပျော့ကွက် တွေကို သူမက လက်တန်း ဒက်ခနဲ၊ ဒက်ခနဲနေအောင် ပြောပြသွားပါလိမ့်မယ်။ အဲဒီအချိန်မှာ ဖြေရှင်းဖို့တော့ သွားမကြိုးစားလိုက်လေနဲ့၊ ကိုယ့်လည်ပင်းကိုယ် ကြိုးကွင်းစွပ်ဖို့အတွက် ကြိုးစကို ဆွဲထုတ်လိုက်သလို ဖြစ်သွားလိမ့်မယ်။(ဘောလုံးစကားနဲ့ ပြောရရင်တော့ “တစ်ဘက်ကနေ တစ်လုံးပြီးတစ်လုံး ဂိုးတွေဆင့်ကာဆင့်ကာ အသွင်းခံနေရတာကို ချေပဂိုးဆိုလို့တစ်ဂိုးတစ်လေလေးတောင်မသွင်းလိုက်နိုင်ရှာပဲ နောက်ဆုံးပွဲပြီးသည်အထိ ခံစစ်နဲ့ချည်းကစားသွားရရှာကာ လှလှပပကြီးကိုရှုံးနိမ့်သွားရပါတယ်ခင်ဗျာ” လို့ပြောရမလိုပါပဲ............) ။အဲဒီလိုအချိန်မျိုးကို ရောက်ပြီဆိုရင်များ လူကမြေကြီးထဲပဲ လျှိုးသွားချင်သလိုလို၊ မိုးပေါ်ပဲပျံသွားချင်သလိုလို စိတ်မျိုးတွေ ဖြစ်လာတတ်ပြီး အဲဒီနေရာကနေ ခဏလောက်ကို ပျောက်ကွယ်သွားချင် တော့တာပါပဲ။ စဉ်းစားကြည့်ကြပါဦးနော်.......ကိုယ်နဲ့သက်တူရွယ်သူ အင်ဂျင်နီယာတွေ (ယောကျာ်းလေးအင်ဂျင်နီယာတွေပါ အပါအ၀င်) အများကြီးရှေ့မှာ ချောင်ပိတ်မိနေပြီး မရှူနိုင်မကယ်နိုင်နဲ့ ဖြစ်နေရတဲ့ အဖြစ်ဟာ ရှက်ဖို့ကလည်းကောင်း၊ ထထွက်သွားဖို့ကလည်းမဖြစ်နိုင် နဲ့ တော်တော့်ကို ဆိုးတဲ့ခံစားချက်ပါ။

တကယ်တော့ အဲဒီလို ခံစားမှုတွေကို ခံစားခဲ့ရတာ ကျွန်မတစ်ယောက်တည်းတင် မဟုတ်ပါဘူး။ အင်ဂျင်နီယာတိုင်းလိုလို ပါပဲလို့ ပြောလို့ရပါတယ်။ အပတ်စဉ် အလှည့်ကျပဲဆိုပါတော့.....။ အစည်းအဝေးခန်းထဲမှာတင် ငိုခဲ့ရတဲ့သူတွေလည်း ရှိပါတယ်။ အဲဒီတော့ ဘယ်လိုဖြစ်လာလဲဆိုတော့ ကျွန်မတို့တွေဟာ သူမနဲ့တွေ့ဆုံဖို့တို့၊ စကားပြောဖို့တို့ဆိုရင်အရမ်းကို ၀န်လေးကြောက်ရွံ့လာကြပါတယ်။ ကျွန်မတို့ အင်ဂျင်နီယာတွေတွေ့ရင် အမြဲပြောလေ့ရှိတဲ့ စကားတစ်ခွန်းရှိပါတယ် “တကယ်လို့များ တနင်္လာနေ့တွေရောက်တိုင်း အစည်းအဝေးခန်းထဲဝင်မလား၊ ကျားမြီးဆွဲကြမလားလို့ရွေးချယ်ခွင့်များရှိခဲ့မယ်ဆိုရင်၊ ကျားတွေမှာအမြီးတွေတောင်ရှိမှာမဟုတ်တော့ဘူး” ဆိုတဲ့စကားပါပဲ။

ကျွန်မတို့အင်ဂျင်နီယာတွေတင် မဟုတ်ပါဘူး၊ တော်တော်များများ အမျိုးသားကန်ထရိုက်တာတွေ ဆိုရင်လည်း သူမနဲ့ အစည်းအဝေးတွေလုပ်မယ်၊ အခြေအတင် စကားတွေပြောကြမယ် ဆိုရင် သူမကိုနိုင်အောင် တော်ရုံတန်ရုံ ဘယ်သူမှ မပြောနိုင်ပါဘူး။ ထုံးစံအတိုင်း သူမကပဲ အနိုင်နဲ့ပိုင်းသွားတာချည်းပါပဲ။ အဲဒါနဲ့ ကျွန်မသူမနဲ့ပတ်သက်ပြီး တစ်ခုစဉ်းစားမိပါတယ်။ သူမဟာ အဲဒီလိုသူတစ်ပါးရဲ့ပျော့ကွက်၊ ဟာကွက်၊ အားနည်းချက်တွေကို ဘာကြောင့်များ ထူးထူးခြားခြားသိနေနိုင်၊ ထောက်ပြနိုင်နေနိုင်ရတာလဲ၊ အဲဒါကိုတော်တယ် ထက်မြက်တယ်လို့ဆိုလိုတာလား၊ ဒီအရည်အချင်းတွေကြောင့် ပဲသူမဟာ အဲဒီလိုငယ်ငယ်ရွယ်ရွယ်နဲ့ ရာထူးကြီးကြီးကိုရထားတာလား.........ဒါဟာသူမရဲ့သူမတူတဲ့ မွေးရာပါ အရည်အချင်းတစ်ရပ်ပဲလား၊ အဲဒီလိုမျိုး တော်ဖို့ဆိုတာ လေ့ကျင့်ယူလို့ရသလား၊ နောက်တစ်ချက်က တော်ရုံတန်ရုံအမျိုးသားတွေကလည်း ဘာကြောင့် သူမကိုယှဉ်ပြီး နိုင်အောင်မပြောနိုင်ရတာလဲ ဒါဆိုလူတွေကရော ဘာလို့သူမနဲ့စကားပြောရမှာ၊ တွေ့ရမှာကိုကြောက်ကြရတာလဲ စသဖြင့်ပေါ့လေ.....။ ကျွန်မဆိုရင် သူ့ကိုဘယ်လောက်အထိ ကြောက်လဲဆိုရင် သူဒီလမ်းကလာနေတာ မြင်ရင် ဟိုဘက်လမ်းကနေ ပတ်သွားပါတယ်။ ဘာဖြစ်လို့လည်းဆိုတော့ ကျွန်မ သူမနဲ့ပတ်သက်လို့ခံစားခဲ့ရတာက အစည်းအဝေးခန်းထဲက ခံစားချက်တွေတင်မကလို့ပါပဲ။ တခြားအဖြစ်အပျက်တွေလည်းရှိခဲ့သေးလို့ပါ။ အခုအချိန်အထိမေ့လို့မရနိုင်တဲ့ အဖြစ်တွေပဲဆိုပါတော့လေ.......။ အဲဒီအထဲကမှ ပြောပြရမယ်ဆိုရင်တော့........

(မှတ်ချက်။ ။မရည်ရွယ်ပဲနဲ့ ပိုစ့်ကရှည်ရှည်သွားတယ်။ အဲဒါနဲ့ အပိုင်း (၃) ကိုမခွဲချင်ပဲခွဲလိုက်ရတယ်။ ကိုယ်ကရေးချင်တာတွေ စွတ်ရေးဖို့ပဲသိတာလေ။ ကျန်တဲ့မောင်နှမတွေက အားနာနာနဲ့ဘာမှ မပြောဘဲသည်းခံပြီးဖတ်ပေးပေမယ့် ကလေးငယ်လေးက ကလေးပီပီ ဟန်မဆောင်ပဲ ဆီဗုံးထဲမှာ ပိုစ်အရှည်ကြီးတွေရေးလို့တဲ့ ပြောသွားတော့မှပဲ ကိုယ့်မှာ ရီရတော့မလို ငိုရတော့မလိုနဲ့ ဟီးးးးးးးးးးးးး.............။)

Friday, December 25, 2009

Men Dominated World လား၊ Women Dominated World လား - အပိုင်း (၁)

တစ်နေ့ပေါ့..... ကျွန်မရဲ့ စီနီယာမန်နေဂျာနဲ့ ကျွန်မ ရောက်တတ်ရာရာ စကားတွေ ထိုင်ပြောကြရင်း ကျွန်မ သိချင်နေတာကြာပြီ ဖြစ်တဲ့ အကြောင်းအရာ တစ်ခုကို သူ့ဆီကနေ တစ်စွန်းတစ်စလေး သိခွင့်ရလိုက်ပါတယ်။ အဲဒီလို တစ်စွန်းတစ်စ သိခွင့်ရလိုက်ခြင်းနဲ့အတူ နောက်ထပ် စဉ်းစားစရာတွေ အများကြီးကိုလည်း ကျွန်မ ထပ်ရလာခဲ့တယ်။ ဒီလိုနဲ့ အဲဒီအကြောင်းက ဒီရက်ပိုင်းအတွင်း ကျွန်မရဲ့ အတွေးတွေထဲမှာ နေရာယူထားပြီး ဒီအကြောင်းအရာနဲ့ ပတ်သက်လို့ အခြားသူတွေရဲ့ အမြင်လေးတွေကိုပါ သိချင်လာတဲ့အတွက် ကျွန်မရဲ့ဘလော့ဂ်လေးမှာ ရေးမယ်လို့ စိတ်ကူးမိလိုက်ပါတယ်။ အဲဒီလို ရေးချင်နေတဲ့ အရာတစ်ခုကို ချမရေးလိုက်ရမချင်း လူက တစ်ခုခုနဲ့ငြိနေသလိုလို တစ်ခုခုကို ထမ်းထားရသလိုလိုကြီး ဖြစ်နေတဲ့အတွက် ဒီပိုစ့်လေးကို ကျွန်မ ရေးလိုက်မိပါတယ်။

အခုနစကားကို ဆက်လို့ အဲဒီနေ့မှာ သူနဲ့ကျွန်မ စကားတွေပြောကြရင်း ဘယ်အကြောင်းအရာကို ရောက်သွားသလည်းဆိုတော့ အမျိုးသားဘော့စ် နဲ့ အမျိုးသမီးဘော့စ်တွေရဲ့ ကွာခြားပုံအကြောင်းတွေကို ရောက်သွားပါတယ်။ ကျွန်မတို့ပြောတဲ့ ဘောစ့်ဆိုတာ ကုမ္ပဏီပိုင်ရှင် သူဌေးတွေကို ဆိုလိုတာမဟုတ်ပါဘူး။ ကိုယ်နဲ့အလုပ်အတူတူ တွဲဖက်လုပ်ကိုင်နေရတဲ့ ကိုယ့်ထက် ရာထူးကြီးတဲ့သူတွေကို ဆိုလိုချင်တာပါ။ အဲဒီမှာ သူက ကျွန်မကို ဘာစပြောသလဲဆိုတော့.....

“အင်ကြင်း.....လူတော်တော်များများ (အထူးသဖြင့် မိန်းခလေးတွေ)ဟာ အမျိုးသမီးဘော့စ် (သူ့အပြောနဲ့ ပြောရရင်တော့ လေဒီဘော့စ်ပေါ့လေ)တွေနဲ့ တွဲပြီး အလုပ်မလုပ်ချင်ကြဘူး၊ အမျိုးသားဘော့စ်တွေနဲ့ တွဲပြီး အလုပ်လုပ်ရတာကိုပဲ ပိုနှစ်သက်ကြတယ်။ အဲဒါကို မင်းလက်ခံသလား ” တဲ့...။

သူက တစ်ခုခုပြောလို့ရှိရင် “ငါပြောတာအမှန်၊ နင်ငါပြောတာကိုပဲ လက်ခံရမယ်” ဆိုတဲ့ ပုံစံမျိုးနဲ့ ဘယ်တော့မှ ပြောလေ့မရှိပါဘူး။ ကျွန်မ လက်ခံနိုင်၊ လက်မခံနိုင်၊ ယုတ္တိရှိ မရှိ စဉ်းစားနိုင်အောင် အကျိုးတွေ အကြောင်းတွေနဲ့ အရင် ရှင်းပြသေးတာပါ။ သူက ဆက်ပြောပါတယ်.....

“ငါ ဘာကြောင့် အဲဒီလို ပြောရသလဲဆိုတော့ မိန်းမတွေနဲ့ ယောကျာ်းတွေဟာ ပြဿနာ တစ်ရပ်ကို ဖြေရှင်းကြတဲ့အခါမှာ ဖြေရှင်းပုံ ဖြေရှင်းနည်း ပုံစံတွေ ကွာခြားကြလို့ပဲ” တဲ့.....။

သူက ရုတ်တရက် အဲဒီလိုတွေ ပြောလိုက်တဲ့အခါ ကျွန်မအနေနဲ့ ချက်ချင်း ဘာမှ ပြန်မပြောသေးပဲ အင်တင်တင် ဖြစ်နေပါတယ်။ ဘာဖြစ်လို့လဲဆိုတော့ ကျွန်မကိုယ်တိုင်က မိန်းမတစ်ယောက် ဖြစ်နေပြီး ယောကျာ်းတွေဆီက နေပြီး မိန်းမတွေကို အထင်သေး၊ အမြင်သေးတဲ့ အပြောအဆိုမျိုး၊ အပြုအမူမျိုးတွေကိုများ တွေ့ရရင် ကျွန်မက သိပ်မုန်းတာမို့ပါ။

အဲဒီမှာပဲ သူက ကျွန်မအဲဒီလို အင်တင်တင်ဖြစ်နေတာကို ရိပ်မိသွားပြီး..... “အိုကေ....အိုကေ....နင် ချက်ချင်းလက်မခံနိုင်တာ ငါသိတယ်။ ဒါပေမယ့် ငါ နင့်ကို ဥပမာလေးတစ်ခုတော့ ပြောပြချင်တယ်” ဆိုပြီး ဒီလို ပြောပြပါတယ်။

ဥပမာ ကျွန်မတို့ ကုမ္ပဏီမှာ ကုမ္ပဏီအတွက် အရမ်းအရေးကြီးတဲ့ တင်ဒါတစ်ခုကို မနက်ဖြန် မနက်မှာ တင်စရာရှိတယ် ဆိုပါစို့.....။ တင်ဒါပိတ်ချိန်က မွန်းတည့် ၁၂နာရီ တိတိ။ ဒါ့အပြင် ကျွန်မတို့ သူဌေးကလည်း မနက်ဖြန်မှာပဲ နိုင်ငံခြား ခရီးစဉ်တစ်ခုကို သွားစရာရှိနေတယ် ထားပါတော့။ အဲဒီမှာ ကျွန်မရဲ့ မန်နေဂျာလုပ်သူက ကျွန်မကို အဲဒီတင်ဒါ တင်ဖို့အတွက် စီစဉ်စရာရှိတာတွေကို အကုန်စီစဉ်ဖို့၊ စစ်ဆေးဖို့ တာဝန်ပေးထားတယ်။ ဒါကြောင့် ကျွန်မကလည်း ပြင်ဆင်စရာရှိတာ၊ စစ်စရာရှိတာ၊ သူဌေးဆီက လက်မှတ်ယူစရာရှိတာ တွေကို ဒီနေ့မှာပဲ ပြီးစီးအောင် ပြင်ဆင်စစ်ဆေးပြီး စိတ်ချရပြီဆိုမှ ပြန်ခဲ့တယ်။

ဟုတ်ပြီ..... မနက်ဖြန်မနက်ကို ရောက်ပြီ။ အခုနတင်ဒါကို ကျွန်မရဲ့မန်နေဂျာက အပြီးသပ်တစ်ကြိမ် စစ်ဆေးပြီးတာနဲ့ စာရွက်စာတမ်း ချုပ်စရာရှိတာတွေကို ချုပ်ပြီး ၁၂နာရီမထိုးခင် အမီ သွားတင်ရတော့မယ်။ သူဌေးကလည်း အဲဒီအချိန်မှာ သူ့ခရီးစဉ်အတွက် လေဆိပ်ကို ထွက်သွားပြီ။ အဲ.....အဲဒီမှာပဲ မထင်မှတ်ထားတာ တစ်ခုကဖြစ်လာခဲ့တယ်။ မန်နေဂျာက စစ်ဆေးနေရင်းနဲ့ တင်ဒါရဲ့ အရမ်းအရေးကြီးတဲ့ တစ်နေရာမှာ သူဌေးလက်မှတ်ထိုးဖို့ လိုနေတာကို သွားတွေ့လိုက်ရတယ်။ ဟာ.....သွားပြီ၊ ဘယ်လိုလုပ်ပါ့မလဲ????? လေဆိပ်ကိုလိုက်ပြီး သူဌေးရဲ့လက်မှတ်ကို လိုက်ယူမယ် ဆိုရင်လည်း တင်ဒါပိတ်ချိန် ၁၂နာရီကို အမီသွားတင်ဖို့ဆိုတာက မဖြစ်နိုင်တော့ဘူး။ ဒါ့အပြင် ဒီအကြောင်းကို သူဌေးသိသွားပြီ ဆိုပါကလည်း ဒီလောက်အရေးကြီးတဲ့ ကိစ္စကို ဒီလို ပေါ့ဆရပါ့မလား ဆိုပြီး ကောင်းကောင်း အပြစ်ပေးခြင်းကို ခံရတော့မယ်။

သူဌေးလက်မှတ် မပါပဲ ဒီတင်ဒါကို သွားတင်ဖို့၊ ကိုယ်စားလက်မှတ်ထိုးဖို့ ဆိုတာလည်း လုံးဝမဖြစ်နိုင်ဘူး။ အဲဒီစာရွက်က အရမ်းအရေးကြီးတဲ့စာရွက် ဖြစ်နေတယ်။ သူဌေးကိုယ်တိုင်ကို လက်မှတ်ထိုးမှဖြစ်မယ့် ကိစ္စဖြစ်နေတယ်။ ဘယ်လိုလုပ်မလဲ?????

သူက ဆက်ပြောပါတယ်.....။ အဲဒီလိုအချိန်မျိုးမှာ ကျွန်မရဲ့မန်နေဂျာဟာ အမျိုးသမီးသာ ဖြစ်နေခဲ့မယ်ဆိုရင် ကျွန်မရဲ့အခြေအနေက မလွယ်တော့ဘူးလို့သာ မှတ်တော့တဲ့။ သူမဟာ ဒီကိစ္စ ဖြစ်ရခြင်းအတွက် ကျွန်မကို ဒေါသတွေထွက် ဆူပူပြစ်တင်မာန်မဲမဆုံး ဖြစ်နေမယ့်အပြင် ဒီလိုဖြစ်ရခြင်းဟာ ကျွန်မရဲ့ ပေါ့ဆမှုကြောင့်သာလျှင်ဖြစ်ကြောင်း၊ ဒီကိစ္စအတွက် ကျွန်မမှာသာလျှင် အလုံးစုံတာဝန်ရှိတဲ့ အကြောင်းတွေကို report တစ်စောင် ချက်ချင်းကောက်ရေးပြီး အထက်လူကြီးတွေဆီကို ပို့လိမ့်မယ်။ အဲဒီလိုတွေ အဲဒီလိုတွေဖြစ်နေရတာနဲ့ပဲ တင်ဒါကိုလည်း သွားမတင်ဖြစ်လိုက်တော့ဘူးပဲ ဆိုပါတော့.....။

ဒါက လေဒီဘော့စ်တစ်ယောက်ရဲ့ ပြဿနာတစ်ရပ်အပေါ် တုန့်ပြန်ပုံ တုန့်ပြန်နည်း။

ဟုတ်ပြီ..... တကယ်လို့များ အဲဒီမန်နေဂျာနေရာမှာ ယောကျာ်းတစ်ယောက်သာ ဖြစ်ခဲ့မယ်ဆိုရင် အဲဒီကိစ္စကို ဘယ်လို ဖြေရှင်းမယ်ထင်သလဲတဲ့.....။ သူဌေးရဲ့လက်မှတ် လိုနေတယ်လို့ သူသိလိုက်ရတဲ့ အချိန်မှာ အိုကေ..... အကောင်းဆုံး အဖြေတစ်ခုကို ရအောင် သူ ခဏစဉ်းစားလိမ့်မယ်။

ရပြီ..... ပထမဆုံးအနေနဲ့ တင်ဒါသွားတင်ရမယ့် နေရာကို သူကဖုံးဆက်ပြီး လှမ်းပြောမယ်။ တင်ဒါကို လာတင်ဖြစ်အောင် တင်ပါ့မယ်ဆိုတဲ့အကြောင်း၊ ဒါပေမယ့် အခက်အခဲလေးတွေ အနည်းငယ် ဖြစ်နေတဲ့အတွက် တင်ဒါပိတ်ချိန်ကို နောက်ထပ် တစ်နာရီလောက် စောင့်ပေးဖို့ဆိုတဲ့ အကြောင်းတွေကို မရရအောင် request လုပ်မယ်။

ပြီးတာနဲ့ တပြိုင်နက်တည်း လေဆိပ်ကို ထွက်သွားပြီဖြစ်တဲ့ သူဌေးနောက်ကို လိုက်သွားပြီး လက်မှတ်ကို မရရအောင် ယူမယ်။ သူဌေးရဲ့ ပြစ်တင်ကြိမ်းမောင်း ငေါက်ငန်းဆဲဆိုခြင်းတွေကိုလည်း ခံလိုက်မယ်။ အဓိကက သူဌေးဆီက လက်မှတ်ကို ယူပြီး တင်ဒါကို တင်ဖြစ်အောင် သွားတင်နိုင်ဖို့ပဲ။ ဒါ့အပြင် ဒီကိစ္စနဲ့ ပတ်သက်လို့လည်း report တစ်စောင်ကို မဖြစ်မနေတော့ တင်ရမယ်။ ဒါပေမယ့် သူသည် report ထဲမှာ ဒီကိစ္စဖြစ်ရခြင်းသည် အားလုံးမှာ တာဝန်ရှိကြောင်း၊ ဒီအမှားကို အားလုံးက shareလုပ်ပြီး ယူကြရမှာ ဖြစ်ကြောင်း၊ နောက်တစ်ကြိမ် အဲဒီလို မဖြစ်ဖို့အတွက် အားလုံးအနေနဲ့ သတိထားပြီး ဆောင်ရွက်ကြရမှာ ဖြစ်ကြောင်းတို့ကို သူထည့်ရေးလိမ့်မယ်တဲ့။

ဒါက အမျိုးသားဘော့စ်တစ်ယောက်ရဲ့ ပြဿနာတစ်ရပ်အပေါ် တုန့်ပြန်ပုံ တုန့်ပြန်နည်း။

အဲဒီလို ဥပမာလေးနဲ့လည်း ပြောပြီးရော သူက

“ဘယ်လိုလဲ.........အင်ကြင်း၊ အဲဒီ ဥပမာလေးကို မင်း လက်ခံနိုင်သလား” တဲ့.....။

ကျွန်မကလည်း “အင်း.....သိပ်တော့ လက်မခံချင်ပါဘူး။ ဘာဖြစ်လို့လဲဆိုတော့ အခုနလို ပြဿနာဖြေရှင်းပုံ ကွာခြားခြင်းဟာ ယောကျာ်း၊ မိန်းမဆိုတဲ့ ကွာခြားချက်ပေါ်မှာ မူတည်နေတယ်လို့ ငါတော့ မထင်ပါဘူး၊ လူတစ်ဦးချင်းစီပေါ်မှာပဲ မူတည်မယ်လို့ ထင်ပါတယ်” ဆိုတော့ သူက မလျှော့သေးပါဘူး။

“မဟုတ်သေးဘူး အင်ကြင်း..... အခုနလိုမျိုး ပြဿနာကို ဖြေရှင်းတဲ့နေရာမှာ မိန်းမနဲ့ယောကျာ်း ဘာ့ကြောင့် ကွာခြားသွားရသလဲ ဆိုရင်၊ လောကကြီးမှာ ရှိတဲ့ နေရာဌာနအသီးသီးမှာ၊ ရာထူးပုံစံအမျိုးမျိုးနဲ့ တာဝန် ထမ်းဆောင်နေကြတဲ့ အမျိုးသမီးတွေ အားလုံးမှာ (ရာထူးကြီးတာပဲဖြစ်ဖြစ်၊ ငယ်တာပဲဖြစ်ဖြစ်) တူညီတဲ့ စိတ်ခံစားမှုတစ်မျိုး ရှိကြတယ်။ အဲဒါကဘာလဲ ဆိုတော့ insecurity လို့ခေါ်တဲ့ ခံစားချက်တစ်မျိုးပဲ။ လောကကြီးမှာ ယောကျာ်းနဲ့မိန်းမ ယှဉ်လိုက်ရင် ယောကျာ်းတွေဟာ ဘယ်လိုနေရာမျိုးကိုပဲ သွားသွား၊ ဘယ်လိုပဲ နေထိုင်ပြောဆိုပြောဆို သူတို့အတွက် ပြဿနာ သိပ်မရှိပေမယ့် မိန်းမတွေကြတော့ မတူတော့ဘူး။ သူတို့မှာ အရှက်တွေ၊ သိက္ခာတွေ၊ အိနြေ္ဒတွေနဲ့ ဘ၀ကို တည်ဆောက်ထားရတဲ့ အတွက် ဘယ်လို နေရာမှာပဲနေနေ သတိနဲ့ ဆင်ခြင်နေထိုင်ပြောဆိုကြရတယ်။ အမှားအယွင်းတစ်ခုခု၊ အတိမ်းအစောင်း တစ်ခုခုများ ဖြစ်သွားခဲ့ပြီဆိုရင် သူတို့ဟာ သူ့တို့ရဲ့အရှက်တရား၊ ဂုဏ်သိက္ခာတွေ သူတို့ရပ်တည်နေရတဲ့ နေရာအနေအထားအတွက် အမြဲထည့်စဉ်းစားရတယ်။ ဒါ့ကြောင့် ပြဿနာတစ်ခု ဖြစ်လာပြီဟေ့ ဆိုရင် သူတို့ဟာ သူတို့ကိုယ်သူတို့ protect လုပ်ဖို့ကို အလိုအလျောက် အရင်ဆုံး စဉ်းစားမိကြတယ်။ အဲဒီလို သူတို့ကိုယ်သူတို့ ကာကွယ်ဖို့ ကြိုးစားလိုက်ခြင်းဟာ အခြားတစ်ဖက်က ကြည့်လိုက်တော့ သူတစ်ပါးအပေါ်ကို အပြစ်တွေပုံချရာ ရောက်သွားတယ်” တဲ့.....။

အဲ.....အဆုံးသတ်မှာ ကျွန်မရဲ့စီနီယာမန်နေဂျာက ကျွန်မကို ပိုင်ပိုင်နိုင်နိုင်ကြီးနဲ့ ပြောချလိုက်တာကတော့ .....

“အင်ကြင်းရေ.....အဲဒါကြောင့်မို့လို့လည်း ကမ္ဘာကြီးပေါ်မှာရှိတဲ့ အရေးပါ အရာရောက်တဲ့နေရာတွေမှာ တာဝန်ထမ်းဆောင်နေကြသူ အများစုဟာ ယောကျာ်းတွေပဲ ဖြစ်နေပြီးတော့ ဒီကမ္ဘာကြီးဟာလည်း အမြဲတမ်း Men Dominated World ပဲ ဖြစ်နေရတယ် ဆိုတာကို မင်းလက်ခံနိုင်ပြီလား” တဲ့.....။

သူက အဲဒီလို ပိုင်ပိုင်နိုင်နိုင် ဥပမာ၊ ဥပမေယျတွေနဲ့ ပြောလို့ပြီးသွားတဲ့အခါမှာ ကျွန်မ ဘာကိုမှ ပြန်မပြောနိုင်ပဲ တွေဝေသွားခဲ့ပါတယ်။ တကယ်ဆိုရင် ကျွန်မဟာ မိန်းမမှမိန်းမ ဆိုပြီး မိန်းမ၀ါဒီကို စွဲကိုင်ထားတဲ့သူတစ်ယောက် မဟုတ်ပေမယ့်လည်း ကမ္ဘာကြီးကို Men Dominated World လို့ပြောနေတာကိုတော့ ကျွန်မဘက်က တစ်ခုခု ပြန်လည်ချေပသင့်တာပေါ့နော်။ သူပြောသလိုဆို ကမ္ဘာကြီးက အမြဲတမ်း Men Dominated Worldပဲ ဖြစ်နေရတော့မှလား။ Women Dominated Worldကို ဘယ်တော့မှ မရနိုင်တော့ဘူးလား။

ဒါပေမယ့်လည်း သူပြောပြနေတာတွေက ကျွန်မတွေ့ကြုံခဲ့ရတဲ့ အဖြစ်အပျက်တွေနဲ့ ဆင်ဆင်တူနေတာဆိုတော့ ကျွန်မ ဘာမှပြန်မပြောနိုင်ခဲ့ဘူး။ အဲဒီလို ဘာမှ ပြန်မပြောနိုင်ခဲ့တဲ့ အပြင် အတိတ်က အကြောင်းအရာတွေကလည်း ကျွန်မရဲ့ အာရုံတွေထဲကို အလိုလို ပြန်လည်ရောက်ရှိလို့ လာခဲ့ပါတယ်။ ဘာတွေလဲဆိုတော့ ကျွန်မအနေနဲ့ လေဒီဘော့စ်တွေနဲ့ ပတ်သက်လို့ ခံစားခဲ့ရတဲ့ အကြောင်းအရာတွေပဲပေါ့.....။

ကျွန်မရဲ့ အဲဒီအတွေ့အကြုံတွေကိုပါ တစ်ဆက်တည်း ရေးလိုက်ရင် ပိုစ့်က အရမ်းရှည်သွားမှာမို့လို့ အပိုင်း (၂) ဆိုပြီးတော့ပဲ ဆက်ရေးတာကောင်းမယ် ထင်ပါတယ်။

(မှတ်ချက်။ ။တကယ်လို့များ ကျွန်မရဲ့ ဘလော့ဂါမောင်နှမတွေ၊ သူငယ်ချင်းတွေ ဒီပိုစ့်လေးကိုဖတ်ဖြစ်ခဲ့ရင် ထင်မြင်ချက်လေးတစ်ခုလောက် ချန်ထားပေးခဲ့ပါလား၊ တကယ်လို့ အခါအခွင့်သင့်ခဲ့ရင် ကျွန်မသူ့ကို အကျိုးနဲ့အကြောင်းနဲ့ ပြန်ပြီး ချေပချင်သေးလို့ပါ.... :)))

Saturday, December 19, 2009

လာလည်ကြသောဘလော့ဂါမောင်နှမများ၊ သူငယ်ချင်းများသို့

ကျွန်မ ပိုစ့်အသစ်တွေကို အင်တိုက်အားတိုက်နဲ့ များများစားစား မရေးဖြစ်ပေမယ့်လည်း သူများဘလော့ဂ်တွေကိုတော့ စာတွေ အမြဲသွားသွား ဖတ်ဖြစ်ပါတယ်။ ဘလော့ဂ်ဂါနာမည် အသစ်အသစ်တွေလည်း အများကြီး တိုးတိုးပြီး သိလာရပါတယ်။ အဲဒီလို သူများဘလော့ဂ်တွေကို သွားလည်ရင်းနဲ့ ကျွန်မ တစ်ခုတွေ့ရတာက ဘလော့ဂါ တော်တော်များများဟာ တကယ့်ကို စာရေးကောင်းတဲ့သူတွေ ဖြစ်တာကိုပါပဲ။ ရေးထားလိုက်ကြတဲ့ အရေးအသားလေးတွေများ တကယ်ကို အားကျစရာပါ။ စာဖတ်သူကိုလည်း ရသအမျိုးမျိုးကို ပေးနိုင်ကြပါတယ်။ ပျော်စရာဆိုလည်း ပျော်စရာအလျောက်၊ ခံစားမှုဆိုလည်း ခံစားမှုအလျောက်၊ သရော်စာ၊ ကဗျာ၊ အတွေ့အကြုံ ဗဟုသုတ.....အို အမျိုးကို စုံလို့ပါပဲ။

တစ်ချို့ဘလော့ဂ်တွေကျတော့လည်း ကဗျာချည်းပဲ သီးသန့်ရေးတာကို တွေ့ရပါတယ်။ အဲဒီကဗျာဆရာတွေကလည်း တကယ့်ကို ခေသူတွေ မဟုတ်ပါဘူး။ ကဗျာသီးသန့်နဲ့ပဲ စာဖတ်သူတွေကို ဆွဲဆောင်နိုင်လိုက်ကြတာ...။ တစ်ချို့ကျတော့လည်း အချက်အပြုတ်၊ အလှအပ၊ ဖက်ရှင်စ သည်ဖြင့် မိန်းခလေး စာဖတ်ပရိတ်သတ်တွေအတွက် အကျိုးရှိစေမယ့် အရာတွေကို အများကြီး ပေးထားပါတယ်။ ကိုယ်သိထားတဲ့ အတတ်ပညာတွေကို စေတနာအပြည့် မချွင်းမချန်နဲ့ ပြန်လည်ဝေမျှပေးတဲ့ နည်းပညာပိုင်းဆိုင်ရာ ဘလော့ဂ်တွေလည်း ရှိပါတယ်။

ကျွန်မပြောချင်တာက ဘလော့ဂ်တော်တော်များများဟာ စာဖတ်သူကို အကျိုးရှိစေမယ့် တစ်ခုခုလေး ရသွားစေကြတယ် ဆိုတာပါ။ လာလည်တဲ့သူတွေ လာလည်ရကျိုး၊ အချိန်ပေးရကျိုး နပ်တယ်ပေါ့နော်။ အဲဒီမှာပဲ ကျွန်မ ကိုယ့်ကိုကိုယ် ပြန်ပြီး ဆင်ခြင်မိပါတယ်။ ငါ... ဘလော့ဂ်ရေးတဲ့ သက်တမ်း ပြီးခဲ့တဲ့ ဒီဇင်ဘာ ၁၇ ရက်နေ့က ဆိုရင် ၂လပြည့်ခဲ့ပြီ ။ အဲဒီ ၂လ အတွင်းမှာ.... ငါ ဘာတွေများ ရေးခဲ့မိပါလိမ့်.....လို့ Label ခွဲကြည့်လိုက်တော့ စာလာဖတ်တဲ့သူတွေအတွက် အကျိုးရှိစေမယ့်ပိုစ့် ရယ်လို့ မည်မည်ရရ ဘာတစ်ခုမှ ရှိတာကို မတွေ့ရပါဘူး။ ဘယ်တွေ့ရပါ့မလဲ.... ကိုယ့်စိတ်ထဲမှာ ခံစားရတဲ့ ခံစားချက်တွေ ကိုယ်ရေးချင်တာတွေကိုပဲ လျှောက်ရေးထားတာကိုး။ ဟုတ်ပြီ....အဲဒါဆိုရင် ဘယ်လိုလုပ်မလဲ။ ငါ့ရဲ့ ဘလော့ဂ်ကို လာလည်တဲ့သူတွေကို ငါဘာတွေများ ပေးနိုင်သလဲလို့ ကျွန်မ စဉ်းစားကြည့်မိတယ်။

အင်း........ ကဗျာလေးတွေရေးရင် ကောင်းမလား... မဖြစ်သေးပါဘူး... ကဗျာတစ်ပုဒ်စပ်တယ်ဆိုတာ စာလုံးရေ နည်းနည်းနဲ့ ရင်ထဲကို ထိအောင် ရေးရတာမျိုး၊ (တကယ်တော့ ကဗျာရေးရတာ စာရေးတာထက်ကို အများကြီးပိုခက်တယ်လို့ ကျွန်မတော့ ထင်ပါတယ်။)ပါရမီပါတဲ့သူတွေသာ ရေးနိုင်တာပါ၊ မဖြစ်သေးပါဘူး။ ဒါဆို ၀တ္ထုဆိုရင်ရော...အင်း.......၀တ္ထုကောင်းတစ်ပုဒ် ဖြစ်ဖို့ဆိုတာက ဇာတ်အိမ် ကောင်းကောင်းကို အရင်ဆုံး စဉ်းစားရဦးမယ်၊ လိုအပ်တဲ့ အချက်အလက်တွေ စုဆောင်းရမယ်၊ အကြမ်း အရင်ရေးကြည့်ရဦးမယ်၊ အချိန်တွေ အများကြီးပေးရလိမ့်မယ် ထင်တယ်....မဖြစ်သေးပါဘူး။

ဟုတ်ပြီ...အချက်အပြုတ်???.... ဟင်း.......ကိုယ့်ဟာနဲ့ကိုယ် ကြက်ဥကြော်တာတောင် အချပ်လိုက် ဖြစ်အောင် မနည်း ကြိုးစားကြော်နေရတဲ့သူက ချက်နည်း ပြုတ်နည်းတွေကို ဘယ်လိုများ ပြန်ဝေငှရပါ့။ ဖက်ရှင်တို့ အလှအပတို့ဆိုတာကလည်း သူများတကာကို ဝေငှရလောက်အောင် ဘာမှ ဖြစ်ဖြစ်မြောက်မြောက် သိတာမဟုတ်။ ဒါဆို နည်းပညာပိုင်းထဲကရော သိတာများ ဘာရှိသလဲဆိုတော့ ပစ္စည်းတစ်ခုခုကို ပျက်အောင် ဘယ်လိုဖျက်ရမလဲ ဆိုတာတော့ ကောင်းကောင်း သိတယ်။ ဒါပေမယ့် ပြန်ကောင်းအောင်တော့ ဘာတစ်ခုမှ မပြင်တတ်ဘူး။

ခက်ပြီ...ဒါဆိုရင် ကျွန်မတတ်တာ ဘာမှမရှိတော့ စာဖတ်သူကို ဘာမှလည်း ပေးစရာမရှိဘူးပေါ့။ ဒါဆိုရင် ကျွန်မ ဘလော့ဂ်ရေးတာကို ရပ်လိုက်ရတော့မှာလား....ဟာ...ဒါတော့လုံးဝ လုံးဝ မဖြစ်နိုင်ဘူး။ မစဖြစ်ခဲ့ရင်တော့ အကောင်းသားပေါ့။ စပြီးမှတော့ ရပ်ပစ်လိုက်ဖို့ဆိုတာ လုံးဝ မဖြစ်နိုင်တဲ့ကိစ္စ။ အဲဒီတော့လည်း လာလည်တဲ့ ဧည့်သည်တွေကို ပေးနိုင်တာ ဘာရှိလဲ၊ တစ်ခုပဲ ရှိတော့တယ်။ “ကျေးဇူးစကားတွေ” ပဲပေါ.။ ဟုတ်တယ်....အဲဒီလို လာလည်ကြတဲ့ ဘလော့ဂါမောင်နှမတွေ၊ သူငယ်ချင်းတွေသာ မရှိခဲ့ရင် ကျွန်မ ဘယ်လောက်ပဲ ရှေ့ကို ခရီးဆက်ချင်ပေမယ့် ဘယ်လိုမှ အားအင်တွေ ရှိမှာ မဟုတ်ပါဘူး။ အခုတော့ သူတို့ ပေးခဲ့တဲ့ ကွန်မန့်လေးတွေ၊ စီဘောက်ထဲက စကားလုံးလေးတွေကို အားဆေးတွေအဖြစ် စားသုံးရင်း ရှေ့ကို ကျွန်မ ခရီးဆက်သွားနိုင်ခဲ့တယ်။ အဲဒီတော့ လာလည်ကြတဲ့ ဘလော့ဂ်ဂါမောင်နှမတွေ၊ သူငယ်ချင်းတွေ အားလုံးကို ဘာမှ မပေးနိုင်တာကို စိတ်မကောင်းစွာ၊ အားနာစွာနဲ့ပဲ ကျွန်မ စာတွေဆက်ရေးဖြစ်နေဦးမှာပါ။ ဒါပေမယ့် အားလုံးကို ကျွန်မပေးချင်တဲ့ ပေးနိုင်တဲ့ အရာတစ်ခုကတော့ အခုနပြောခဲ့သလိုပဲ “ရင်ထဲကနေ လှုိက်လှုိက်လှဲလှဲနဲ့ တကယ်ကိုကျေးဇူးတင်ပါတယ်” ဆိုတဲ့ စကားလေးပါပဲ။

ဘလော့ဂါမောင်နှများ၊ သူငယ်ချင်းများ အားလုံး ကျန်းမာ၊ ချမ်းသာ ပျော်ရွှင်စွာနဲ့ အများကို အကျိုးပြုမယ့် စာပေတွေ အများကြီး ရေးနိုိင်ကြပါစေ... အများအကျိုးပြုလုပ်ငန်းတွေကို အများကြီး လုပ်ဆောင်နိုင်ကြပါစေ .... လို့ဆန္ဒပြုရင်း..........။

Thursday, December 10, 2009

ဂျင်းနဲ့ စတိုင် ဘာကိုရွေးမလဲ

တကယ်တော့ ဒီအကြောင်းအရာလေးကို ရေးချင်နေတာ ပြီးခဲ့တဲ့ တစ်ပတ် ကတည်းကပါ။ ရေးမယ် ရေးမယ်နဲ့ အခုမှပဲ တကယ် ရေးဖြစ်တော့တယ်။ အကြောင်းအရာက ဒီစင်ကာပူမှာ ကျွန်မ ရုံးတက်တဲ့အခါ အ၀တ်အစား ၀တ်ဆင်တာနဲ့ ပတ်သက်လို့ပါ။ အရင်က အမှုမဲ့ အမှတ်မဲ့ နေခဲ့ရာက အခုတလောကျမှ သတိထားမိလာတဲ့ အကြောင်းအရာလေးပါ။

ဘယ်ကနေ ဘယ်လို စပြီး သတိထားမိသွားတာလဲ ဆိုရင်တော့ ကျွန်မတို့ရဲ့ Site က အခုဆိုရင် လုပ်ငန်း လက်စသိမ်းနေပြီ ဖြစ်တဲ့အတွက် ကျွန်မ ရုံးချုပ်ကို ပြောင်းပြီး နေနေရတာ အခုတစ်ပတ်နဲ့ ဆိုရင် သုံးပတ် ရှိသွားပါပြီ။ တကယ်ဆိုရင် ကျွန်မက အဲဒီလို ရုံးချုပ်တွေမှာ တာဝန် ထမ်းဆောင်ရတာမျိုးကို သိပ်မနှစ်သက်လှပါဘူး။ ရုံးချုပ်ပေါ်မှာ နေရတာက စိတ်ကျဉ်းကျပ်ဖို့ကောင်းတယ်လို့ ခံစားမိလို့ပါ။ ပြီးတော့ အ၀တ်အစား ၀တ်တာကမှအစ ဂရုတစိုက်နဲ့ ၀တ်ဆင်ဖို့ လိုအပ်လှပါတယ်။ ရုံးပေါ်မှာ သူဌေးတွေက အမြဲတန်းလိုလို ရှိနေတတ်တာ ဆိုတော့ သူတို့မျက်စိထဲမှာ ထောင့်မကျိုးတဲ့ ပုံစံမျိုး မဖြစ်ရအောင် ဂရုတစိုက်နဲ့ နေနေရတာလေ။

ဆိုဒ်မှာ နေတုန်းကတော့ ဘယ်သူ့မှ သိပ်ဂရုစိုက်စရာ မလိုဘူးပေါ့။ အ၀တ်အစား ဆိုရင်လည်း ၀တ်ချင်တာ ၀တ်လို့ရတယ်။ ဘယ်သူကမှလည်း ဘာမှ ပြောမနေပါဘူး။ လူကြီးတွေကလည်း ဆယ်ကွေ့ တစ်ကွေ့မှ ဆိုဒ်ကို လာတာဆိုတော့လေ။ ၀တ်ချင်တာဝတ် ဆိုလို့ သရုပ်ပျက်တွေ ၀တ်လို့ရတယ်လို့ဆိုလိုတာ မဟုတ်ပါဘူး။ ရုံးချုပ်တွေမှာ ၀တ်သလိုမျိုး Formal ကျအောင် ဂရုတစိုက် ၀တ်ဆင်နေဖို့ မလိုဘူးလို့ ဆိုလိုချင်တာပါ။

ကျွန်မက စတိုင်တွေ၊ ကုဒ်တွေ၊ စကတ်တွေ၊ ဒေါက်တွေနဲ့ နေရတာကို အရမ်းကို စိတ်ကျဉ်းကျပ်တဲ့သူ တစ်ယောက်ပါ။ စင်ကာပူကို လာရမယ်ဆိုတုန်းက ဟိုက သူတွေက စတိုင်ဘောင်းဘီတွေပဲ ၀ယ်သွားဖို့ တိုက်တွန်းကြတဲ့အပြင် ဒီမှာ ရောက်နှင့်နေကြတဲ့ အစ်မတွေကလည်း စတိုင်ပဲ ၀ယ်လာဖို့ ပြောတဲ့အတွက် ကျွန်မ ဒီကို လာတော့ အများဆုံး ပါလာတာက စတိုင်ဘောင်းဘီ၊ စတိုင်စကတ် တွေပါပဲ။ ပြီးတော့ မြန်မာပြည်မှာ အင်္ဂလိပ်စာသင်တန်းတွေ၊ အင်တာဗျူးနဲ့ ပတ်သက်တဲ့ သင်တန်းတွေ တက်တော့လည်း ဆရာ၊ ဆရာမတွေက အလုပ်အင်တာဗျူးသွားရင် စမတ်ကျကျ ဘယ်လိုဝတ်စား ဆင်ယင်သွားရမယ် ဆိုတဲ့ အကြောင်းတွေကိုပါ သင်ပေးလိုက်ကြတာပါ။

အင်း...... အင်တာဗျူးသွားရင် စမတ်ကျကျ ၀တ်ရမယ် ဆိုလို့ ကြုံတုန်း ကျွန်မ ဒီနိုင်ငံမှာ ပထမဆုံး အလုပ်စရတဲ့ အကြောင်းလေးကို ပြောပြရဦးမယ်။ လူတွေ တော်တော်များများ ပြောကြတာက အလုပ်အတွက် အင်တာဗျူးသွားမယ်ဆိုရင် အ၀တ်အစားက စကားပြောတယ်။ စတိုင်ကျကျ၊ စမတ်ကျကျ ၀တ်စားသွားနိုင်မှ ကိုယ့်ကို အထင်ကြီးမယ် စသည်ဖြင့် ပြောကြပါတယ်။ ကျွန်မ ဒီနိုင်ငံမှာ ပထမဆုံး စပြီးရတဲ့ အင်တာဗျူးမှာ ကျွန်မရဲ့ဝတ်စားဆင်ယင်သွားပုံကို ပြောပြရရင်တော့ တော်တော်ရီစရာ ကောင်းမယ် ထင်ပါတယ်။

ဒီနိုင်ငံကို ကျွန်မရောက်လာပြီး အလုပ်စရှာတော့ တစ်ပတ်ကျော်သည်အထိ ကျွန်မဆီကို အင်တာဗျူးက တစ်ခုမှကို မလာပါဘူး။ ကျွန်မသူငယ်ချင်းနဲ့ အတူတူလာကြတာမှာ ကျွန်မသူငယ်ချင်းက အလုပ်စလျှောက်တဲ့နေ့ ကတည်းက အင်တာဗျူးတွေ စရတာပါ။ တစ်ပတ်ကြာတဲ့အထိ ကျွန်မဆီကို အင်တာဗျူး တစ်ခုမှ မ၀င်သေးချိန်မှာ ကျွန်မသူငယ်ချင်းက လူတွေ့အင်တာဗျူး ၂ခု ၃ခုလောက်တောင် ရပြီးပါပြီ။ ကျွန်မလည်း တော်တော်လေးကို စိတ်ပူစပြုနေပါပြီ။ ကျွန်မရဲ့ CV မှာဘာများ အမှားအယွင်း ရှိနေသလဲပေါ့ ။ အဲဒါနဲ့ပဲ စိတ်ညစ်ညစ်နဲ့ ကျွန်မတည်းတဲ့ အိမ်ကနေ ကျွန်မရဲ့ အစ်မ(အခုတော့ အတူတူနေနေပါပြီ) အိမ်ကို လာပြီးအိပ်ရော။ လူက စိတ်တွေညစ်ပြီး အီးမေးလ်တွေ ဘာတွေလည်း စစ်ချင်စိတ်ကို မရှိတော့လို့ အဲဒီညမှာ ဒီတိုင်းပဲ အိပ်ရာဝင်ခဲ့ပါတယ်။ (ဒီနိုင်ငံမှာ Short Visit နဲ့ အလုပ်လာရှာတဲ့သူတွေရဲ့ ခံစားချက်ကို အဲဒီလို လာရှာဘူးတဲ့သူတွေ နားလည်နိုင်မယ် ထင်ပါတယ်။) နောက်နေ့မနက် အိပ်ရာက နိုးတော့လည်း အဲဒီလိုပါပဲ....။ အောက်ဆင်း သတင်းစာဝယ်၊ ဘာဝယ်နဲ့ မေးလ်ကို လုံးဝ မကြည့်မိပါဘူး။ ကျွန်မက အဓိက ဖုံးကိုပဲ မျှော်နေတာလေ။

အဲဒီလိုနဲ့ သူငယ်ချင်းက နင့်အီးမေးလ်လေးလည်း စစ်ကြည့်ပါဦးလို့ တိုက်တွန်းလို့ မဖွင့်ချင် ဖွင့်ချင်နဲ့ ဖွင့်လိုက်တော့ လားလား........ ကျွန်မကို အင်တာဗျူးလာဖို့ ခေါ်ထားပါလား၊ ၉နာရီ အရောက်တဲ့.....။ နာရီကို ကြည့်လိုက်တော့ ၉နာရီက ထိုးနေပြီ။ စင်ကာပူကို အခုမှ ခြေစချဘူးတဲ့ ကျွန်မ သူတို့ ခေါ်ထားတဲ့ လိပ်စာက ဝေးလားလည်း မသိ၊ နီးလားလည်း မသိ။ ကျွန်မ အစ်မကလည်း အိမ်မှာ မရှိပါဘူး။ သူက NUH မှာ သူနာပြုဆရာမပါ။ အဲဒီညမှာသူက Night Duty ဆင်းရတာလေ။

အဲဒါနဲ့ ကျွန်မလည်း မသွားတော့ပါဘူး ဆိုပြီး ကျွန်မ အစ်မဆီက်ို ဖုန်းလှမ်းဆက်လိုက်ပါတယ် ။ကျွန်မ ဖုန်းဆက်တော့ အစ်မက Duty ပြီးလို့ ဆေးရုံက အပြန်လမ်းမှာပါ။ ကျွန်မက အဲဒီလို မသွားတော့ဘူး ဆိုပြီး ဖုန်းလည်း ဆက်ရော သူက ကျွန်မကို ဆူတော့တာပါပဲ။ ဒါ့အပြင် ကျွန်မကို ဟိုရုံးကို ဖုန်းဆက်ပြီး နောက်ထပ် တစ်နာရီလောက် စောင့်ပေးဖို့ အကျိုးအကြောင်း လှမ်းပြောခိုင်းပါတယ်။ ကျွန်မကိုလည်း ချက်ချင်း အောက်ကို ဆင်းခဲ့ဖို့၊ အင်တာဗျူးကို သူနဲ့အတူ Taxi ငှားပြီးသွားဖို့တွေ ကိုလည်း တစ်ခါတည်း ပြောပါတယ်။ ကျွန်မလည်း ကျွန်မ အစ်မပြောသလို ဟိုရုံးကို ချက်ချင်း ဖုံးဆက်ပြီး ကျွန်မ အစ်မကိုလည်း ကြောက်တော့ လိုတဲ့ စာရွက်စာတမ်းတွေ ယူပြီး မြန်မြန်ဆန်ဆန်ပဲ အောက်ကို ဆင်းသွားလိုက်ပါတယ်။ ကျွန်မ သူငယ်ချင်း ကလည်း ကျွန်မနဲ့အတူ လိုက်ခဲ့ပေးပါတယ်။

ကျွန်မ ပြောချင်တာက အဲဒီမှာပါ။ ကျွန်မအနေနဲ့ အင်တာဗျူး သွားဖြေတယ်သာ ပြောတယ်။ ဘာမှလည်း မျက်နှာကို ပြင်ဆင်ချယ်သသွားဖို့ အချိန် မရှိသလို ၀တ်သွားစရာ ဘောင်းဘီကလည်း မနေ့ကညက အစ်မအိမ်ကို လာတော့ ၀တ်လာတဲ့ 4quarter ဂျင်းဘောင်းဘီပဲ ရှိပါတယ်။ ပစ္စည်းပစ္စယတွေ အကုန်လုံးကလည်း လောလောဆယ် ခဏနေနေတဲ့ အိမ်မှာ ထားထားတာလေ။ (ကံကောင်းလို့ စာရွက်စာတမ်းတွေကို ကိုယ်နဲ့ မကွာ အမြဲ ထည့်ထည့်ယူသွားတတ်လို့.........)။ မျက်နှာကလည်း အိပ်ရာကနိုး မျက်နှာသစ်ပြီးထားတဲ့ အနေအထား အတိုင်းပဲ၊ ဘာမှမရှိဘူး မျက်နှာပြောင်နဲ့။ စီးသွားတဲ့ ဖိနပ်ကိုလည်း ကြည့်လိုက်ဦး။ အဲဒီတုန်းက မြန်မာနိုင်ငံမှာ Scholl ကွင်းထိုးဖိနပ်က အရမ်းခေတ်စားနေတဲ့ အချိန်ဆိုတော့ အဲဒီဖိနပ်ကို ၀ယ်စီးလာတာလေ။ ကဲ......4quarter ဂျင်းဘောင်းဘီ၊ Scholl ကွင်းထိုးဖိနပ်၊ မျက်နှာကမျက်နှာပြောင်နဲ့ အင်တာဗျူးသွားတဲ့ ကျွန်မရဲ့ ပုံစံကို မြင်ယောင် ကြည့်ကြပေါ့နော်။

ဘယ်မှာလဲ.......အင်တာဗျူးသွားရင် ၀တ်ဖို့ ဆိုပြီးဝယ်လာခဲ့တဲ့ ဒေါက်တွေ၊ စတိုင်တွေ ဘာတစ်ခုမှ ၀တ်လိုက်ခွင့် မရဘူး။ ဒါပေမယ့်လည်း ဘာမှ မတတ်နိုင်ဘူးလေ၊ ဒီအတိုင်းပဲ သွားရတော့တာပဲ။ သွားဗျူးရမယ့် Position က Site Engineer Position ပါ။ ဟိုရောက်တော့ သူဌေး ကိုယ်တိုင်က ဗျူးတာပါ။ သူမေးတဲ့ မေးခွန်းတွေထဲမှာ အဓိကက ဆိုဒ်ထဲမှာကျွန်မ ထမ်းဆောင်ရတဲ့ တာဝန်တွေအကြောင်း ဆိုတော့ ကျွန်မအတွက်က ဖြေဆိုရတာအရမ်းကို လွယ်ကူပါတယ်။ ကျွန်မကလည်း မြန်မာပြည်မှာ Site Engineer လုပ်နေရာကနေ ပူပူနွေးနွေး အလုပ်ထွက်လာခဲ့တဲ့သူ ဆိုတော့လေ။ ၀တ်စားသွားတဲ့ ပုံစံ အဆင်အပြင်ကလည်း သူ့မျက်လုံးထဲမှာ Site Engineer ရာထူးနဲ့ တော်တော်ကိုက်ညီနေပုံ ရပါတယ်။

သိတယ်မို့လား.......... Site Engineer ဆိုတာမျိုးက စုတ်စုတ် ပြတ်ပြတ် ပေပေ တေတေ နေရတဲ့ အပြင် ယောကျာ်းလေးတွေနဲ့ ယဉ်ဘောင်တန်းပြီး အလုပ် လုပ်ရတာ ဆိုတော့လေ။ အဲဒါနဲ့ ကျွန်မကို သူဌေးက Second Interview တွေ ဘာတွေတောင် မခေါ်တော့ဘဲ ချက်ချင်းကို အလုပ်ခန့်လိုက်ပါတယ်။ အင်း.....နောင်တစ်ချိန်ကျရင် သူနဲ့နေ့တိုင်း ရန်ဖြစ်ဖို့ အတွက် ရေစက်ကပါလာလို့လည်း နေမှာပေါ့နော်။ ကျွန်မ တွေးကြည့်မိတယ် တကယ်လို့များ အဲဒီတုန်းက ကျွန်မအနေနဲ့ ကြွကြွ ရွရွ လှလှ ပပ ၀တ်စား ပြင်ဆင်သွားမယ် ဆိုရင်တောင် သူကခန့်ချင်မှ ခန့်မယ်ထင်တယ်လို့။ ပြန်တွေးကြည့်ရင် ရီစရာအတော်ကောင်းပါတယ်။ ကျွန်မက တော့ဒီနေ့ အထိကို အဲဒီ ပထမဆုံး အင်တာဗျူးတုန်းက ကျွန်မပုံစံကို မျက်စိထဲက မထွက်ပါဘူး။

အဲဒီတော့ကာ အခုန စကားဆက်လို့ အခုလက်ရှိ ကုမ္ပဏီမှာ ရုံးချုပ်ကို ပြောင်းရပြီ ဆိုတော့ MRT စီးတာက အစ နေရာပြောင်းပြီး စီးရပါတယ်။ ကျွန်မတို့ ရုံးချုပ်ရဲ့ တည်နေရာက Singapore ရဲ့ Downtown Area မှာ လို့ပြောလို့တော့ ရပါတယ်။ Shenton Way ပေါ်က Shenton House ပေါ်မှာလေ။ အရင်တုန်းကတော့ ဆိုဒ်ရဲ့ တည်နေရာက Marina Bay မှာဆိုတော့ Raffles ကိုအရင်စီး၊ Raffles ကနေမှတဆင့် Marina Bay ကိုစီးလိုက်ရုံပါပဲ။ ပြီးတော့လည်း အဲဒီ Raffles ကနေ Marina Bay ကိုသွားတဲ့လိုင်းက လူအရမ်းရှင်းပါတယ်။ ရထားပေါ်မှာ ပါလာတဲ့ တစ်ယောက်စ၊ နှစ်ယောက်စ ကလည်း Marina Bay မှာရှိတဲ့ Construction Site တွေမှာ အလုပ်ဆင်းကြမယ့် Engineer တွေ၊ အလုပ်သမားတွေချည်း ပါပဲ။ မိန်းခလေးလည်း တော်တော်ရှားပါတယ်။ ကျွန်မတို့ ဆိုဒ်မှာ ဆိုရင်လည်း မိန်းခလေးဆိုလို့ စုစုပေါင်းမှ ကျွန်မ တစ်ယောက်ပဲ ရှိတာပါ။

ဝတ်ကြတဲ့ အ၀တ်အစားတွေကလည်း Site သမားတွေဆိုတော့ သိတဲ့အတိုင်း ဂျင်းတွေပဲ များသောအားဖြင့် ၀တ်ဆင်ကြတာများပါတယ်။ ကျွန်မ ဆိုတဲ့သူကလည်း ဂျင်းကိုပဲ စွဲစွဲမြဲမြဲ ၀တ်ဆင် တတ်တဲ့သူဆိုတော့ ဆိုဒ်မှာ နေရတာဟာ ကျွန်မအတွက်တော့ အရမ်းကို အဆင်ပြေပါတယ်။ ဂျင်း ဟာ ကျွန်မ အနှစ်သက်ဆုံး crazy အဖြစ်ဆုံး အ၀တ်အစား ပါပဲ။ ကျွန်မ ကုမ္ပဏီ သုံးခုတောင် ပြောင်းခဲ့တဲ့သူ ဆိုပေမယ့် ပထမ ကုမ္ပဏီမှာ Site Engineer လုပ်တုန်းကလည်း ဂျင်းပဲ နေ့တိုင်း ကျွန်မ ၀တ်တယ်။ ဒုတိယကုမ္ပဏီ ကျတော့လည်း ရုံးပေါ်မှာ လုပ်ရတာ ဆိုပေမယ့် ကုမ္ပဏီက သေးသေးလေးပါ၊ ဒါ့အပြင် ကျွန်မရဲ့ စီနီယာကအစ နေ့တိုင်း ဂျင်းကိုပဲ ၀တ်တာဆိုတော့ ကျွန်မကလည်းနေ့တိုင်း ဂျင်းကြီးပဲပေါ့။ အခုလက်ရှိကုမ္ပဏီကျတော့လည်း အလုပ်စ၀င်ကတည်းက ဆိုဒ်က ရုံးမှာစပြီးလုပ်ရတာ ဆိုတော့ ထုံးစံအတိုင်းနေ့တိုင်း ဂျင်းပဲပေါ့။

ကျွန်မ ဒီနိုင်ငံမှာ နေနေတဲ့ ကာလတောက်လျှောက် ခုချိန်ထိ အများဆုံး ၀ယ်ဖြစ်တာကလည်း ဂျင်းတွေချည်းပါပဲ။ စတိုင်ဘောင်းဘီတို့ စတိုင်စကတ်တို့ကို တစ်ခါမှ ယောင်လို့တောင် မ၀ယ်ဖြစ်ပါဘူး။ မြန်မာပြည်ကနေ ၀ယ်လာခဲ့တဲ့ စတိုင်ဘောင်းဘီတွေကလည်း ပုံမကျ ပန်းမကျနဲ့ ကျွန်မ တစ်ခါမှကို ရုံးကို မ၀တ်ဖြစ်တဲ့ အပြင် မြန်မြန် ဟောင်းသွားအောင် ဆိုပြီး တစ်ခါတစ်လေ အိမ်မှာနေရင်း ၀တ်ပစ်လိုက်ပါတယ်။ အဲဒီလိုနဲ့ ဆိုဒ်မှာသာသာ ယာယာ နေနေရင်း ဗြုန်းစား ဒိုင်းစားကြီး ရုံးချုပ်ကို ပြောင်းရမယ်လည်း ဆိုရော ကျွန်မမှာ ရုံးချုပ်ကိုဝတ်ဖို့ စတိုင်ကျကျ ဘောင်းဘီဆိုတာ တစ်ထည်မှ မရှိပါဘူး။ တနင်္ဂနွေည ကျမှ ကျွန်မသိရတာ ဆိုတော့ အဲဒီအချိန်ကျမှ ဘောင်းဘီ ထွက်ရှာဖို့ကလည်း မလွယ်တော့ပါဘူး။

အဲဒီလိုနဲ့ ရုံးချုပ်ကိုသွားတော့ MRT ကလည်း Raffles အထိမသွား ရတော့ဘဲ Tanjong Pargar MRT မှာဆင်းပြီး Shenton Way ကို ရောက်အောင် လမ်းပြန်လျှောက် ရပါတယ်။ ရုံးချုပ်ကို စပြီးသွားတဲ့ နေ့ကဆိုရင် ရီဖို့တောင် ကောင်းပါတယ်။ Tanjong Pargar MRT ကနေဆင်းပြီး Robinson Road ကိုအထွက် Exit တစ်လျှောက်လုံးမှာ ဂျင်းဘောင်းဘီ ၀တ်ထားတာဆိုလို့ ကျွန်မတစ်ယောက်ပဲ ရှိမယ် ထင်ပါတယ်။ ကျွန်မရဲ့ ရှေ့နောက်ဝဲယာ တစ်လျှောက်က လူတွေ အကုန်လုံးကို ကြည့်လိုက်တော့ ဟား........ အားလုံးက ၀တ်စားထားကြတာများ လန်ထွက်နေတာပါပဲ။ တစ်ချို့များဆိုရင် ရုံးလာတယ်လို့ မထင်ရပဲ ရုပ်ရှင်ရိုက်ဖို့ လာသလားလို့များတောင် ထင်ရပါတယ်။

ဒီနိုင်ငံက လူတွေက အ၀တ်အစားဝတ်တဲ့ နေရာမှာတော့ တော်တော့်ကို စမတ်ကျကျ ၀တ်စားတတ်ကြတာကို တွေ့ရပါတယ်။ ကျွန်မ အဲဒီ Exit တစ်လျှောက်မှာ တွေ့ရတဲ့သူတွေ တော်တော်များများက Robinson Road နဲ့ Shenton Way တစ်လျှောက်မှာ အလုပ်ဆင်းကြရမယ့် သူတွေပါ။ အဖြူတွေလည်း တော်တော်များများ ပါပါတယ်။ တကယ်ဆိုရင် ကျွန်မဆိုတဲ့ သူက သူများတွေ ၀တ်တာစားတာကို စိတ်ဝင်တစားနဲ့ စပ်စပ်စုစု လိုက်ကြည့်တတ်တဲ့သူတော့ မဟုတ်ပါဘူး။ ဒါပေမယ့် အဲဒီနေ့ကတော့ ထူးထူးခြားခြားကြီးကို သတိထားမိလိုက် တာပါ။ အဲဒါနဲ့ ကျွန်မလည်း မနေသာတော့ပါဘူး။ ရုံးကပြန်တဲ့ အချိန်တွေမှာ စတိုင်ဘောင်းဘီ ရှာဖွေရေး စတင်ရပါတော့တယ်။

ကျွန်မ တစ်ခုကံကောင်းတာက ကျွန်မတို့ ကုမ္ပဏီက Construction Company ဆိုတော့ အ၀တ်အစားနဲ့ ပတ်သက်လို့ တင်းတင်း ကျပ်ကျပ် စည်းကမ်းချက်တွေ မရှိတာပါပဲ။ ဒါပေမယ့်လည်း ကျွန်မ အနေနဲ့က နေ့တိုင်း Site မှာဝတ်သလိုမျိုး နေ့တိုင်း ဂျင်းကြီးပဲ ၀တ်နေလို့လည်း ဘယ်သင့်တော်ပါ့မလဲနော်။ ရောမ ရောက်ရင် ရောမလို ကျင့်ရမယ် ဆိုတဲ့ စကားလိုပဲ ကိုယ်နဲ့ အဆင်ပြေမယ့် စတိုင်ဘောင်းဘီကို ရအောင်ရှာဝယ်ပြီး ရုံးကို အလျဉ်းသင့်သလို ၀တ်ဝတ်သွားရပါတယ်။ စ၀တ်သွားတဲ့နေ့ တုန်းကများဆိုရင် တော်တော်ကို မနေတတ် မထိုင်တတ် ဖြစ်တာပါ။ ဒါပေမယ့်လည်း မတတ်နိုင်ဘူးလေ၊ ၀တ်ရတာပါပဲ။

ကျွန်မ အနေနဲ့ နောက်ထပ် အံ့သြစရာတစ်ခု ထပ်တွေ့ရတာက သောကြာနေ့ ရုံးတက်တော့ MRT ပေါ်က အဆင်းမှာ ထူးထူးခြားခြား သတိထားလိုက်မိတာ လူတိုင်းလိုလိုက ဂျင်းတွေ ၀တ်ထားကြတာ ကိုပါ။ အားလုံးကလည်း အရင်နေ့တွေက ထက် လွပ်လပ်ပေါ့ပါး နုပျိုလန်းဆန်း နေကြသလိုပါပဲ။ ကျွန်မလည်း မနေနိုင်တော့ နေ့ခင်းထမင်းဆိုင်မှာ ကျွန်မတို့ ရုံးက စလုံးမတစ်ယောက်ကို မေးကြည့်လိုက်တော့.....ဟုတ်တယ်တဲ့၊ ဒီ စင်ကာပူမှာ ရုံးတွေက သောကြာနေ့ တစ်ရက်ပဲ ဂျင်းကို ၀တ်ဆင်ခွင့်ပြုတာတဲ့။ ဒါပေမယ့် Construction Company တွေကတော့ ရပါတယ်၊ ဘာပဲဝတ်ဝတ်တဲ့။ ဟူး...........တော်ပါသေးရဲ့ နော်။ ကျွန်မ ဟာ Civil Engineer တစ်ယောက် ဖြစ်နေပြီး ဒီနိုင်ငံမှာ ရှိတဲ့ Construction Company တွေမှာ အလုပ်လုပ်ခွင့်ရလို့.....။ နို့မို့လို့ကတော့ ကျွန်မ မ၀တ်ချင်တဲ့ စတိုင်တွေ၊ စကတ်တွေ၊ ဒေါက်တွေနဲ့ ပဲ နေ့တိုင်းသာ ရုံးတက်နေရမယ်ဆိုရင်တော့လား.......စိတ်ကျဉ်းကျပ်စရာ ကောင်းလိုက်မယ့်ဖြစ်ခြင်း။

ကျွန်မကတော့ အခုအချိန်အထိ ဘယ်လို နေရာ ဘယ်လို အခြေအနေမျိုးနဲ့ ရုံးကိုပဲ တက်ရတက်ရ..... ကျွန်မကိုများ ရုံးသွားခါနီး “ဂျင်းနဲ့စတိုင် ဘာကိုရွေးမလဲ” လို့ မေးလာခဲ့ရင် ကျွန်မ မဆိုင်းမတွ ဖြေလိုက်မိမှာကတော့ “ဂျင်း” လို့ ပါပဲလို့။

Saturday, November 28, 2009

နှမ်းဖြူးတဲ့နေ့အကြောင်း အမှတ်တရ

သောကြာနေ့က ကျွန်မ သူငယ်ချင်းမချစ်စု Bukit Batok ကနေ Lakeside ကို အိမ်ပြောင်းပါတယ်။ အဲဒီအခါကျတော့ ကျွန်မနဲ့ ဝေစိုးနဲ့ နှစ်ယောက်က မချစ်စုရဲ့ သူငယ်ချင်း အရင်းခေါက်ခေါက်ကြီး နှစ်ယောက်ဆိုတော့ ဘယ်နေသာလိမ့်မလဲ နှမ်းသွားဖြူးရတာပေါ့ :P ။ အရမ်းချစ်ဖို့ကောင်းတဲ့ သူငယ်ချင်းနှစ်ယောက်လေ။ ကျွန်မတို့နှစ်ယောက် အမှန်အကန်ကို နှမ်းဖြူးကြတာပါ။

မချစ်စုကို မနက်ပိုင်း ကျွန်မ ဖုံးလှမ်းဆက်တဲ့ အချိန်က ဆယ်နာရီခွဲနေပါပြီ။ သူကပစ္စည်းတွေ အကုန်လုံးကို သိမ်းဆည်းပြီးလို့ ကားပေါ်တင်ဖို့ပဲကျန်တော့တယ်၊ ပစ္စည်းတွေ ကူတင်ပေးဖို့ သူ့အသိ အစ်မတွေလည်း ရောက်နေပြီတဲ့၊ ကားကလည်း လာနေပြီတဲ့။ အဲဒီကားက တကယ်တော့သူတို့ ကုပ္မဏီက ကားလေ။ ကားမောင်းတာကလည်း ဗမာ အစ်ကိုကြီးဆိုတော့ အဆင်ပြေတယ်၊ မချစ်စု အိမ်ပြောင်းဖို့ အတွက် ဆိုပြီး ကားကို ယူလာလို့ရတယ်လေ။ မချစ်စုက ကျွန်မတို့ကို Bukit Batok ကိုလာရင် မမီလောက်တော့ဘူး ဆိုတာနဲ့ ကျွန်မတို့နှစ်ယောက်လည်း Lakeside အိမ်ကိုပဲ တန်းသွားလိုက်ကြပါတယ်။

ဟိုရောက်တော့ ပစ္စည်းတွေ အကုန်လုံးကို ကားပေါ်ကနေ ချပြီးလို့ ဓာတ်လှေခါးနားမှာ အကုန် အဆင်သင့်တောင် ရောက်နေကြပါပြီ။ သူ့ရဲ့မိတ်ဆွေ အစ်မနှစ်ယောက်ရယ်၊ ကားမောင်းတဲ့အစ်ကိုကြီးရယ် အကုန်လုံးက ကူညီချပေးထားပြီးကြပါပြီ။ ဟဲဟဲ .... အဲဒါနဲ့ ကျွန်မတို့နှစ်ယောက်လဲ အားနာနာနဲ့ ပစ္စည်းတွေ အကုန်လုံးကို သူနေမယ့် တိုက်ကိုးလွှာပေါ် အထိကြီးများတောင် ရောက်အောင် တင်ပေးလိုက်ကြပါတယ် (ဓာတ်လှေခါးနဲ့လေ :D။ အိမ်ကလည်း ဓာတ်လှေခါးအပေါက် ဘေးလေးမှာတင်ပဲ။ ဓာတ်လှေခါးထဲက ဆွဲထုတ်ပြီး အိမ်ထဲသွင်းလိုက်ရုံပဲ :) ။

ပစ္စည်းတွေ အိမ်ထဲလည်း သွင်းပြီးရော မချစ်စုက “သွားကြမယ်၊ သွားကြမယ်.... အားလုံးကို Boon Lay ကမြန်မာထမင်းဆိုင်မှာ ထမင်းလိုက်ကျွေးမယ်၊ ပစ္စည်းတွေကိုတော့ ပြန်လာမှပဲ နေရာချတော့မယ် ” တဲ့ ဆိုတော့ ကျွန်မတို့ တွေ ဘယ်ရမလဲ ခုနကားပေါ်ကို ပျော်ရွှင်စွာနဲ့ ရှေ့ဆုံးကနေ တက်ကြတာပေါ့။ ကားက ပစ္စည်းသယ်တဲ့ကား ဆိုတော့ နောက်ခန်းမှာ ခုံတွေမရှိပါဘူး။ ကျွန်မတို့တွေကလည်း မိန်းခလေးတွေဆိုတော့ကာ သိတဲ့အတိုင်း သိမ်သိမ်မွေ့မွေ့နူးနူးညံ့ညံ့ ဒီအတိုင်းပဲ ထိုင်ချလိုက်ကြပါတယ်။ တဆက်တည်းမှာပဲ မြန်မာပြည်မှာ သင်္ကြန် ရေပက်ခံထွက်ကြတာတွေကို အားလုံး သွားသတိရကြပါတယ်။ အဲဒါနဲ့ ကျွန်မတို့ ကားမောင်းတဲ့ အစ်ကိုကြီးကိုတောင် နောက်လိုက်သေးတယ်၊ “ကားဆီဖိုးစိုက်မယ်၊ Singapore တစ်မြို့လုံးကို ဒီကားနဲ့ တစ်ပတ်လောက် ပတ်လိုက်ရအောင်၊ ဘယ်လိုလဲလို့”လေ။ အဲဒါနဲ့ အစ်မတစ်ယောက်က ၀င်ပြောပါတယ်။ “မသွားနဲ့၊ မတန်ဘူး၊ ကိုယ့်ကို ရေပက်မယ့်သူ ဘယ်သူမှ မရှိဘူး” တဲ့။

အဲဒီလိုနဲ့ Boon Lay ဈေးကို ရောက်ကြတော့ ကားပေါ်ကဆင်းကြပြီး ဟိုကြည့်ဒီကြည့် ကြည့်နေရင်း တစ်နေရာမှာ ကျွန်မ တအံ့တသြ လှမ်းတွေ့လိုက်ရတာက မြန်မာစာလုံး အကြီးကြီးတွေနဲ့ ရေးထားတဲ့ ဆိုင်ခန်းတစ်ခု။ “မော်လမြိုင် ဆံသ” တဲ့။ ကျွန်မလည်း အားလုံးကို ၀မ်းသာအားရနဲ့ လှမ်းပြောပြီး လက်ညှုိးထိုး ညွှန်ပြလိုက်ပါတယ်။ အမလေးဟဲ့ ...... ဆံပင်ညှပ်ဆိုင်လေး တွေ့တာများ ဘာများ ထူးဆန်းလို့လည်းလို့ထင်စရာ ရှိပါတယ်။ ဟုတ်ကဲ့ ထူးဆန်းပါတယ်။ အခုလိုတိုင်းတပါးမှာ အင်္ဂလိပ်စာတန်းတွေ၊ တရုတ်စာတန်းတွေပဲ နေရာတိုင်းမှာ တွေ့နေရချိန်မှာ ထူးထူးခြားခြား အဲဒီလို မြန်မာစာတန်းကြီးကို တွေ့လိုက်ရတော့ ပျောက်ဆုံးနေတဲ့ ကိုယ့်ရဲ့ အဖိုးတန်ပစ္စည်း တစ်ခုကို မမျှော်လင့်ပဲ ရုတ်တရက် ပြန်တွေ့လိုက်ရသလိုပဲ ခံစားရလို့ပါ။ တဆက်တည်းမှာပဲ မြန်မာပြည်ဈေးက ဆိုင်ခန်းတွေကိုလည်း သတိရသွားပြန်ပါတယ်။

ဒီလိုနဲ့ ကျွန်မတို့အုပ်စု မြန်မာထမင်းဆိုင် ရှိတဲ့ စားသောက်ဆိုင်ခန်းတွေနေရာကို သွားကြပါတယ်။ နေရာက အကျယ်ကြီးပါပဲ။ သန့်သန့်ရှင်းရှင်းလည်းရှိပါတယ်။ ထမင်းဆိုင်နာမည်က Kay-Tu တဲ့။ “ကေတု” လို့အသံထွက်မယ် ထင်ပါတယ်။ ကျွန်မတို့ အုပ်စုဆိုင်ရှေ့ရောက်သွာပြီး ဘာစားကြရင် ကောင်းမလဲလို့ ဆွေးနွေးတိုင်ပင်နေကြတုန်းမှာပဲ ဆိုင်ထဲကနေ ဦးကြီးတစ်ယောက် ထွက်လာပြီး ရုတ်တရက် သူကနေ “မီးလေးတို့ ဘာစားကြမလဲ” တဲ့ဆိုတော့ ကျွန်မတို့လည်း ဟဲ့ ဗုဒ္ဓေါ မီးလေးတဲ့ ဘယ်သူ့ကိုများ မေးနေတာပါလ်ိမ့်လို့ ဘေးဘီကို ဝေ့၀ဲကြည့်လိုက်တော့လည်း ဆိုင်ရှေ့မှာ မိန်းခလေးဆိုလို့ ကျွန်မတို့ပဲရှိတာ ဆိုတော့ သေချာနေပြီပေါ့။ :D :D မီးလေးဆိုတာ ကျွန်မတို့ကို ခေါ်နေတာ ဆိုတာလေ။ သူများတွေတော့ ဘယ်လိုနေလည်း မသိပါဘူး ကျွန်မကတော့ ပီတိတွေဖြာပြီး ဆုံးဖြတ်ချက်တစ်ခုကို ချက်ချင်းချလိုက်မိပါတယ်။ နောက်တစ်ခါ Boon Lay ကိုရောက်ရင် ဒီဆိုင်မှာပဲ လာစားတော့မယ်လို့။ မီးလေးလို့ခေါ်လို့လေ။ :PP ကျွန်မတို့တွေလည်း ဆာဆာနဲ့ ၀က်ဝက်ကွဲအောင်ကို အားပေးခဲ့ကြပါတယ်။ ကျွန်မက သူများတွေလို ထမင်းတင်မကဘူး။ မုန့်ဟင်းခါးပါ မှာစားလိုက်သေးတယ်။ ကိုယ်သောက်ဖို့ကျတော့ ကော်ဖီကိုမှာထားပြီး ထမင်းလည်းစားပြီးရော ရေဆာလို့ဆိုပြီး သူများတွေမှာထားတဲ့ အအေးကိုပါ ယူသောက်လိုက်ပါသေးတယ်။ တော်တော့်ကို အမြင်ကတ်စရာကောင်းတာနော်။ မချစ်စုလည်းမနည်းဘူး ရှင်းလိုက်ရပါတယ် ။ (သယ်ရင်းရေ...... ကိုယ်က သယ်ရင်း ကုသိုလ်တွေ အများကြီးရအောင် အများကြီးစားပေးတာပါနော်။ ဒါမှ ဒါနမြောက်မှာပေါ့ :P )

ကျွန်မတို့တွေ စားသောက်လည်းပြီးရော ဈေးအပေါ်ကို တက်ခဲ့ကြပါတယ်။ အပေါ်ထပ်မှာ ဖိနပ်ဆိုင်တစ်ဆိုင်လည်းတွေ့ရော ကျွန်မတို့တွေ ၀င်ပြီးသောင်းကျန်းကြတာမှ ပြောမနေပါနဲ့တော့.။ သိတယ်မို့လား တစ်ရံပြီးတစ်ရံကိုယူစီး၊ မှန်ထဲမှာသွားကြည့်လိုက်၊ လမ်းလျှောက်ကြည့်လိုက်၊ ပြန်ထားလိုက်၊ နောက်တစ်ရံ ယူစီးလိုက်၊ မှန်ကြည့်လိုက်၊ ပြန်ထားလိုက်နဲ့ ကျွန်မတို့တွေ မပြီးနိုင်မစီးနိုင်နဲ့ ယောက်ယက်တွေ ခပ်နေကြတော့ ဆိုင်ရှင်ကလည်း တဖြည်းဖြည်းနဲ့တော်တော်လေးကို မျက်စိစပါးမွေးစူးတဲ့ရုပ် ဖြစ်လာတာကို တွေ့ရပါတယ်။ နည်းနည်းသာ ဆက်နေကြဦးမယ်ဆိုရင် ဆိုင်ထဲက၀န်ထမ်းတွေက ကျွန်မတို့ကို ထရိုက်ကြတော့မယ့် ပုံစံတွေ ပေါက်လာလို့ ကျွန်မတို့လည်း အသာလေး ကိုယ်ရှိန်သတ် ဘရိတ်အုပ်လိုက်ကြရပါတယ်။ (တစ်ခါတစ်လေတော့လည်း ဒီက စလုံးတွေကို အဲဒီလိုလေး အနိုင်ကျင့်ပေးဦးမှ။ သူတို့ချည်း ကိုယ်တွေအပေါ် အမြဲအနိုင်ကျင့်နေကြတာ.....ဟင်းဟင်း......။) ကျွန်မတို့လည်း အားနာပါးနာနဲ့ စုစုပေါင်းမှ ဖိနပ် တစ်ရံကြီးများတောင် အားပေးခဲ့ကြပါတယ်။ အဲဒီလိုနဲ့ ကျွန်မတိုတွေ NTUC မှာဈေးဝင်ဝယ်ပြီး ပြန်လာခဲ့ကြပါတယ်။ ဈေးဝယ်တော့လည်း ကျွန်မတို့တွေက ဘာမှကူဝယ်ပေးတာ မဟုတ်ပါဘူး။ သူတို့ကဈေးဝယ်နေတုန်း ကျွန်မနဲ့ ဝေစိုးက လျှောက်ပြန်သံပေး ခြေအေးဝမ်းရောင် ဟိုကြည့်ဒီကြည့် လိုက်လုပ်နေကြတာပါ။ အပြန်လမ်းတလျှောက် ကားပေါ်မှာလည်း ကျွန်မတို့တွေ စကြနောက်ကြ ဓာတ်ပုံတွေရိုက်ကြနဲ့ တော်တော်တော့ ပျော်ဖို့ကောင်းပါတယ်။

Lakeside အိမ်ကိုပြန်ရောက်တော့ ကျန်တဲ့ အစ်ကိုအစ်မတွေကနှုတ်ဆက်ပြီး ပြန်သွားကြပါတယ်။ သူတို့လည်း တော်တော်လေး ကူညီပေးထားပြီးကြပြီလေ။ မချစ်စုက ကျွန်မတို့နှစ်ယောက်ကို “ကဲကဲ.... သူငယ်ချင်းတို့နှစ်ယောက်ကိုပဲ ကိုယ်ချောဆွဲထားလိုက်တော့မယ်၊ အေးအေးဆေးဆေးမှ ပြန်ကြပေါ့” တဲ့ ကျွန်မတို့ကလည်း “ရတယ်ရတယ် ကိုယ်တို့လုပ်စရာရှိတာ အကုန်လုပ်ပေးပြီးမှ ပြန်ကြမယ်” (ဖောတာ ဖောတာ၊ မဖောလို့ မဖြစ်ဘူး၊ ခုနမှ ထမင်းစားလာတဲ့ မျက်နှာရယ်၊ NTUC ကနေ၀ယ်လာတဲ့ အသီးတွေရဲ့မျက်နှာတွေက ရှိနေတယ်လေ။ :) ဆိုပြီး အိမ်ပေါ်ရောက်တာနဲ့ သူ့ပစ္စည်းတွေကို နေရာချဖို့လုပ်ကြပါတယ်။ ကျွန်မနဲ့ ဝေစိုးနဲ့က ဘာလုပ်လည်းဆိုတော့ အထုပ်လေးတွေကို ဟိုနားကနေ ဒီနား၊ ဒီနားကနေ ဟိုနားရွှေ့ပေးလည်းပြီးကြရော မချစ်စုဝယ်လာတဲ့ မွေ့ရာအသစ်၊ အိပ်ရာခင်းအသစ်ကြီးပေါ်မှာ အကျအနကို နေရာယူကြပြီး သူချကျွေးတဲ့ မုန့်တွေကို တစ်ခုပြီးတစ်ခု စားရင်းနဲ့ သူ့ပစ္စည်းတွေကို စီမံခန့်ခွဲ နေရာတွေချနေတဲ့ မချစ်စုကို မမောရအောင် စကားတွေ ၀ိုင်းပြောပေးကြပါတယ်။:D (သယ်ရင်း...... ကိုယ်တို့က ကူပြီးလုပ်မပေးချင်လို့ ဟုတ်ဖူးနော်။ သယ်ရင်းရဲ့ ပစ္စည်းတွေကို ဘယ်လို နေရာချမယ် ဆိုတာ သယ်ရင်းကပဲ သိတာလေ၊ ကိုယ်တို့က သိမှသိပဲနဲ့ကိုး နော်၊ မသိပဲနဲ့ဝင်လုပ်ပေးရင် ကူရာမရောက်ပဲ ရှုပ်နေမှာစိုးလို့ ကိုယ်တို့ကငြိမ်ငြိမ်းလေးပဲ ဘေးကထိုင်ကြည့်နေကြတာပါ၊ ရင်ထဲက စေတနာတွေနဲ့ပါ။ ကောင်းလိုက်တဲ့ ဆင်ခြေ :PP)

အဲဒီလိုနဲ့ မချစ်စုလည်း အလုပ်တွေပြီး၊ ကျွန်မတို့လည်း မုန့်တွေစားလို့ ကုန်သလောက် ရှိတဲ့၊ ဗိုက်တွေကလည်း တအားတင်းပြီး အိပ်ငိုက်လာတဲ့ အချိန်လည်း ရောက်ရော၊ မနက်က အစောကြီးနိုးနေလို့ အရမ်းအိပ်ချင်နေတယ်၊ လူကမကြည်ဘူး၊ ခေါင်းမလျှော်ရသေးလို့ ခေါင်းကိုလည်း စောစောလျှော်ချင်လို့ စတဲ့စတဲ့ အကြောင်းပြချက်တွေကို ပေးပြီးသကာလ ကျွန်မတို့နှစ်ယောက် အားမနာလျှာမကျိုးနဲ့ ပြန်ချလာခဲ့ ကြပါတယ်။ ကဲ ....... စဉ်းစားသာကြည့်ကြပါတော့။ ဘယ်လောက် ချစ်စရာကောင်းတဲ့ သူငယ်ချင်း နှစ်ယောက်လဲလို့နော်။ အဖိုးတန်လေးတွေ၊ အဖိုးတန်လေးတွေ။ ရိုက်ပစ်ချင်စရာကောင်းလိုက်တာ။ ဘာတစ်ခုမှ မယ်မယ်ရရ ကူလုပ်ပေးမသွားကြပဲ ကျွေးသမျှကိုကြတော့ သွားဖြဲနှစ်ဖြဲ အကုန်စားသွားကြတယ်။ ကာယကံရှင် မချစ်စုတော့ ဘယ်လိုနေလည်း မသိဘူး။ ကျွန်မတော့ ဒီစာရေးနေရင်း ကိုယ့်ကိုကိုယ် တော်တော်လေးကို အမြင်ကတ်စရာ ကောင်းတာကိုတွေ့ရပါတယ် :P ။ ကဲကဲ....... ကျန်တဲ့ သူငယ်ချင်းတွေထဲက အိမ်ပြောင်းချင်တဲ့သူတွေများ ရှိခဲ့ရင်လည်း အဲဒီလိုမျိုး အကူအညီလိုရင် ခေါ်ပါလို့။ မချစ်စုကို ကူညီသလိုပဲ အပြည့်အ၀ ကူညီပါ့မယ်လို့.....အဲလေ....မှားလို့ .....နှမ်းဖြူးပါ့မယ်လို့ :DD။

(မှတ်ချက်။ ။ဘာမှထူးခြားတဲ့အကြောင်းအရာတော့ မဟုတ်ပါဘူး။ ဒါပေမယ့် စိတ်ထဲမှာ အမှတ်တရ ရေးချင်စိတ်လေးပေါက်လို့ ချရေးလိုက်တာပါ။)

Tuesday, November 17, 2009

မိုးတွေရွာရင် (၂)

မိုးတွေရွာရင်....(၁) မှာတုန်းက မိုးရာသီမှာရှိတဲ့ ကျွန်မ ကြိုက်တဲ့ အချက်တွေကို ရေးခဲ့ပြီးပြီဆိုတော့ မကြိုက်တဲ့ အချက်တွေကိုလည်း ပြောပြချင်ပါသေးတယ်။ အင်း.........မကြိုက်တာက သိပ်များများစားစားကြီးတော့ မရှိပါဘူး။ မိုးရွာရင် ကျွန်မ မကြိုက်တာ တစ်ခုက အရာဝတ္ထု အားလုံးက ခြောက်ခြောက်သွေ့သွေ့ မရှိတော့ပဲ စိုထိုင်းထိုင်းနဲ့ ဖြစ်နေတာကိုပါပဲ။ တကယ်လို့ မိုးက တစ်ပတ်လောက်ကို မပြတ်တော့ပဲ တောက်လျှောက် ဆက်ရွာနေပြီ ဆိုရင်တော့ လျှော်ပြီးသား အ၀တ်အစားတွေကို လှမ်းဖို့ အတွက်က တော်တော်လေးကို အဆင်မပြေ ဖြစ်သွားပါပြီ။ တစ်ခါတစ်လေ ကိုယ်က အပြင်ကိုသွားဖို့ အရေးကြီးနေတယ် ကိုယ်ဝတ်ချင်တဲ့ အင်္ကျီက မခြောက်နိုင်သေး......မီးပူတိုက်ဖို့ကျပြန်တော့လည်း မြန်မာပြည်က မီးက သိတဲ့အတိုင်း....။ ကျွန်မဆိုတဲ့ လူကလည်း ဒီခရီးလမ်း သွားရင် ဒီအင်္ကျီပဲ ၀တ်မယ်လို့မှန်းထားရင် အဲဒါကိုပဲ ၀တ်ရမှ ကျေနပ်တဲ့သူ၊ တခြား ဖွပ်ပြီးသား မီးပူတိုက်ပြီးသား အင်္ကျီတွေ ဘယ်လောက် ရှိနေနေ ဒါဆို ဒါမှ ၀တ်ချင်တဲ့သူ ဆိုတော့ အဲဒီလို မိုးတွေကရွာ မီးကမလာ ဆိုရင်တော့ ကျွန်မလို လူမျိုးအတွက် တော်တော်လေးကို စိတ်အနှောက်အယှက် ဖြစ်ရတာပါ......။ နောက်တစ်ချက်က ကျွန်မကညဖက် မိုးတွေရွာတဲ့အချိန်မျိုးဆိုရင် မီးလာမှ ကြိုက်တာပါ။ ကျွန်မက မိုးအေးအေးနဲ့ ကွေးနေရင်း မီးလေး ဖွင့်ထားပြီး စာဖတ်နေချင်တဲ့သူလေ။ အဲဒီလိုမှ မဟုတ်ပဲ ညဖက်ကို မိုးတွေကရွာ မီးကမလာနဲ့ မှောင်မည်းနေတဲ့ အချိန်မျိုးတွေ ဆိုရင်တော့ အရမ်းကို စိတ်ညစ်တာပါ။ အင်း....မကြိုက်တဲ့ အချက်တွေကတော့ အဲဒီလောက်ပဲ ထင်ပါတယ်....။

မိုးရာသီနဲ့ ပတ်သက်လို့ ကြိုက်တာတွေ မကြိုက်တာတွေ ပြီးသွားပြီဆိုတော့ နောက်ရေးဖို့ကျန်တာက မိုးတွေရွာရင် အလိုလို သတိရမိသွားတဲ့ အကြောင်းအရာတွေ၊ အဖြစ်အပျက်တွေ အကြောင်းပဲပေါ့။ တကယ်ဆို မိုးရာသီက ကျွန်မဘ၀မှာ အရေးပါတယ်လို့တော့ ပြောလို့ရပါတယ်။ ဘာဖြစ်လို့လဲဆိုတော့ မိုးတွေရွာနေတဲ့ ဇွန်လမှာပဲ ကျွန်မကို မေမေက မွေးခဲ့တာလေ......။ ပြီးတော့လည်း ကျောင်းသွားရမှာ အရမ်းကြောက်၊ အရမ်းပျင်းတဲ့ ကျွန်မ ကျောင်းနေတဲ့ဘ၀ကို စတင်ခဲ့ရတာလည်း ဇွန်လရဲ့မိုးစက်တွေ ကြားထဲမှာပဲပေါ့။ နောက်တစ်ခုက ကျွန်မဟာ ငယ်ငယ်တုန်းက တော်တော်ကို ဆိုးတဲ့ ကလေးလေးတစ်ယောက် ဖြစ်ခဲ့တယ်လို့ ပြောလို့ရပါတယ်။ ဘာဖြစ်လို့လဲဆိုတော့ ကျွန်မ သူငယ်တန်း တက်တော့ မေမေက ကျွန်မ ညီမလေးကို ကိုယ်ဝန်ဆောင်ထားရချိန်ပါ။ ဒါပေမယ့် မေမေဟာ ကျွန်မကို နေ့တိုင်းနေ့တိုင်း ကျောင်းမှာ တစ်နေကုန်အောင် လိုက်စောင့် ပေးရပါတယ်.....။ လိုက်စောင့်ပေးရတာမှ ရိုးရိုးတောင် မဟုတ်ပါဘူး။ ကျွန်မ တို့စာသင်ခန်းရဲ့ ပြတင်းပေါက်ကနေ ကျွန်မ မြင်အောင် နေပေးနေရတာပါ။ ကျွန်မ ဆိုတဲ့သူက တစ်နေ့တစ်နေ့ ဆရာမ သင်နေတဲ့စာကို စိတ်ဝင်စားတာ မဟုတ်ပါဘူး။ ပြတင်းပေါက်ကနေ မေမေ ရှိမရှိ အပြင်ကိုပဲ လှမ်းလှမ်း ကြည့်နေတာပါ။ အဲဒီတုန်းကကျောင်းအုပ်ဆရာမကြီး ကလည်းမိဘတွေကိုအဲဒီလို စောင့်ခွင့် မပေးပါဘူး။ အဲဒီတော့ မေမေ့မှာ ကျောင်းအုပ်ဆရာမကြီး လိုက်စစ်တဲ့ အချိန်တွေဆိုရင် မမြင်အောင်လည်း ပုန်းရပါသေးတယ်။ ကျွန်မဆိုတဲ့သူကလည်း မေမေ့ကို မတွေ့လိုက်တာနဲ့ ထွန့်ထွန့်လူးအောင် ငိုတော့တာပါပဲ။
ကဲ....စဉ်းစားသာကြည့်ကြ ပါတော့နော်။ မေမေဟာ ညီမလေးရဲ့ ကိုယ်ဝန်ကြီးကိုလဲ လွယ်ထားရသေးတယ်၊ ကျွန်မ ကိုလည်း စာကောင်းကောင်း သင်ဖို့အတွက် တနေကုန်ကျောင်းမှာ စောင့်ပေးရသေးတယ်။ အဲဒီ မိုးစက်တွေအောက်မှာ ပဲပေါ့.........။ ကျွန်မ သိတတ်တဲ့ အရွယ်ကိုရောက်တော့ အဲဒီအကြောင်းတွေကို ပြန်အောက်မေ့ တွေးတော စဉ်းစားကြည့်မိတယ်........ မေမေဟာ အဲဒီတုန်းက ကျွန်မအတွက်နဲ့ ဘယ်လောက်များ ပင်ပန်းလိုက်မလဲ လို့ပေါ့....။

ကျွန်မ သူငယ်ချင်းတွေဆိုရင် ကျွန်မ မှတ်မိသလောက် ဘယ်သူမှ သူတို့အမေတွေက အဲဒီလို လိုက်စောင့်ပေးဖို့ မလိုဘူး ထင်တာပါပဲ။ သူတို့ဟာ သူတို့နေကြတာပါပဲ။ ကျောင်းပို့၊ ကျောင်းကြို၊ နေ့ခင်း ထမင်းလာကျွေး ကြတာတွေတော့ တွေ့ပါတယ်။ မေမေ့ လိုတော့ ဘယ်သူမှ တစ်နေကုန်အောင် စောင့်ပေးနေစရာ မလိုဘူး ထင်ပါတယ်။ ကျွန်မအခုအသက်တွေ တဖြည်းဖြည်းကြီး လာတော့ မိုးတွေ ရွာပြီဆိုတိုင်း ကျွန်မ သူငယ်တန်းတုန်းက ကျွန်မကို ကျောင်းကိုလိုက်ပို့ပေးပြီး ကျောင်းမှာ တစ်နေကုန်စောင့်ပေးနေရရှာတဲ့ ကိုယ်ဝန်ကြီးနဲ့ မေမေ့ ရဲ့ပုံကို အမြဲလိုလို မြင်ယောင်မိတယ်။ မြင်ယောင်မိတိုင်းလည်း အမြဲ စိတ်မကောင်း ဖြစ်ရတယ်။ စိတ်ထဲကနေလည်း “ သမီးဟာ အဲဒီလို ကလေးဆိုးလေး တစ်ယောက် ဖြစ်ခဲ့တဲ့ အတွက် ခွင့်လွှတ်ပါ မေမေ” လို့လဲအမြဲ ပြောနေမိတယ်။

့ဒါပေမယ့် ကျွန်မ ကြာကြာတော့ ဆိုးခွင့်မရလိုက်ပါဘူး......။ မိုးတွေ ရွာနေသေးတဲ့ စက်တင်ဘာလထဲမှာပဲ ညီမလေးကို မေမေက မွေးဖွားခဲ့ပါတယ်။ ကျွန်မ မှတ်မိ သလောက် မိုးတွေအရမ်းရွာနေတဲ့ အတွက်ကြောင့် ညီမလေးအတွက် အနှီးတွေ မခြောက်လို့ အိမ်ပေါ်မှာ မီးဖိုဖိုပြီး ဖေဖေရယ်၊ ကိုကြီးရယ် ကျွန်မရယ် ညီမလေးရဲ့ အနှီးတွေကို ခြောက်အောင် မီးကင်ပေးရတာတွေကို အမှတ်ရနေ ပါသေးတယ်။ အင်း......တကယ်တမ်း စဉ်းစားကြည့်လိုက်တော့ တိုက်တိုက်ဆိုင်ဆိုင် ကျွန်မတို့မောင်နှမ သုံးယောက်လုံးက မိုးတွင်းမှာ မွေးခဲ့ကြသူတွေချည်းပါပဲလား.....။

အဲဒီ ငယ်စဉ် ဘ၀တုန်းက ဆိုရင် မိုးဦးစကျလာပြီ ဆိုရင် ကျောင်းတွေပြန်ဖွင့်ပြီး ကျောင်းပြန်တက်ရတော့မယ် ဆိုတာကို သိတာနဲ့ ကျွန်မ မပျော်တော့ပါဘူး။ ကျွန်မက မိုးရွာတဲ့နေ့တွေ ဆိုရင် ကျောင်းကို လုံးဝမသွားချင်ပါဘူး။ ကျွန်မက ငယ်ငယ်တုန်းက အဆုတ် သိပ်မကောင်းတဲ့အတွက် အဆုတ်ဆေးတွေ သောက်ရသေးတဲ့ အပြင် မိုးမိလည်း သိပ်မခံနိုင်ပါဘူး။ ဖေဖေ နဲ့ မေမေ ကလည်း သူတို့ သမီး အလိမ္မာတုံးလေးကို သိပ်ကို အလိုလိုက်တာပါ။မိုးနဲနဲရွာတာနဲ့ကျောင်းကို ခွင့်ကတိုင်ပြီးသားပဲ......ဟဲဟဲ.....အင်ကြင်းသန့်တို့ကတော့
အကြိုက်ပေါ့။ ကျွန်မက ကျောင်းခဏခဏပျက်လို့လဲ စာတွေအတွက် စိတ်မပူပါဘူး။ ဘာဖြစ်လို့လဲဆိုတော့ မေမေကကျောင်းဆရာမလေ......။ ဒါ့အပြင် မေမေက ညီမလေးရဲ့ ကိုယ်ဝန်ကိုဆောင်ရချိန်ကတည်းက အလုပ်ကနေထွက်လိုက်တာ ဆိုတော့ အိမ်မှာကျွန်မတို့မောင်နှမတွေကိုပဲ ကောင်းကောင်းစာသင်ပေးတော့တာပေ့ါ။ ဒါကြောင့် ကျွန်မက ကျောင်းပျက်လည်း စိတ်မပူပါဘူး.....အိမ်မှာ မေမေ ရှိတယ်လေ......။ ဒါကတော့ မိုးရာသီနဲ့ပတ်သက်လို့ ကျွန်မ ဘ၀ရဲ့မှတ်ဥာဏ်တွေထဲမှာ အစောဆုံးမှတ်မှတ်ရရ ဖြစ်နေတဲ့ အကြောင်းအရာ တွေပေါ့နော်။

နောက်တစ်ခု ကျွန်မ မှတ်ဥာဏ်ထဲမှာ မေ့မရတဲ့ အရာတစ်ခုက မိုးစက်မိုးပေါက်တွေရဲ့ အသံနဲ့အတူ အမြဲကြားရလေ့ရှိတဲ့ ဖားအော်သံတွေပါပဲ။ ဖြိုးဖြိုးဖျောက်ဖျောက် ကျနေတဲ့ မိုးစက်သံတွေနဲ့ အတူကြားနေရတဲ့ အဲဒီဖားအော်သံတွေဟာ ကျွန်မအတွက်တော့ အရမ်းကိုနားထောင်လို့ကောင်းတဲ့ မိုးရာသီရဲ့သံစဉ်တစ်ပုဒ် လိုပါပဲ။ ကျွန်မက ငယ်ငယ်လေး ကတည်းက အဲဒီလိုဘာမဟုတ်တာလေးတွေကိုက အစ နှစ်သက် ခံစားနေတတ်တာလေ....။ နောက်တစ်ခုက မိုးတွေရွာနေတဲ့ ညတွေမှာ ရန်ကုန်-ပြည်မီးရထားကြီး ဆိုက်ပြီဆိုတာနဲ့ မရှေးမနှောင်းမှာပဲ ကြားရလေ့ရှိတဲ့ “ဆင်မြီးဆွဲ ပြောင်းဖူးပြုတ် ပူပူလေး” ဆိုပြီး အထမ်းတွေနဲ့ လာရောင်းကြတဲ့ ပြောင်းဖူးပြုတ်သည်တွေရဲ့ အသံပါပဲ။ ကျွန်မတို့မိသားစုလည်း အမြဲလိုလို လှမ်းခေါ်ပြီး ၀ယ်စားလေ့ ရှိခဲ့ပါတယ်။ အေးစက်နေတဲ့ မိုးရေတွေအောက်မှာ ပြောင်းဖူးပြုတ်သည်ကြီးရဲ့ ပြောင်းဖူးတောင်းကြီးထဲက ပြောင်းဖူးတွေက အငွေ့တွေ တစ်ထောင်းထောင်းထ နေပြီး တောင်းကိုအုပ်ထားတဲ့ ပလတ်စတစ်စမှာ အငွေ့တွေရိုက်နေတဲ့ ပုံစံက မြင်ယုံနဲ့ကို စားချင်စရာပါ......။ သူ့ရဲ့ ပြောင်းဖူးပြုတ်တောင်းကြီးကိုချ ပလတ်စတစ်စကို ဖယ်လှပ်လိုက်ရင်များဖြင့် ထွက်လာတဲ့ ပြောင်းဖူးပြုတ်တွေရဲ့ အပူငွေ့တွေကြောင့် မိုးအေးလို့ချမ်းနေတာတွေတောင် ပြေသွားသလိုပါပဲ....။ မိုးကအေးအေး အချိန်လေးမှာ ဆင်မြီးဆွဲပြောင်းဖူးပြုတ် ပူပူအိအိလေးကို ဆားသုတ်ပြီးစားရတာ အရမ်းကို အရသာရှိတာပါ။ အခုများတော့လည်း အဲဒီအရသာတွေနဲ့ဝေးခဲ့တာ ကြာလှပေါ့....။ အထမ်းနဲ့လာရောင်းကြတဲ့ ဆင်မြီးဆွဲ ပြောင်းဖူးပြုတ်သည်တွေကိုတောင် မတွေ့ရတော့တာ အတော်ကြာခဲ့ပြီ ထင်ပါတယ်။ အင်း......မိုးတွေရွာရင်ငိုချင်တာ အဲဒီတုန်းက ပြောင်းဖူးပြုတ်ကို ပြန်စားချင်လို့လည်းပါမယ်ထင်ပါတယ်....:)
(ဆက်ပါဦးမည်.....)
(မှတ်ချက်။ ။မိုးရာသီနဲ့ပတ်သက်လို့တကယ်တမ်းရေးစရာတွေက အများကြီးပါ။ ဒါပေမယ့် ပိုစ့်တိုင်းက တောက်လျှောက် ဒါကြီးပဲ ဆက်နေမယ် ဆိုရင်လည်းပျင်းစရာကြီးဖြစ်နေမယ် ထင်တယ်။ ကြိုကြား ကြိုကြား အလျဉ်းသင့်သလိုရေးသွားတာပဲကောင်းမယ်လို့ထင်ပါတယ်။)

Saturday, November 14, 2009

မိုးတွေရွာရင် (၁)

မိုးနဲ့ပတ်သက်လို့ ပိုစ့်တစ်ပုဒ်လောက်ကို ကျွန်မ ရေးချင်နေတာတော့ အတော်ကြာခဲ့ပါပြီ။ မိုးတွေရွာလာပြီဆိုရင် လူက ဘာဖြစ်တာမှန်းမသိ...။ အလိုလိုနေရင်းကို ငိုချင်လာတော့တာပါပဲ...။ ဘာကိုမှန်းမသိတဲ့ မရေရာတဲ့ အလွမ်းတွေကလည်း ရင်ထဲကို အလိုလို ရောက်ရောက်လာတတ်တယ်။ ကျွန်မအထင်တော့ ငယ်ငယ်တုန်းက အကြောင်းအရာတွေနဲ့ မြန်မာပြည်မှာ ကြုံဆုံခဲ့ရတဲ့ အဖြစ်အပျက်တွေ တော်တော်များများကိုပဲ ဖြစ်မယ် ထင်ပါတယ်။ ခုရက်ပိုင်းမှာလဲ ဒီစင်ကာပူမှာက ရက်ဆက်ဆိုသလို မိုးက မပြတ်ပဲ နေ့တိုင်းလိုလို ရွာနေတော့တာလေ။ အိမ်မှာဆိုတော်သေးတယ်...။ ရုံးမှာဆိုရင်ပိုဆိုးတယ်။ ထိုင်တာကလည်း ပြတင်းပေါက်နဲ့ကပ်လျက် ပြတင်းပေါက်ကို ကျောခိုင်းပြီးထိုင်ရတာ...။ မိုးရွာလာပြီဆိုရင် လူက အလိုလိုနေရင်း direction က ပြောင်းပြောင်း သွားတတ်တယ် (အလုပ်စားပွဲကိုကျောခိုင်းပြီး ပြတင်းပေါက်ကို မျက်နှာမူရက်သား ဖြစ်ဖြစ် သွားတာလေ)။

အဲဒီအချိန်ဆို ညို့မှိုင်းနေတဲ့ကောင်းကင်မှာ လျှပ်စီးကြောင်းတွေ ပြိုးပြိုးပြက်ပြက် လက်နေတာကို လှမ်းမြင်နေရတာကိုက ခံစားမှုတစ်မျိုးကို ပေးနေသလိုပဲ....။ တစ်ခါတစ်လေဆိုရင် အဲဒီ အုံ့မှုိင်းနေတဲ့ ကောင်းကင်ကြီးကပဲ မြေပေါ်ကို တအိအိနဲ့ပြိုဆင်းလာတော့ မယောင်ယောင် ထင်မိတတ်သေးတာ။ သည်းကြီးမည်းကြီး အရှိန်နဲ့ကျဆင်းလာတဲ့ မိုးစက်မိုးပေါက်တွေက မာကျောတဲ့ ကတ္တရာလမ်းမနဲ့ ထိတွေ့တဲ့ အခါမှာ ဘေးကိုလွင့်စင်ကာ ဖျာဖျာထွက်သွားတဲ့ မြင်ကွင်းကလည်း အရမ်းကို ကြည့်လို့ကောင်းတဲ့ မြင်ကွင်းတစ်ခုပေါ့...။ မိုးနဲ့အတူ လေပါ ပါလာပြီဆိုရင်တော့ လမ်းဘေးဝဲယာ တစ်ဖက်တစ်ချက်ဆီက သစ်ပင်တွေက ယိမ်းကနေသလိုမျိုး လေခေါ်ဆောင်ရာ direction အတိုင်း ညီညီညာညာ ယိမ်းထိုးနေကြပုံကလည်း ရှုမငြီးချင်စရာပါပဲ....။ ကျွန်မ အဲဒီမြင်ကွင်းတွေကို ကြာကြာ ငေးကြည့်နေမိပြီဆိုရင် လူက အလိုလိုနေရင်း ဆွံ့အတိတ်ဆိတ်သွားပြီး အတွေးကလည်း အတိတ်တွေဆီကို အလိုလို ရောက်သွားတော့တာပါပဲ....။

မြန်မာနိုင်ငံမှာရှိတဲ့ ရာသီဥတုသုံးမျိုးထဲမှာ ကျွန်မအတွက်ကတော့ ဘယ်ရာသီကို အကြိုက်ဆုံး၊ ဘယ်ရာသီကို မကြိုက်ဆုံး ရယ်လို့တော့မရှိပါဘူး။ ကျွန်မက ဘယ်အရာလေးကိုမဆို အရမ်းခံစားလွယ်တတ်တဲ့သူ ဆိုတော့ ဘယ်ရာသီမှာမဆို ကျွန်မ ကြိုက်တဲ့အချက်တွေ ရှိသလို....မကြိုက်တဲ့ အချက်တွေလည်း ရှိတာပါပဲ...။ အင်း...အခုမိုးနဲ့ပတ်သက်တာကို ရေးနေတာဆိုတော့ မိုးရာသီအကြောင်းပဲ ပြောတာကောင်းမယ် ထင်ပါတယ်။

မိုးရာသီမှာဆိုရင်တော့ ကျွန်မကြိုက်တဲ့အချက်တွေ တော်တော်များများလေးတော့ရှိတယ်။ အခုနပြောခဲ့သလိုပေါ့.....မိုးတွေရွာပြီဆိုရင် အဲဒီလို ပြတင်းပေါက်ကနေ အပြင်ဘက်ကို လှမ်းပြီး ငေးနေရတဲ့အရသာ၊ လမ်းဘေး တစ်ဖက်တစ်ချက်စီက ရေမြောင်းတွေထဲမှာ မိုးရေတွေ စီးမျောသွားသလိုမျိုး အတွေးတွေ ခေါ်ဆောင်ရာနောက်ကို မျောပါသွားရတဲ့ အရသာ...အဲဒါတွေကို ကျွန်မ တော်တော်ကြိုက်တယ်။ တကယ်လို့ ပြတင်းပေါက်က မှန်ပြတင်းပေါက် ဖြစ်ခဲ့မယ် ဆိုရင်လည်း အဲဒီ ပြတင်းပေါက်မှန်သားကို မိုးစက်တွေ လာလာထိမှန်တဲ့ပုံစံ.......အဲဒါကိုလည်း ကြိုက်တယ်။ ပြတင်းကို လာစင်တဲ့ မိုးစက်တွေက ပုံသဏ္ဍန်အမှန် မရှိဘူးလေ...။ ပုံစံမျိုးမျိုးနဲ့ ပက်စင်ချင်သလို ပက်ကြတာမျိုး..။ ပြီးတော့ မိုးစက်တွေက ပြတင်းပေါက်ကို လာထိပြီးရင် မှန်သားတစ်လျှောက် အောက်ဘက်ကို ပြန်စီးကျသွားတဲ့ မြင်ကွင်း...အဲဒါလေးတွေကိုိလိုက်ကြည့်နေရတာကိုပဲ ဘာမှမဟုတ်ပဲနဲ့နှစ်သက်နေတာ။

တကယ်ဆိုရင် ကျွန်မက မိုးရွာတဲ့ အချိန်တွေဆိုရင် ပြတင်းပေါက်ကို ပိတ်ထားရတာကို သိပ်မနှစ်သက်ချင်ဘူး...။ အခု ဒီမှာကတော့ ပြတင်းပေါက်တွေကု အမြဲတန်းလိုလိုပဲ ပိတ်ထားတတ်ကြပါတယ်။ ကျွန်မတို့ရဲ့ မြန်မာပြည်က အိမ်လေးမှာဆိုရင် မိုးရွာပြီဆိုရင် ကျွန်မက များသောအားဖြင့် ကျွန်မအခန်းရဲ့ပြတင်းပေါက်လေးကို မပိတ်ဖြစ်တာ များပါတယ်။ ကျွန်မက ပြတင်းပေါက်ကို ဖွင့်ထားပြီးတော့ အဲဒီပြတင်းပေါက်လေးမှာ မတ်တတ်ရပ်ပြီး ပြတင်းကို ဖြတ်ဝင်လာတဲ့ ရေငွေ့ပါတဲ့လေရဲ့ အထိအတွေ့ကို ခံစားချင်တတ်တဲ့ သူလေ..။ အဲဒီလို ဖွင့်ထားလိုက်တဲ့ အတွက် မိုးစက်တွေက ကိုယ့်ကို တိုက်ရိုက် လာလာပြီး ထိမှန်တာမျိုးကို ကျွန်မက လိုချင်တာ....။ တံစက်မြိတ်ကနေ ညီညီညာညာ စီးကျနေတဲ့ မိုးရေစက်တွေကို ကြည့်နေရတာကိုလည်း နှစ်သက်ပြန်သေးတာ။ နောက်တစ်ခုက ပြတင်းပေါက်မှာ တပ်ဆင်ထားတဲ့ ခန်းစီးစလေး တဖျတ်ဖျတ် လွင့်နေတာကိုရောပေါ့။ ပြီးတော့ မြေသင်းနံ့.......ဟုတ်တယ်......အဲဒါ ကျွန်မအရမ်းနှစ်သက်တဲ့ ရနံ့တစ်ခုပေါ့။ ပြတင်းပေါက်ကို ဖွင့်ထားမှသာ အဲဒီမြေသင်းနံ့လေးကို ကျွန်မရှူရှိူက်ခွင့်ရမှာပေါ့။ ဒါကလည်း မိုးတွေက အရမ်းကို သည်းကြီးမည်းကြီး ရွာလာရင်တော့ မဖြစ်နိုင်တော့ဘူးပေါ့လေ....။ အဲဒီအခါကျရင်တော့ ကျွန်မ ပြတင်းပေါက်ကိုပိတ်ဖို့ မဖြစ်မနေ လိုအပ်လာပြီလေ။

ဒါပေမယ့် အဲဒီလိုပြတင်းပေါက်ကို ပိတ်ထားလိုက်ပြီးရင်လည်း ကျွန်မကမိုးတွေရွာနေတဲ့ အချိန်လေးကိုအကျိုးရှိရှိအသုံးချတဲ့ နောက်တစ်နည်း ရှိသေးတယ်......။ အဲဒါကတော့ ကျွန်မရဲ့အိပ်ရာလေးပေါ်မှာ စောင်လေးခြုံကွေးနေပြီး ကိုယ်အရမ်းကြိုက်တဲ့ စာရေးဆရာတစ်ယောက်ယောက်ရဲ့ ၀တ္ထုစာအုပ်လေးတစ်အုပ်အုပ်ကို ဖတ်နေတာမျိုးပေါ့။ စာအုပ်ဖတ်နေရင်းနဲ့ ခေါင်မိုးပေါ်ကို မိုးစက်တွေတစ်ဝုန်းဝုန်း ရွာကျနေတဲ့အသံကို နားထောင်နေရတာကလည်း ဘာနဲ့မှမတူတဲ့ အရသာတစ်မျိုးပါပဲ။ မိုးတွေရွာရင် အလိုလိုငိုချင်လာတယ် ဆိုတာ ကျွန်မရဲ့စိတ်က ဟိုတုန်းက အဲဒီအရသာတွေကို ပြန်မရနိုင်တော့တာကို မသိစိတ်ထဲကသိနေလို့ ပဲဖြစ်မယ်ထင်ပါတယ်....။ (ဆက်ပါဦးမည်.........)

Wednesday, November 11, 2009

အထင်မှားခြင်း

တိုးတိုးလေးလို့ ထင်ခဲ့တယ်
ဒါပေမယ့်ရင်ခုန်သံတွေက မဟာမြေကြီးတောင်တုန်ဟီးသွားခဲ့တယ်။ ။

နီးနီးလေးလို့ ထင်ခဲ့တယ်
ဒါပေမယ့်ကမ္ဘာနှစ်ခုက အလွဲကြီးလွဲသွားခဲ့တယ်။ ။

နဲနဲလေးလို့ ထင်ခဲ့တယ်
ဒါပေမယ့်မျက်ရည်တွေက သမုဒ္ဒရာတွေတောင်လျှံသွားခဲ့တယ်။ ။

တိတ်တိတ်လေးလို့ ထင်ခဲ့တယ်
ဒါပေမယ့်နင်ထွက်ခွာသွားခြင်းက ငါ့ကိုကမ္ဘာပျက်စေခဲ့တယ်။ ။

Sunday, November 8, 2009

တူညီတဲ့ရင်ခုန်သံတစ်စုံနဲ့

ကောင်လေး။ ။....“ကောင်မလေးရေ.....နင် ငါ့ရဲ့လက်ကို တွဲပါ၊ ငါ့ဘ၀ရဲ့ ကျန်ရှိနေသေးတဲ့ ခရီးလမ်းတွေကို ငါ နင်နဲ့အတူတူ ကျော်ဖြတ်သွားပါရစေ ၊ငါ နင့်ရဲ့လက်ကို ဆုပ်ကိုင်ပြီး....ပျော်ရွှင်မှုတွေ၊ သာယာမှုတွေ၊ အေးချမ်းမှုတွေ လွှမ်းခြုံထားတဲ့ နေရာလေး တစ်ခုဆီကို နင့်ကို ခေါ်ဆောင် သွားချင်လိုက်တာ၊ အဲဒီ နေရာလေးမှာ မာန်မာနတွေ မရှိစေရဘူး၊ မနာလို မုန်းတီးမှုတွေ မရှိစေရဘူး၊ ဒေါသ အာဃာတ အငြိုးအတေးတွေ မရှိစေရဘူး၊ ငါတို့ရဲ့ ချစ်ခြင်းမေတ္တာတွေနဲ့ အတိသာ လွှမ်းခြုံထားတဲ့ ကမ္ဘာငယ်လေးပေါ့......။”

ကောင်မလေး။ ။....“ကောင်လေးရယ်....ငါ နင့်ရဲ့လက်ကို လှမ်းဆုပ်ကိုင်ချင်ပါတယ်၊ နင်ခေါ်ဆောင်သွားမယ့် ကမ္ဘာငယ်လေးဆီကိုလည်း ငါလိုက်ခဲ့ချင်ပါရဲ့၊ ဒါပေမယ့် ကောင်လေးရေ.....တကယ်တမ်းကျတော့ ငါ့မှာ သတ္တိတွေ မရှိခဲ့ပါလား....၊ငါတို့နှစ်ယောက်ကြားမှာ မတူညီခြင်း၊ ကွဲပြားခြားနားခြင်းတွေက အများကြီးပဲလေ.....အဲဒီမတူညီခြင်းတွေက တစ်ချိန်ချိန်မှာ ငါတို့ နှစ်ယောက်ရဲ့ တွဲလက်တွေကို ဖြုတ်ပစ်လိုက်ကြလိမ့်မယ် ကောင်လေးရဲ့.....အဲဒီအချိန်ကျရင် ငါတို့တွေ အရမ်းကို ကြေကွဲခံစားကြရ လိမ့်မယ်....။”

ကောင်လေး။ ။...“ကောင်မလေးရေ.....ဒို့နှစ်ယောက်ကြားမှာ မတူညီ ကွဲပြားတာတွေ အများကြီးရှိတာ မှန်ပါတယ်....ဒါပေမယ့် အဲဒီအရာတွေက ဒို့နှစ်ယောက်ကို ဘယ်လိုမှ ခွဲခြားလို့မရပါဘူး၊ တို့နှစ်ယောက်မှာ တူညီတဲ့ အရာတစ်ခု ရှိတယ်ဆိုတာ နင်ဘယ်တော့မှ မမေ့ရဘူးလေ....အဲ့ဒီ အရာတစ်ခုတည်းနဲ့ ဒို့နှစ်ယောက် အရာရာကို ကျော်လွှားသွားနိုင် လိမ့်မယ်......အဲဒါကတော့ နင်ရောငါရောရဲ့ နှလုံးသားတွေထဲက ထွက်ပေါ်လာတဲ့ တူညီတဲ့ ရင်ခုန်သံပဲ.....ရပြီ ကောင်မလေး....အဲဒီ တစ်ခုတည်းပါပဲ......ဒို့နှစ်ယောက်အတွက် ကျန်တာတွေ ဘာမှ မလိုအပ်တော့ပါဘူး....တူညီတဲ့ရင်ခုန်သံတစ်စုံ ရှိရင်ရပြီ”

ကောင်မလေး။ ။ “ကောင်လေးရယ်...တကယ်ပဲ တူညီတဲ့ရင်ခုန်သံတစ်စုံနဲ့ ဒို့နှစ်ယောက် အရာရာကို တကယ်ကျော်ဖြတ်သွားနိုင်မှာလား....ငါနင့်ကိုယုံကြည်ပေမယ့် ကံကြမ္မာကို မယုံရဲဘူး ကောင်လေးရေ...ကမ္ဘာလောကကြီးဆိုတာက လှည့်ကွက်တွေ၊ မာယာတွေနဲ့အတိ ပြည့်နှက်နေတယ်လေ....ခရီးလမ်းဆုံးထိ ဒို့နှစ်ယောက်ရင်ခုန်သံတွေ မပြောင်းမလဲ တူညီနိုင်ပါ့မလား...မတူညီခြင်းတွေ၊ ကွဲပြားခြားနားခြင်းတွေက ငါတို့နှစ်ယောက်ကို တိုက်ခိုက်လာခဲ့ပြီ ဆိုရင် ကိုင်ဆုပ်ထားတဲ့ ဒို့လက်တွေက အဲဒီဒဏ်တွေကို ကြံ့ကြံ့ခံနိုင်ပါ့မလား၊ ခရီးလမ်းဆုံးအထိ ဒို့နှစ်ယောက်ရဲ့ လက်တွဲတွေ မပြောင်းမလဲ မြဲမြဲဆုပ်ကိုင်ထားနိုင်ပါ့မလား....အဲဒီအချိန်ကျရင် ဒို့နှစ်ယောက်ရဲ့အချစ်တွေကရော စစ်နိုင်ပါဦးမလား၊ ..........ကောင်လေးရေ....တကယ်ပဲ နင့်ရဲ့ယုံကြည်ချက်တွေ မှန်ကန်ခဲ့ရင်တော့ ဒို့နှစ်ယောက်ရဲ့အချစ်တွေ တစ်နေ့နေ့မှာ ဆုံဆည်းနိုင်ကောင်းပါရဲ့...အဲဒီနေ့လေးကို ငါမျှော်လင့်နေပါရစေ”

Wednesday, November 4, 2009

မာနတွေ ဘယ်တော့ ခ၀ါကျမလဲ

လောကကြီးမှာ လူတွေက မာန်မာနဆိုတာ မထားသင့် မထားအပ်တဲ့အရာ လို့ပြောကြတယ်။ ဒါပေမယ့် သူတို့ပြောတဲ့ အဲဒီမာနဆိုတာက မိမိရဲ့ချမ်းသာကြွယ်ဝမှု၊ မိမိရဲ့ရာထူးဂုဏ်သိမ်အဆင့်အတန်း၊ မိမိရဲ့ပညာ၊ ဘွဲ့ထူး၊ ဂုဏ်ထူး၊ မိမိရဲ့အလှအပ စသည်တို့ အပေါ်တည်မှီပြီးဖြစ်တဲ့ မာနတွေကို ဆိုလိုတာနေပါလိမ့်မယ်။

ကျွန်မကတော့ မထားသင့် မထားအပ်မှန်း သိနေရက်နဲ့ပဲ မာနတွေကို ဖက်တွယ်ထားတဲ့ လူတစ်ယောက်လို့ ပြောလို့ရပါတယ်။ ဒါပေမယ့် ကျွန်မ ဖက်တွယ်ထားတာက အခုနပြောခဲ့တဲ့ မာနတွေတော့ မဟုတ်ပါဘူး။ အဲဒီလိုမာနတွေကို ထားရလောက်အောင်လည်း ကျွန်မမှာ ဘာတစ်ခုမှ မရှိပါဘူး။ ကျွန်မ ထားတဲ့မာနတွေက .....ကိုယ်မှန်ကန်နေတယ်ဆိုရင် ဘယ်သူ့ကိုမှ အောက်မကျို့တဲ့ မာန၊ ကိုယ်အခွင့်အရေးတစ်ခု ရဖို့အတွက် ကိုယ့်သိက္ခာတွေ အောက်ချပြီး သူများကို မျက်နှာလိုမျက်နှာရ ဘယ်တော့မှမလုပ်တဲ့ မာန၊ ဘယ်လိုအခြေအနေမျိုးမှာမဆို ကိုယ့်ရဲ့ ကိုယ်ကျင့်တရားကို ဘယ်တော့မှ အထိပါး၊ အစွန်းထင်းမခံတဲ့ မာန.....တွေပဲဖြစ်ပါတယ်။

လူတိုင်းမှာ အနဲနဲ့အများတော့ မာနလေးတွေ ရှိကြမယ်လို့ ထင်ပါတယ်။ တစ်ယောက်နဲ့တစ်ယောက်တော့ ဘယ်တူနိုင်ပါ့မလဲလေ။ ကျွန်မ အနေနဲ့ မှန်ပါတယ်လို့ ကျွန်မက မဆိုလိုပါဘူး......။ ဒါပေမယ့် ကျွန်မကတော့ အခုနပြောခဲ့တဲ့မာနတွေကို ငယ်ငယ်ကတည်းက အရိုးစွဲလာခဲ့တာ ဒီနေ့အထိပါပဲ။ အဲဒီလိုမာနတွေကြောင့်လည်း ကျွန်မဟာ ပေါင်းသင်းဆက်ဆံရေးမှာ အဆင်ပြေသူတစ်ယောက် တော့ မဖြစ်ခဲ့ပါဘူး။ တစ်ခါတစ်လေ လူတွေရဲ့အမြင်မှာ ကျွန်မဟာ ရိုင်းစိုင်းတယ် ဆိုတဲ့ပုံစံမျိုးတွေတောင် အထင်ခံခဲ့ရပါတယ်။ အင်း.......ပြောရမယ်ဆိုရင်တော့ အများကြီးပဲပေါ့.........။

ငယ်စဉ် State ကျောင်းမှာနေစဉ် ဘ၀ကတည်းက ဘယ်ဆရာ၊ ဆရာမကိုမှ ကိုယ့်ကိုမျက်နှာသာပေးဖို့၊ စာမေးပွဲမှာ အမှတ်ကောင်းကောင်းရဖို့ ၊ အဆင့်ကောင်းကောင်းရဖို့၊ စာမေးပွဲအတွက် မေးခွန်းရဖို့ ဆိုတဲ့ ရည်ရွယ်ချက်တွေနဲ့ တစ်ခါမှ မချဉ်းကပ်ခဲ့ဖူးပါဘူး......။ GTC တက်တော့ရော.....။ အဲဒီလိုစိတ်မျိုးတွေနဲ့ပဲ တက်ခဲ့တာလေ.......။ အဲဒီလို မချဉ်းကပ်ခဲ့တဲ့အတွက်ကြောင့်လည်း....အင်း.........ဘယ်ပြောကောင်းမလဲ....... ကောင်းကောင်းကြီးကိုတွေ့ခဲ့တာပေါ့။ တော်ပါပြီလေ....အဲဒီအကြောင်းတွေကို ပြောရင် ကိုယ်ပဲ ငရဲကြီးလိမ့်မယ်။ ကျောင်းအတူတူတက်ခဲ့တဲ့သူတွေဆိုရင် သိမှာပါ။

ကျွန်မကတော့ တကယ့်ကိုိုကြည်ညို လေးစားထိုက်တဲ့သူတွေဆိုရင် ကျွန်မ ကြည်ညိုတယ်။ လေးစားတယ် ။ ထိုသူတွေအတွက် ဘာပဲလုပ်ပေးရပေးရ ကျွန်မ ကျေနပ်တယ်။ ကျွန်မတို့ရဲ့ Civil ဌာနမှူး ဆရာဦးသိန်းဇော် ဆိုရင် ကျွန်မ အရမ်းချစ်ခင်လေးစားတဲ့ ဆရာပေါ့။ ကျွန်မဟာ Civil Engineer တစ်ယောက် ဖြစ်ရတဲ့ ဘ၀ကိုမြတ်နိုးဂုဏ်ယူတတ်သွားတာဟာ ဆရာ့ကြောင့်လည်း ပါပါတယ်။ ဆရာ့တပည့် ဖြစ်ခွင့်ရလိုက်တာကိုလည်း အရမ်းကို ဂုဏ်ယူမိပါတယ်။ ဆရာအကြောင်းကို ပြောရမယ်ဆိုရင် ဘယ်နေရာရောက်ရောက် ဂုဏ်ယူပြီး ပြောချင်တယ်။ ဆရာကွယ်လွန်သွားတာဟာ ဘယ်လိုမှ ပြန်လည်အစားထိုးလို့ မရတဲ့ ဆုံးရှုံးမှုတစ်ရပ်လိုိုကျွန်မအနေနဲ့ ခံစားရတယ်။ ကျောင်းတက်တုန်းကဆိုရင် တစ်ခြားအတန်းချိန်တွေကိုသာ လစ်ရင်လစ်မယ်။ ဆရာ့အချိန်ဆိုရင် ဆရာသင်တာတွေကို နားထောင်ချင်လွန်းလွန်းလို့ စိတ်အားထက်သန်စွာနဲ့ အမြဲ စောင့်မျှော်နေတတ်တာပါ။

နောက်ပြီးတော့.........ကျွန်မအရမ်းချစ်ခင်လေးစားတဲ့ ဆရာမအပျိုကြီးတစ်ယောက်လည်း ရှိပါသေးတယ်။ ဆရာမက သူ့အမေ(အဖွားက အသက် ၈၀ရှိပြီ)နဲ့ နှစ်ယောက်တည်း နေရတာဆိုတော့ ဆရာမနေထိုင်မကောင်းတဲ့ အချိန်တွေဆိုရင် ကျွန်မတို့ သူငယ်ချင်းတစ်သိုက် ဆရာမအိမ်ကို သွားပြီး အိမ်မှုကိစ္စတွေ လုပ်ပေးကြတယ်။ အ၀တ်အစား၊ လုံချည်ကမှအစ လျှော်ပေးတယ်။ ကျွန်မစိတ်ထဲမှာ အဲဒီလိုလုပ်ပေးခွင့်ရတာကိုပဲ ၀မ်းသာပီတိတွေ ဖြစ်တယ်၊ ကျေနပ်တယ်။

ကျွန်မ ချစ်ခင်လေးစားတဲ့ တခြားဆရာ၊ဆရာမတွေလည်း ရှိပါသေးတယ်။ ကျွန်မဆိုလိုချင်တာက ဆရာသမားဂုဏ်နဲ့ ညီညွှတ်တဲ့ ဆရာ၊ လေးစားရိုသေထိုက်တဲ့ ဆရာတွေကိုဆိုရင် ကျွန်မရိုသေတယ်၊ လေးစားတယ်။ စာမေးပွဲဖြေနိုင်အောင် မေးခွန်းရဖို့၊ စာမေးပွဲမှာ အမှတ်ကောင်းကောင်းရဖို့ ဆိုတဲ့ရည်ရွယ်ချက်မျိုးတွေနဲ့ ဘယ်ဆရာဆီကိုမှ မသွားခဲ့ပါဘူး။ မရိုသေ မလေးစားချင်တာကို ဟန်ဆောင်ပန်ဆောင်နဲ့လည်း လေးစားမပြနိုင်ပါဘူး။ ကိုယ့်ကို သင်ပြထားတာတွေကို ကြိုးစားပြီး လေ့လာမယ်၊ ကျက်မှတ်မယ်။ စာမေးပွဲမှာ ကိုယ်ရသလောက် ကြိုးစားပြီး ဖြေမယ်။ ဒါပါပဲ.......။ အဲဒါကြောင့်လည်း ကျွန်မတို့အုပ်စုက ကျောင်းမှာ လူမုန်းများခဲ့တယ် ထင်ပါတယ်။ သူများတစ်ကာတွေ မိုးခါးရေသောက်တာကို ကျွန်မတို့က လိုက်မသောက်ခဲ့ဘူးလေ။ ကျွန်မက လူတိုင်းကို မဆိုလိုပါဘူး။ ဒါပေမယ့် ရှိတော့ရှိတယ်၊ အရမ်းရှားသွားပါပြီ။

အဲဒီလိုနဲ့ ကျောင်းပြီးလို့ လုပ်ငန်းခွင်ရောက်တော့ရော......။ကျွန်မ အချိုးတွေ မပြောင်းလဲခဲ့ပါဘူး။ ကျွန်မခံယူချက်က ကိုယ့်တာဝန်ကိုယ် ကျေပွန်အောင် အကောင်းဆုံး လုပ်မယ်၊ ကျွန်မ အစွမ်းအစရှိသလောက်ကျွန်မကြိုးစားမယ်၊ ဒါပါပဲ။ ကျွန်မရဲ့ Site ထဲမှာ ကျွန်မလုပ်ဆောင်ရမယ့် တာဝန်တွေကို နေပူပူ မိုးရွာရွာ မရှောင်ပဲ လုပ်ခဲ့တယ်။ Site မှာ Concrete လောင်းရတဲ့ တစ်ချို့နေ့တွေဆိုရင် ည၂နာရီ ၃နာရီ အထိ နေရတာတွေ ရှိခဲ့တယ်။ ကျွန်မ ဘယ်တော့မှ မညည်းညူခဲ့ဘူး။ လုပ်စရာရှိတာတွေကို ပြီးအောင်လုပ်ပြီးမှပြန်တယ်။ ဒါပေမယ့် အလုပ်ခွင်မှာ ရာထူးမြန်မြန်တက်အောင်၊ လစာများများတိုးအောင်၊ ကိုယ့်ကို လူကြီးက မျက်နှာသာပေးအောင် လို့ဆိုတဲ့ စိတ်မျိုးတွေနဲ့ ဘာတစ်ခုကိုမှ မလုပ်ခဲ့ဘူး။ ကျွန်မအနေနဲ့ ဘယ်လူကြီးကိုမှလည်း မျက်နှာချိုသွေးပြီး မဆက်ဆံခဲ့ဘူး။ လူကြီးတွေ လာရင်လည်း ဘယ်တုန်းကမှ ပျာပျာသလဲ မျက်စိနောက်လောက်အောင် ခရီးဦးကြို မပြုခဲ့ဘူး။ ကျွန်မခံယူချက်က သူတို့လည်း သူတို့တာဝန်သူတို့ လုပ်နေတာ၊ ကျွန်မလည်း ကျွန်မတာဝန်ကို ကျွန်မထမ်းဆောင်နေတာ......။ လုပ်ငန်းအခြေအနေနဲ့ ပတ်သက်ပြီး သူတို့သိချင်တယ်ဆိုရင် ပြောပြရမယ့်တာဝန် ကျွန်မမှာရှိတယ်။ ကျွန်မအနေနဲ့ ကောင်းကောင်းမွန်မွန် ပြောဆိုရှင်းပြမယ်.......။ ဒါပါပဲ.......။

အဲဒါကို.......ငါကတော့ သူဌေးပဲ၊ နင်က ငါလစာပေးခန့်ထားတဲ့ ငါ့ဝန်ထမ်းပဲ...... ငါခိုင်းတဲ့ အလုပ် (လုပ်ငန်းနဲ့လားလားမှ မသက်ဆိုင်သည့် ကိစ္စများ။ ။ ဥပမာ-အနားသို့သွားကာ ယပ်ခပ်ပေးရတာမျိုး၊ ရေပူရေအေး ငှဲ့ပေးရတာမျိုး၊ နေပူထဲထွက်ရင် ထီးမိုးထီးဆောင်းပေးရတာမျိုး၊ ကားပေါ်က အဆင်းအတက်မှာ ကားတံခါးလိုက်ပြီး အဖွင့်အပိတ် လုပ်ပေးရတာမျိုး......စသည်၊ စသည်တို့အား.....) လုပ်ပေးရမယ် ဆိုတဲ့ ပုံစံမျိုးဆိုရင်တော့ ကျွန်မက ဆောရီးပါပဲ။ ကျွန်မ ကုမ္ပဏီမှာ အလုပ်ဝင်တာ အင်ဂျင်နီယာအလုပ်လုပ်ဖို့ ၀င်တာပါ၊ အဲဒါတွေ လုပ်ပေးဖို့ အလုပ်ဝင်တာ မဟုတ်ပါဘူး။ အဲဒီတော့ ဘာဖြစ်လဲ ဆိုတော့..... ဟုတ်ကဲ့၊ ဖြစ်ပါတယ်.........။ ကျွန်မဟာ လူကြီးကြိုက်ဝန်ထမ်းတွေထဲမှာ မပါခဲ့ဘူးပေါ့။ ရုပ်က လူရိုက်ချင်စရာရုပ်နဲ့၊ အချိုးကလည်း တစ်စက်မှ မပြေတော့ စဉ်းစားသာကြည့်ကြပါတော့။

ကျွန်မ ဒီကို ထွက်မလာဘဲနဲ့ မြန်မာပြည်မှာ ဆက်လုပ်နေမယ် ဆိုလည်း ကျွန်မ အနေနဲ့ ဒီရာထူးဒီလစာကနေ တက်မယ် မထင်ပါဘူး........။ သိတဲ့အတိုင်းပဲလေ...... မြန်မာပြည်မှာက ဘယ်နေရာမှာမဆို လူကြီးကြိုက်အောင် နေတတ်တဲ့သူ၊ လူကြီးနဲ့ ပလဲနံပ သင့်တဲ့သူတွေသာ နေရာရကြတာလေ......။ အဲဒါ ဘယ်လိုလူမျိုးတွေလဲဆိုတော့ လူကြီးမြင်ရင် ပျာပျာသလဲ ထိုင်ရတော့မလို ထရတော့မလိုနဲ့ သွားကြီးတွေ အသားကုန်ဖြဲထားပြီး၊ လူကြီးအနားကနေ မခွာတော့ပဲ မှန်မှန်မှားမှား စိတ်တော်သိ ဗောင်းတော်ငြိမ့် လုပ်တတ်တဲ့သူတွေပေါ့.........။ (ကျွန်မကိုတော့ ထင်ကြတော့မယ် အင်ကြင်းသန့်တို့ သူများကောင်းစားတာကို မုဒိတာမပွားနိုင်ပဲ မနာလိုနေတယ်လို့..........)။ ဟုတ်ကဲ့.......ထင်ချင်သလို ထင်နိုင်ပါတယ်........။ လူတိုင်း၊ လူတိုင်းမှာ မတူညီတဲ့ ခံယူချက်တွေ၊ မတူညီတဲ့ အမြင်တွေ၊ သဘောထားတွေ ရှိကြတာပဲ........။

အဲဒီလိုနဲ့.....ဒီနိုင်ငံကိုလည်းရောက်လာရော.....ဟား..............ဘာပြောကောင်းမလဲ၊ အင်ကြင်းသန့်တို့ ကောင်ကောင်းကြီးကို တွေ့တော့တာပေါ့၊ စလုံးတွေနဲ့လေ။ အချိုးမပြေတဲ့ စကားလုံးတွေ၊ အချိုးမပြေတဲ့ အကြည့်တွေ၊ အချိုးမပြေတဲ့ အမူအရာတွေနဲ့ပေါ့.....။ ကျွန်မအနေနဲ့တော်တော်ကြီးကိုခံရခက်ခဲ့တာပါ။ ကျွန်မ ရဲ့ မာနတွေကို ရာခိုင်နှူန်းတော်တော်များများကိုလျှော့ချခဲ့ရပါတယ်။ ဒါတောင် အချိန်တိုအတွင်းမှာ ကုမ္ပဏီ ၃ခုပြောင်းခဲ့တာသာကြည့်တော့။ အဲဒီတော့ ကျွန်မလည်းကိုယ့်ကိုကိုယ်ပြန်ပြီး ဆင်ခြင်သုံးသပ်ပါတယ်......။ ငါမှားများမှားနေပြီလားလို့ပေါ့.......။ အချိုးပြေပြေနေဖို့လည်း ကြိုးစားကြည့်ပါတယ်။ ဒါပေမယ့်လည်း ၂၇ နှစ်တောင်ရှိပြီ၊ အရိုးစွဲခဲ့တဲ့ အကျင့်တွေက ဘယ်တော့များမှပျောက်ပါ့မလဲ.......။ ဘယ်လိုစိတ်ထားမျိုးထားပြီးဖျောက်ရမှန်းလဲ မသိတော့ပါဘူး။ အသိတရားတွေကတော့ရှိပါတယ်။ တကယ်လိုက်နာကျင့်သုံးဖို့ကြတော့ ခက်သားလား..........။တကယ်တော့မာနတွေဆိုတာ ဘယ်လိုမာနမျိုးပဲဖြစ်ဖြစ် ကိုယ့်ကိုပူလောင်စေတာတော့အမှန်ပါပဲ။ တတ်နိုင်သမျှလျှော့ချနိုင်တာတော့ အကောင်းဆုံးထင်ပါတယ်။ ဒါပေမယ့် ကျွန်မကတော့ အခုအချိန်အထိကို ပူလောင်မှန်းသိပေမယ့် အဲဒီမာနတွေကိုဖက်တွယ်ထားနေတုန်းပါပဲ......။ ဘယ်တော့များမှ ဘယ်လိုအကျွတ်တရားမျိုးနဲ့ တွေ့ပြီး ကျွန်မမာနတွေခ၀ါကျသွားမလဲဆိုတာတော့ ကျွန်မလည်း မခန့်မှန်းတတ်တော့ပါဘူး။သြော်........ ထုိတရားမျိုးကို တစ်နေ့နေ့တော့တွေ့နိုင်ကောင်းပါရဲ့လို့ မျှော်လင့်ရင်းနဲ့ပဲ...........။

Sunday, November 1, 2009

တန်ဆောင်မုန်းလပြည့်နေ့

ဒီနေ့တန်ဆောင်မုန်းလပြည့်နေ့ဟာ ကျွန်မတို့ ဗုဒ္ဓဘာသာဝင်တွေအတွက်ကတော့ တကယ့်ကိုနေ့ထူးနေ့မြတ်တစ်ခုဖြစ်ပါတယ်။ တကယ်ဆိုရင် ကျွန်မ ရွှေတိဂုံ အသင်းတော် (စင်္ကာပူ) ဓာတ်တော်တိုက် ရဲ့ခြောက်နှစ်ပြည့်နှစ်ပတ်လည် အထိမ်းအမှတ် ဆွမ်းဆန်စိမ်းလောင်းလှူပွဲ နဲ့ ဆဌမ အကြိမ် စုပေါင်းမဟာဘုံကထိန် သင်္ကန်း ဆက်ကပ်လှူဒါန်းပွဲကို သွားမယ်လို့ မှန်းထားတာပါ။ ကျွန်မ သင်္ကန်းလည်းလှူထားတာ ဆိုတော့လေ......။ ဒါပေမယ့် တကယ်တမ်းကျတော့ ဒူးခေါင်းအရမ်းနာနေလို့ မသွားဖြစ်ခဲ့ဘူး။ အဲဒါနဲ့ပဲ ဘုန်းကြီးကျောင်းမသွားဖြစ်ပေမယ့်လည်း ဒီလိုနေ့ထူးနေ့မြတ်မှာ ကုသိုလ်ရအောင်တော့နေသင့်တယ်လို့တွေးပြီး အိမ်မှာပဲ ဆွမ်း၊ ပန်း၊ ရေချမ်းကပ်၊ ဘုရားရှိခိုး၊ ပရိတ်၊ ပဌာန်းတွေရွတ်ပြီးတရားနာနေလိုက်ပါတယ်။ တကယ်ကိုပဲ စိတ်ထဲမှာလည်း အေးချမ်းကြည်လင်သွားပါတယ်။ ကျွန်မ ဒီဘ၀မှာ လူဖြစ်ရတာ ကိုယ့်ကိုကိုယ် အကျေနပ်ဆုံးအချက် တစ်ခုက ဗုဒ္ဓဘာသာ မြန်မာလူမျိုးဖြစ်ရတာကိုပါပဲ။ ဒီနေ့ နာဖြစ်တဲ့ တရားက သီတဂူဆရာတော် ဘုရားကြီး အရှင်ဥာဏိဿရ ဟောကြားတော်မူတဲ့ “ကုမုဒြာတွေ ပွင့်တဲ့ည” တရားတော်ပါ။ တန်ဆောင်မုန်းလပြည့်နေ့ အကြောင်းကိုဟောထားတဲ့ တရားတော်လေ။ အရမ်းကို နာလို့ကောင်းပါတယ်။ ဆရာတော်ဘုရားရဲ့ အသံကလည်းအရမ်းကိုကျက်သရေ ရှိပါတယ်။ ကျွန်မ www.dhammadownload.com ကနေ download လုပ်ထားတာပါ။ တန်ဆောင်မုန်းလပြည့်နေ့ အကြောင်းကို ဟောထားတာဆိုပေမယ့် ကျွန်မ မကြာခဏဆိုသလို ဒီတရားတော်ကိုနာဖြစ်ပါတယ်။ တန်ဆောင်မုန်းလပြည့်နေ့မှာ မြတ်စွာဘုရားရှင်ကိုယ်တော်မြတ်ကြီးဟာ အဇာတသတ်မင်းကြီး အမှူးပြုသောပရိတ်သတ်အပေါင်းတို့အား သာမညဖလသုတ်တော်ခေါ် ရဟန်းပြုရခြင်းအကျိုး တရားတော်ကိုဟောကြားတော်မူခဲ့ပါတယ်တဲ့။ သီတဂူဆရာတော်ဘုရားကြီးက အဲဒီ အကြောင်းကို ဒီတရားတော်မှာ ဟောထားတာပါ။ နာကြားချင်တဲ့ သူတွေ အတွက် www.dhammaratha.com မှာလည်း တင်ပေးထားတာတွေ့ရပါတယ်။

မြန်မာပြည်မှာနေတုန်းက တန်ဆောင်မုန်းလပြည့်နေ့ရောက်တိုင်း မေမေက မယ်ဇလီဖူးသုပ်တွေသုပ်ကျွေးတာကိုလည်း သွားအမှတ်ရမိပြန်ပါတယ်။ ကျွန်မကအခါးမကြိုက်တဲ့သူဆိုတော့ မစားချင်ပေမယ့် မေမေက ဆေးဖက်ဝင်အောင်လို့ဆိုပြီး မရရအောင်စားခိုင်းပါတယ်။ အခုတော့ စားချင်လှပါတယ်ဆိုတာတောင် စားဖို့မရှိပါဘူး။ နောက်တစ်ခုက တန်ဆောင်မုန်းလပြည့်နေ့ညကို သူခိုးကြီးညဆိုပြီးတော့ အဲဒီညရောက်ရင်လူကြီးတွေမသိအောင် ပစ္စည်းတွေကို တိတ်တဆိတ်ယူဆောင်ကာဖွက်ထားခြင်း၊ ပစ္စည်းတွေကို နေရာများရွှေ့ပြောင်းထားခြင်း၊ အပြောင် အပျက်ရီစရာစာများရေးကာ မိမိတို့စနောက်ချင်သောအိမ်များအား အိမ်ရှင်များမသိအောင်အိမ်ရှေ့၌ သွားရောက်ချိတ်ဆွဲထားခြင်း စသည်ဖြင့် ထိုညဟာ လူငယ်တွေ အတွက် ပျော်စရာညတစ်ညလည်းဖြစ်ပါတယ်။

တန်ဆောင်မုန်းလမှာ ကျွန်မတို့ ဗုဒ္ဒဘာသာမြန်မာလူမျိုးတွေ အတွက် နောက်ထပ်ထင်ရှားတာက ကထိန်သင်္ကန်းကပ်လှူခြင်းပါပဲ။ တန်ဆောင်မုန်းလရောက်ရင် နေရာတိုင်းလိုလိုမှာ ကထိန်ပွဲအတွက် ပဒေသာပင်တွေကို တွေ့နိုင်ပါတယ်။ ကျွန်မတို့ ပြည်မှာဆိုရင် ရပ်ကွက်တိုင်း၊ ဌာနတိုင်း၊ လမ်းတိုင်း ယုတ်စွအဆုံး ဆိုက္ကားဂိတ်တိုိင်းမှာတောင် ပဒေသာပင်တွေကို ပြုလုပ်ကြတာပါ။ နဲသည်များသည်လို့လဲ ပဓာနမထားကြပဲ ပဒေသာပင်အတွက် ကိုယ်တတ်စွမ်းနိုင်သလောက်ကို လှူဒါန်းလေ့ရှိကြပါတယ်။ တစ်လလုံးလိုလိုဟာလည်း တစ်မြို့လုံးမှာ ကထိန်လှည့်ကြတဲ့ အိုးစည် ဗုံမောင်းသံတွေနဲ့ စည်ကားနေလေ့ရှိပါတယ်။ ကျွန်မတို့ မြန်မာလူမျိုးတွေဟာ လူသာဆင်းရဲချင်ဆင်းရဲမယ်၊ သဒ္ဒါတရားမချို့တဲ့ကြတာတော့အမှန်ပါပဲ။ အကြောင်းအမျိုးမျိုးတွေကြောင့် အမိမြေနဲ့ ဝေးရာမှာ ရောက်နေရပေမယ့်လည်း ကျွန်မအတွက်ကတော့ မြန်မာပြည်ရဲ့ ရနံ့တွေ၊ ထုံးတမ်းစဉ်လာရိုးရာပွဲတော်တွေကိုပဲ အမြဲသတိရအောက်မေ့နေတာပါ။ သြော်.....ဘယ်တော့များမှ ကိုယ့်မြေကိုယ့်ရေမှာပြန်ပြီးနေထိုင်နိုင်ခွင့်ရမလဲဆိုတာတော့..........။

Saturday, October 31, 2009

ပြည်မြို့မှာ စားစရာ


ဟိုတစ်လောက ဘလော့ဂ်တစ်ခုကို ၀င်ဖတ်ရင်း “2009 Myanmar Blogger Gathering and Srikhittra Excursion” ဆိုတဲ့ ခေါင်းစဉ်လေးကိုတွေ့တော့ “ဟာ.....သီရိခေတ္တရာဆိုတော့ ငါတို့ ပြည်ကိုသွားတာပဲ” ဆိုပြီး စိတ်ဝင်တစားနဲ့ ဖတ်လိုက်မိပါတယ်။ အဲဒီတုန်းက Gathering ထဲမှာပါတဲ့ Bloggerတွေဟာ ဘယ်နေရာကို လေ့လာရေးထွက်ကြရင်ကောင်းမလဲ ဆိုတာကို အတော့်ကို ခေါင်းခြောက်အောင် တိုင်ပင်ပြီးမှ ပြည်မြို့ကို ရွေးခဲ့တာဆိုတဲ့အကြာင်းကို ဖတ်ရတော့ ပီတိတွေဖြာလို့ပေါ့။

ရွှေဆံတော်ဘုရား၊ ရွှေဘုံသာမုနိဘုရား၊ သရေခေတ္တရာပြတိုက်နဲ့ ဘောဘောကြီးဘုရားတို့ကို သွားရောက်လေ့လာဖြစ်ကြတဲ့ အကြောင်းတွေကို တွေ့ရတော့ ၀မ်းသာအားရနဲ့ ဆက်ဖတ်လာလိုက်တာ အောက်နားလည်းရောက်ရော နေ့လည်စာထမင်းစားဖို့အတွက် လမ်းညွှန်လုပ်ပေးတဲ့ ဂိုက်ကောင်လေးက ကားကြီးဝင်းထဲက ထမင်းဆိုင်ကို ခေါ်သွားတယ်ဆိုတဲ့အကြောင်း၊ ထိုဆိုင်မှထမင်းဟင်းများမှာ ထမင်းများက အေးစက်မာတောင့်နေပြီး၊ ဟင်းများကလည်း ငံပြာရည်နဲ့ အချိုမှုန့်ကို ရောနယ်ထားတဲ့ အတိုင်းဖြစ်ကြောင်း၊ မွေးကတည်းက ဒီနေ့အထိ စားဖူးသမျှထဲမှာ အဆိုးဝါးဆုံးဟင်းလျာများဖြစ်ကြောင်း စသည်များကိုလည်း ဖတ်လိုက်ရရော “သေဟဲ့နန္ဒိယ”လို့သာ ပြောလိုက်ချင်ပါတော့တယ်။

ပြည်မြို့မှာ စားစရာဆိုင်တွေ ဒီလောက်တစ်ပုံတစ်ပင်ကြီးရှိတာကို ပြည်မြို့ကသူတွေ ဘယ်သူမှ မစားတဲ့ ဒီကားကြီးဝင်းထဲက ထမင်းဆိုင်တွေကိုမှ ခေါ်သွားရသလားလို့ သူတို့တင်မဟုတ်ဘူး ကျွန်မပါ အဲဒီဂိုက်ကောင်လေးကို မေတ္တာပို့ လိုက်မိပါတယ်။

အဲဒါနဲ့ပဲ ပြည်မြို့ကို သွားရောက်လည်ပတ်ကြတဲ့သူတွေကို စားစရာဆိုင် ကောင်းကောင်းလေးတွေ ရှိတဲ့နေရာလေးတွေကို လမ်းညွှန်ပြောပြချင်စိတ် ပေါက်လာတာနဲ့ပဲ ဒီပို့စ်လေးကို ရေးလိုက်တာပါ။ ကျွန်မတို့ ပြည်မှာ ထမင်းဆိုင်ကောင်းကောင်းစားချင်ရင် ကန်လမ်းကိုသွားပါ။ ကန်လမ်းထဲမှာ ယုဇနထမင်းဆိုင် နဲ့ မေရွက်ဝါ ထမင်းဆိုင်တို့ဟာ ပြည်မှာတော့ နာမည်ကြီးထမင်းဆိုင်တွေပါပဲ။

ဒါမှမဟုတ် ပြည်မြို့က နာမည်ကျော် “ဒေါ်ဥထမင်းသုတ်” စားချင်တယ် ဆိုရင်တော့ ပန်းပဲတန်းလမ်းနဲ့ ပွဲစားလမ်းကို သွားပါ။ ကော်ရည်၊ ဆီချက်နဲ့ ဆီကော်တို့ စားချင်သေးလား....ရတယ်။ ကင်းဘုရားလမ်း နဲ့လမ်းရှည်လမ်းထောင့်ကို သွားလိုက်ပါ။ အဲဒီဆိုင်က အရသာ တော်တော်ကောင်းပါတယ်။ ကျွန်မနဲ့ ကျွန်မဖေဖေနဲ့ အမြဲသွားစားနေကြဆိုင်ပေါ့။

ကျွန်မတို့ပြည်က ကော်ရည်က ရန်ကုန်ကကော်ရည်နဲ့ တော်တော်ကွာပါတယ်။ ပြည်ကကော်ရည်က ကော်မှုန့်ကို သကြားရောပြီး ကြက်သားနဲ့ ကော်ဟင်းရည်အဖြစ် ချက်ထားတာဖြစ်ပြီး အရောင်ကလည်း အကြည်မဟုတ်ဘဲ အနောက်ပါ။ အဲဒါကို ခေါက်ဆွဲနည်းနည်း၊ ပဲပင်ပေါက်နည်းနည်း၊ ကန်စွန်းရွက် ရေနွေးဖျောထားတာကို နည်းနည်းစီထည့်၊ အီကြာကွေးတွေကို ကတ်ကျေးနဲ့ ညှပ်ထည့်ပြီး အခုနအရည်နဲ့ ရောစားရတာပါ။ ကော်ရည်နဲ့ မဖြစ်မနေ တွဲဖက်စားသုံးရတာက ကြက်သွန်ချဉ် သို့မဟုတ် ဂေါ်ဖီချဉ် နဲ့အတူ ငြုပ်သီး အတောင့်ကြီးတွေကို ပါးပါးလှီးပြီး ချဉ်ရည်စိမ်ထားတဲ့ ငြုပ်သီးချဉ်ပါ။

မုန့်ဟင်းခါးကောင်းကောင်းကိုမှ စားချင်သူတွေအတွက်ကတော့ လမ်းရှည်လမ်းနဲ့ တရုတ်တန်းလမ်းထောင့်မှာ “နွယ်နွယ်” မုန့်ဟင်းခါးဆိုင် ရှိပါတယ်။ ကျွန်မတို့သူငယ်ချင်းတစ်သိုက် အမြဲသွားနေကျဆိုင်လေ။ နွယ်နွယ် မုန့်ဟင်းခါးက ဆန်လှော်နဲ့ ချက်တာပါ။ ကျွန်မတို့ ပြည်မှာက မုန့်ဟင်းခါးဆိုရင် ဆန်လှော်မုန့်ဟင်းခါးပဲ ရောင်းကြတာ များပါတယ်။ အလှူတို့၊ မင်္ဂလာဆောင်တို့မှသာ မုန့်ဟင်းခါးကို ပဲနဲ့ ချက်ကြတာပါ။ အဲဒီ ဆန်လှော်မုန့်ဟင်းခါးထဲကို ဘူးသီးကြော်ရယ်၊ ငါးဖယ်နဲ့ ဘဲဥစားချင်တဲ့သူက ငါးဖယ်၊ ဘဲဥရယ် ထည့်ပြီး နံနံပင်နဲ့ ငြုပ်သီးမှုန့်လေး ထည့်ပြီးတော့များ စားလိုက်လို့ကတော့ ဘာပြောကောင်းမလဲ ဆွေမျိုးမေ့သွားမယ် (ပြည်ကိုရောက်ဖြစ်ခဲ့ရင် စားသာကြည့်လိုက်ကြပေါ့နော်)။

မုန့်ဟင်းခါးစားပြီး ဖျော်ရည်စုံသောက်ချင်သေးတယ် ဆိုရင်တော့ဖြင့် အဲဒီ နွယ်နွယ်မုန့်ဟင်းခါးဆိုင်နဲ့ မျက်နှာချင်းဆိုင်က သစ်သီးဖျော်ရည်ဆိုင်ကိုပဲ ညွှန်းလိုက်ချင်ပါတယ်။

ဒါမှမဟုတ် ကြက်သားပလာတာကောင်းကောင်း စားချင်သေးလား....။ စစ်ကဲလမ်းမှာ “မွတ်တား ပလာတာ” ရှိတယ်။ ဗိုလ်ချုပ်လမ်း ဗလီနားမှာ “ရာကွတ် ပလာတာ” ရှိတယ်။ ကြက်သားပလာတာဆိုတာက ပဲကို ကြက်သားတို့ အာလူးတို့နဲ့ အရည်ကျဲကျဲ ချက်ထားပြီး အဲဒီထဲကို ပလာတာနဲ့ ဆမူဆာကို ညှပ်ထည့်ပြီး စားရတာပါ။ အဲဒီ ကြက်သားပလာတာက ပြည်မှာပဲ ရှိမယ်လို့ ထင်မိပါတယ်။ တခြားမြို့တွေမှာရှိတယ်လို့ သိပ်မကြားမိသလိုပဲ (ကျွန်မ မသိတာလည်း ဖြစ်ချင်ဖြစ်မှာပါ)။

ဒီလိုမှ မဟုတ်သေးပဲ လဘ္ဘက်ရည်ဆိုင်ကောင်းကောင်းမှာ ထိုင်ချင်တာ ဆိုရင်တော့ ရွှေတစ်ချောင်းလမ်းမှာ “မေတ္တာရိပ်” ရှိတယ်။ မြို့သစ် သံလမ်းဂိတ် ဆေးရုံကြီးရှေ့မှာ “Day & Night” ရှိတယ်။ “မေတ္တာရိပ် ”ကတော့ ပြည်တက္ကသိုလ်က ကျောင်းသူကျောင်းသားတွေ အများဆုံးထိုင်တဲ့နေရာ ဖြစ်ပြီး “Day & Night” ကတော့ GTC နဲ့GCCကျောင်းသူကျောင်းသားတွေ အများဆုံးထိုင်တဲ့ နေရာလေးလေ (ကျွန်မတို့လည်း အပါအ၀င်ပေါ့)။

တကယ်က ဒီဆိုင်တွေက နာမည်ကြီးဆိုင်တွေပါ။ အဲဒီဆိုင်တွေလောက် နာမည်မကြီးပေမယ့် သူ့ဟာနဲ့သူ နာမည်ရပြီးသား အရသာကောင်းတဲ့ ဆိုင်သေးသေးလေးတွေလည်း ပြည်မှာအများကြီးပါပဲ။ ဒါကဆိုင်တွေကိုပဲ ညွှန်းထားသေးတာပါ။ နောက်ကြုံမှ ပြည်မြို့က ဒေသစားစရာတွေအကြောင်း ရေးရဦးမယ်။

သူငယ်ချင်းတို့ရေ.... (ပြည်မြို့နဲ့ဝေးရာကို ရောက်နေကြသူများ) ဒီပိုစ့်လေးကို ဖတ်ပြီး ပြည်က အဲဒီဆိုင်တွေကို သတိရပြီးတော့ ပြည်ကို ပြန်ချင်စိတ်တွေ ပေါက်လာရင်တော့ ငါ့တာဝန် မဟုတ်ဘူးနော်။ ငါကတောံ့ဒီပိုစ့်ကို ရေးနေရင်းကို ဘယ်နှစ်ခါမှန်း မသိဘူး တံတွေးတွေ မျိုမျိုချရတာလေ။း)))

(မှတ်ချက်။ ။ဆိုင်ကြော်ငြာခရလို့ မဟုတ်ပါ၊ တကယ်ကို စားကြည့်စေချင်လို့ ညွှန်းပေးတာပါ။ ဓါတ်ပုံလေးကတော့ google ကနေရှာထားတာပါ။)

lollollol

Monday, October 26, 2009

မပြီးသေးတဲ့ခရီးတစ်ခု အဆုံးထိရောက်ဖို့ကြိုးစားနေသူမှာ

ဒီနေ့ ရုံးမှာနေရတာ ကျွန်မစိတ်တွေ တော်တော့်ကို လေနေပါတယ်။ ရုံးကိုစရောက်ကတည်းကနေ ပြန်တဲ့အချိန်အထိ ဘာကိုမှ ဖြစ်ဖြစ်မြောက်မြောက် ပြီးအောင် မလုပ်နိုင်ပါဘူး။ ကျွန်မအနေနဲ့ ဒီနိုင်ငံကို ရောက်ပြီးနောက်ပိုင်းမှ အဲဒီလို စိတ်လေတဲ့ ခံစားမှုမျိုးတွေကို မကြာမကြာ ခံစားတတ်လာတာပါ။ တစ်ခါတစ်လေဆိုရင် လူက အလိုလိုနေရင်းနဲ့ကို စိတ်တွေညစ်ညူးပြီး ငိုချင်နေတတ်တယ်။

စိတ်နှလုံးညှိူးခြုံးခြင်း၊ အလိုလိုငိုချင်နေခြင်း၊ အစရှိသည်တို့မှာ စိတ်ကျရောဂါ (Depression) ရဲ့ လက္ခဏာများဖြစ်သည်လို့ စိတ်ပညာနဲ့ပတ်သက်တဲ့ ဆောင်းပါးတစ်ပုဒ်ထဲမှာ ကျွန်မဖတ်ရဖူးပါတယ်။ ဟုတ်များဟုတ်နေမလားတော့ မသိပါဘူး။ ကျွန်မ အဲဒီလိုစိတ်တွေလေနေရင် အများဆုံးသတိရ တမ်းတနေမိတတ်တာကတော့ မေမေ့ကိုပါပဲ။ အဲဒီလိုအချိန်တွေမှာ မေမေ့ကိုများ တွေ့လိုက်ရမယ်ဆိုရင် ဘယ်လောက်ထိတောင်ဝမ်းသာပြီး စိတ်ခွန်အားတွေ ပြန်ရသွားမလဲ မပြောတတ်ပါဘူး။

နိုင်ငံရပ်ခြားမှာ လာပြီးအလုပ်လုပ်ရတာ သူများတွေအတွက်တော့ ဘယ်လိုနေမလဲမသိပါ။ ကျွန်မ အတွက်ကတော့ အတွေ့အကြုံတွေက တော်တော့်ကိုစုံခဲ့တာပါ။ (တစ်နှစ်ခွဲလောက်ကာလအတွင်းမှာကိုပဲ ကုမ္ပဏီ အလုပ် ၃ခု ပြောင်းလုပ်ခဲ့ရတာပါ။) စိတ်တွေလည်း အရမ်းကိုပင်ပန်းခဲ့ရဖူးပါတယ်။ ကိုယ်လုပ်ချင်တာဆိုရင် ဘာကိုမှသိပ်ဂရုမစိုက်တတ်ဘဲ စိတ်လိုက်မာန်ပါ တဇွတ်ထိုးလုပ်ပစ်တတ်တဲ့ အကျင့်ရဲ့ နောက်ဆက်တွဲ ရလာဒ်တွေပဲဖြစ်ပါတယ်။

တကယ်ဆို ကျွန်မအသက်အရွယ်နဲ့နှိုင်းစာမယ်ဆိုရင် ကျွန်မဟာ အင်မတန်မှ မရင့်ကျက်သေး၊ လူကြီးမဆန်သေးတာလို့ ပြောလို့လည်း ရပါတယ်။ ကျွန်မကို မွေးကတည်းကနေ ဘွဲ့ရပြီးသည်အထိ ဖေဖေ၊ မေမေတို့ရဲ့ အရိပ်အာဝါသအောက်မှာ အလိုလိုက်မှုတွေနဲ့ နေထိုင်ကြီးပြင်းခဲ့ရတဲ့ ကျွန်မဟာ စင်ကာပူနိုင်ငံလိုမျိုး သူတို့ကိုယ်သူတို့တော့ တော်တော် အထင်ကြီးတတ်ကြကာ ဘ၀င်မြင့်နေကြသော၊ တော်ရုံတန်ရုံလူမျိုးခြား(အနောက်တိုင်းသား လူဖြူများမပါ) ဆိုရင် အထင်သေး အမြင်သေးနဲ့ နှာခေါင်းရှုံ့တတ်သော နေရာမျိုးကို ရောက်လာတဲ့ အခါမှာတော့ ထိုလူစားမျိုးတွေနဲ့ နေသားကြအောင်၊ အဆင်ပြေအောင်  ကျွန်မ မနည်း ကြိုးစားနေခဲ့ရတာပါ။ အဲဒီလောက်ကြိုးစားပြီး အဆင်ပြေအောင်နေခဲ့တာတောင် အချိန်တိုအတွင်းမှာ အလုပ် သုံးခုပြောင်းလုပ်ခဲ့ရတာပါ။

အခုတော့ ကျွန်မတော်တော်လေးကို နေတတ်သွားပြီလို့ ထင်တာပါပဲ။ အခုလက်ရှိ ကုမ္ပဏီမှာလည်း အားလုံးနဲ့အဆင်ပြေအောင် ကြိုးစားပြီးနေနေပါတယ်။ အလုပ်တစ်ခုနဲ့တစ်ခု အကူးအပြောင်းမှာ ခံစားရတဲ့ စိတ်ပင်ပန်းမှုတွေကိုလည်း ကျွန်မမခံစားချင်တော့ပါဘူး။ အဲဒီလိုအချိန်တွေမှာ ကျွန်မအတွက် အဝေးကနေ စိတ်ပူပန်မှုတွေထပ်တူခံစားနေရတဲ့ ဖေဖေနဲ့ မေမေ့ကိုလည်း ပူလောင်မှုတွေ ထပ်မဖြစ်စေလိုတော့ပါဘူး။

ကျွန်မဘာကြောင့် ကိုယ့်ကိုကိုယ် မရင့်ကျက်သေးဘူးလို့ ပြောရတာလဲဆိုတော့ ကျွန်မ အိမ်ကနေ စခွဲခွာလာကတည်းက (ရန်ကုန်မှာ နေကတည်းကဆိုပါတော့) ဘာကိစ္စလေးမဆို ထစ်ကနဲဆိုရင် အိမ်ကို လှမ်းလှမ်းပြောတတ်တာပါပဲ။ ကိုယ့်အတွက် မိဘတွေ ဘယ်လောက်စိတ်ပူသွားမယ်ဆိုတာကို ဘယ်တော့မှ မတွေးခဲ့ပါဘူး။ ဒီကိုရောက်တော့လည်း ဒီမှာကြုံတွေ့ရသမျှ အသေးအဖွဲကမှအစ အိမ်ကိုလှမ်းပြောပြတယ်။ မေမေ့ကိုဖုံးဆက်ပြီးငိုတယ်။ မေမေကဟိုဘက်ကနေ စိတ်မကောင်းတွေဖြစ်ပြီး လိုက်ငိုတယ်။

ဒါတွေဟာ ကျွန်မအနေနဲ့ တကယ်ကို မလုပ်သင့်တဲ့ မရင့်ကျက်တဲ့ အပြုအမူတွေပါ။ တကယ်ဆိုရင် အဝေးမှာနေရတဲ့ မိဘတွေအနေနဲ့ ကိုယ့်အတွက် စိတ်တွေပူပန်နေရုံကလွဲလို့ ဘာမှမတတ်နိုင်မယ့်ဟာကို ကျွန်မအနေနဲ့ အဲဒီလိုမလုပ်သင့်ဘူးလေ။ ပြီးခဲ့တဲ့ ဇွန်လတုန်းက ကျွန်မ အိမ်ကို တစ်ခေါက်ပြန်သွားတော့ ကျွန်မရဲ့အဒေါ်တွေ၊ အမ၀မ်းကွဲတွေက ပြောပြကြတယ်။ ကျွန်မအဲဒီလို ဖုံးတွေဆက်ငိုယိုနေရင် မေမေဟာ ကျွန်မအတွက် ဘုရားရှိခိုးဆုတွေတောင်းရတာ တစ်နေ့တစ်နေ့ ဘုရားစင်ရှေ့ကကို မထတော့ဘူးတဲ့။ အဲဒီလိုသိလိုက်ရတဲ့အချိန်မှာ ကျွန်မအရမ်းကိုစိတ်မကောင်းဖြစ်သွားပြီး နောင်တတွေလည်းရခဲ့ပါတယ်။

အခုတော့ ကျွန်မ ကိုယ့်ကိုကိုယ် ထိန်းချုပ်နိုင်အောင် ကြိုးစားပြီးနေနေပါတယ်။ မေမေ့ကို သတိတွေရရင်လည်း အရင်တုန်းကလို ဖုံးတွေဆက်ပြီး မေမေ စိတ်ပူပန်အောင် မလုပ်တော့ပဲ အလွမ်းပြေ အမေနဲ့ပတ်သက်တဲ့ သီချင်းလေးတွေကိုပဲ နားထောင်နေတတ်တော့တယ်။ ဒီနေ့လည်း မေမေ့ကိုသတိရခြင်းတွေကို အမှတ်တရဖြစ်အောင် ထူးအိမ်သင်ရဲ့ အမေ့အိမ် သီချင်းလေးကို ဒီပို့စ်လေးနဲ့ အတူတင်လိုက်တယ်။ အဝေးက မေမေ ကျန်းမာ ပျော်ရွှင်ပါစေ။

Saturday, October 24, 2009

ကျွန်မနဲ့ G-talk

ကိုနေဘုန်းလတ် ရေးထားတဲ့ Chatter နှင့် Blogger ဆိုတဲ့ ဆောင်းပါးရယ်၊ ကိုဗာလ ရေးထားတဲ့ G - စကား ဆိုတဲ့ ဆောင်းပါးရယ် ဆောင်းပါးနှစ်ပုဒ်ကို ဖတ်ပြီးချိန်မှာတော့ ကျွန်မခေါင်းထဲမှာလည်း G-talkနဲ့ ပတ်သက်ပြီး အတွေးလေးတွေ ပေါ်လာပါတယ်။

ကျွန်မအထင်တော့ Gtalkဟာ ကျွန်မတို့ မြန်လူမျိုးတွေ တော်တော်များများ အသုံးပြုကြတဲ့ Chatting Softwareတစ်ခု ဖြစ်မယ်ထင်ပါတယ်။ G-talkကို သုံးကြတဲ့အခါမှာလည်း တစ်ယောက်နဲ့ တစ်ယောက် သုံးရတဲ့ရည်ရွယ်ချက်ချင်း တူကြမှာမဟုတ်ပါဘူး။ ကျွန်မကတော့ G-talkကို စတင်အသုံးပြုခဲ့တာ ၂၀၀၇ခုနှစ်ကမှပါ။ စသုံးရတဲ့ရည်ရွယ်ချက်ကလည်း ဒီစင်ကာပူနိုင်ငံကို လာဖို့အတွက် မသုံးမဖြစ် သုံးကိုသုံးဖို့လိုအပ်လို့ စတင်အသုံးပြုခဲ့တာပါ။

အဲဒီအချိန်မှာ ကျွန်မအနေနဲ့ အံ့သြစရာကောင်းတာတစ်ခု တွေ့ရတာက internet cafeတွေကို သွားတဲ့အချိန်တိုင်း ဆိုင်တိုင်းမှာ လူပြည့်လုနီးပါးဖြစ်နေတတ်ပြီး အဲဒီလူတွေကို လေ့လာကြည့်လိုက်တဲ့ အခါကြတော့လည်း တော်တော်များများဟာ တစ်ပြိုင်နက်တည်းမှာ လူနှစ်ယောက်၊ သုံးယောက်နဲ့ ကျွမ်းကျွမ်းကျင်ကျင် Chatနေကြတာကို တွေ့ရပါတယ်။ ကျွန်မလည်း ကိုယ့်အလုပ်နဲ့ကိုယ်ဆိုတော့ သူတို့တွေ ဘာတွေအတွက်များ အဲဒီလိုသည်းကြီးမည်းကြီး Chatနေကြတာလည်းဆိုတာကိုတော့ စိတ်ဝင်တစား မလေ့လာဖြစ်ခဲ့ပါဘူး။ သူတို့မှာလည်း သူတို့အကြောင်းနဲ့သူတို့ ပြောစရာတွေ အများကြီးရှိလို့ နေမှာပေါ့ လို့ပဲတွေးခဲ့တာပါ။

ရန်ကုန်မှာ ကျွန်မတို့နဲ့ အတူတူနေခဲ့ကြတဲ့ ကလေးတွေဆိုရင်လည်း ကျွန်မသတိထားမိသလောက် အားအားရှိ internetဆိုင်ကိုပဲ သွားသွားနေကြတာကို တွေ့ခဲ့ရပါတယ်။ ညဆိုရင်လည်း တော်တော်လေး ညဥ့်နက်မှ internetဆိုင်ကနေ ပြန်ပြန်လာတတ်ကြပါတယ်။ ပြန်လာရင်လည်း မအိပ်ကြသေးဘဲ ဒီနေ့တော့ ဘယ်သူ့ကို ဘယ်လိုပြောလိုက်တာ၊ ဘယ်သူက ဘယ်လိုပြောတာ၊ ဘယ်သူ့ကိုတော့ နောက်ထပ် account အသစ်တစ်ခုနဲ့ ဘယ်လို chatလိုက်တာ စသည်ဖြင့် သူတို့အချင်းချင်း ပြောဆိုနေကြတာကို တစ်နေ့တစ်မျိုး မရိုးရအောင် ကြားရပါတယ်။

တစ်နေ့ တစ်နေ့ ရှင်းလိုက်ရတဲ့ internetဖိုးကလည်း သူတို့ပြောပုံအရဆိုရင် မနည်းပါဘူး။ ကျွန်မကသာ ဘေးကနေနားထောင်ပြီး နှမြောနေတာပါ။ သူတို့ကတော့ ဒီပိုက်ဆံနဲ့ ပတ်သက်လို့ ဘယ်လိုမှတောင် ခံစားရပုံ မပေါ်ပါဘူး။ ကျွန်မ သူတို့ကို နားလည်းမလည်နိုင်ခဲ့ပါဘူး။

ကျွန်မကတော့ internetကို မသုံးမဖြစ်လို့သာ သွားသွားသုံးနေရပေမယ့် internetဆိုင်သွားရမှာ တော်တော့်ကိုပျင်းတာပါ။ ကိုယ်ကမကျွမ်းကျင်တော့ တစ်ခုခုလုပ်မရတော့ဘူးဆိုရင်လည်း ဆိုင်ကအားတဲ့လူကို လိုက်ကြည့်ပြီး ခေါ်ခေါ်ပြရတာကတစ်မျိုး၊ အရေးကြီးပြီဆိုရင် connectionကမကောင်းလို့ တော်တော်နဲ့ မတက်တာကတစ်မျိုးနဲ့ စိတ်မရှည်တာနဲ့ပဲ တော်ရုံတန်ရုံဆို ကျွန်မမသွားဖြစ်တာက များပါတယ်။ ကျွန်မ သူငယ်ချင်းကတော့ မကျွမ်းကျင်လို့ မသုံးပဲထားရင် ပိုပြီးတော့မကျွမ်းကျင်ပဲနေမှာပေါ့ဆိုပြီး ကျွန်မကို ခေါ်ပေမယ့် ကျွန်မက အကြောင်းအမျိုးမျိုးပြပြီး ကျန်ခဲ့တာက များပါတယ်။ ကျွန်မလည်း G-talk နဲ့ပတ်သက်လို့ အဲဒီလောက်ပဲသိခဲ့ပြီး ဒီကိုရောက်ခဲ့တယ်ဆိုပါတော့။

ဒီကိုရောက်တော့ ဒီမှာက internetသုံးစွဲရတာ တော်တော်လေး အဆင်ပြေတာကို တွေ့ရပါတယ်။ အဲဒီမှာ ကျွန်မ သဘောအကျဆုံးက onlineကိုအချိန်မရွေး ဖွင့်ထားလို့ရတော့ မြန်မာပြည်က သူငယ်ချင်းမိတ်ဆွေတွေ တစ်ယောက်မဟုတ် တစ်ယောက်နဲ့တွေ့ပြီး စကားပြောနိုင်တာကိုပါပဲ။ အဲဒီအချိန်က မြန်မာပြည်ကနေ ရောက်ကာစဆိုတော့ ဒီမှာနေရတာ အသားမကျသေးတဲ့အပြင် မြန်မာပြည်ကိုပဲ သတိရနေတာဆိုတော့ အဲဒီလို မြန်မာပြည်ကသူငယ်ချင်း တစ်ယောက်မဟုတ်တစ်ယောက်နဲ့ တွေ့ရတော့ အလွမ်းပြေစေပါတယ်။

အဲဒီမှာ ပြဿနာကစပါပြီ။ G-talk ထဲကို အမည်မသိတဲ့ invite တွေ ရောက်ရောက်လာတာပါ။ ကျွန်မကလည်း G-talkကိုစသုံးကာစ G-talkလောကအကြောင်းကိုလည်း လည်လည်ဝယ်ဝယ်မသိသေးတော့ ၀င်လာတဲ့ inviteတွေကို များသောအားဖြင့် acceptလုပ်ဖြစ်တာများပါတယ်။ တစ်ချို့ကကြတော့လည်း တကယ့်ကို ကိုယ့်အသိမိတ်ဆွေတွေပါ။ accountနာမည်ကတစ်မျိုး ဖြစ်နေတာလေ။ တစ်ချို့ကတော့ ကျွန်မလုံးဝမသိတဲ့ လူတွေပါ။ လုံးဝမသိတဲ့ လူတွေထဲမှာမှ နှစ်မျိုးနှစ်စားရှိပါတယ်။

တစ်မျိုးက တစ်ကယ်ကို မိတ်ဆွေသူငယ်ချင်းဖြစ်ချင်လို့ တစ်ယောက်နဲ့တစ်ယောက် ဗဟုသုတတွေ၊ အတွေးအမြင်တွေ ဖလှယ်ဖို့ဆိုတဲ့ စိတ်ထားမျိုးနဲ့ တကယ်ကို ခင်စရာကောင်းတဲ့ မိတ်ဆွေတွေပါ။ အဲဒီသူငယ်ချင်းတွေဆိုရင် ကျွန်မနဲ့ အခုအချိန်အထိကို G-talk ထဲမှာ အဆက်အသွယ်မပြတ် ရှိနေတုန်းပါပဲ။ ဘယ်တော့မှလည်း ကျွန်မကို စိတ်အနှောက်အယှက်မပေးပါဘူး။ သူတို့ သိချင်တာလေးတွေ ရှိရင်ကျွန်မသိလိုသိငြား မေးတယ်။ ကျွန်မကိုသိစေချင်တာလေးတွေ ရှိရင်လည်း လှမ်းပြောပေးတယ်။ ကောင်းတဲ့ forward mail လေးတွေ ရှိရင်အပြန်အလှန် ပို့ ပေးကြတယ်။ တစ်ယောက်နဲ့ တစ်ယောက် respect ထားပြီးဆက်ဆံကြတယ်။ ဒီလိုသူငယ်ချင်းတွေကြတော့ တကယ်ကို စစ်မှန်တဲ့ online သူငယ်ချင်းတွေအဖြစ် ကျွန်မလက်ခံထားပါတယ်။

နောက်တစ်မျိုးကတော့ onlineမှာ မိန်းခလေးတွေကို အခွင့်သာရင်သာသလို ကြူဖို့လောက်ကိုသာ ကြိုးစားအားထုတ်နေကြတဲ့ လူမျိုးတွေပေါ့။ acceptလုပ်ထားပြီးလို့ တွေ့တာနဲ့တစ်ပြိုင်နက် စသုံးလုံးဝင်သလို မေးခွန်းတွေကို တရစပ်မေးပါပြီ။ နာမည်အရင်းကဘယ်သူလဲ၊ ဘယ်မှာနေတာလဲ၊ ဘာအလုပ်လုပ်တာလဲ၊ အသက်ဘယ်နှနှစ်ရှိပြီလဲ စတဲ့စတဲ့ မေးခွန်းတွေကအစချီလို့ တစ်ချို့ဆိုရင် ရည်စားရှိလား၊ အိမ်ထောင်ရှိလားဆိုတဲ့ Personalမေးခွန်းမျိုးတွေအထိကို မေးတာပါ။ ကျွန်မ အဲဒီလိုလူတွေကို တော်တော့်ကို စိတ်ပျက်စိတ်တိုမိပါတယ်။ အစပိုင်းတုန်းကတော့ ကျွန်မအနေနဲ့ ကောင်းကောင်းမွန်မွန် လေးလေးစားစား ပြန်ဖြေပါတယ်။

အဲဒီလို ကောင်းကောင်းမွန်မွန်ဖြေတာကိုပဲ ဘယ်လိုတွေထင်သွားကြတယ်တော့ မသိပါဘူး။ ဟုတ်ပြီကွ၊ အပိုင်ပဲ ဆိုပြီးတွက်လိုက်ကြပြီး ချက်ချင်းဆိုသလိုပဲ ဓာတ်ပုံပို့ပေးပါလားတို့၊ webcamနဲ့ စကားပြောချင်လို့တို့ ဖြစ်သွားပါတယ်။ ပြီးတော့ ဘာမပြော ညာမပြော callကိုဗြုန်းကနဲ ခေါ်ချပစ်တတ်တဲ့ လူမျိုးတွေလည်းရှိပါတယ်။ ကျွန်မ တော်တော်လေးကို စိတ်ဆိုးဒေါသထွက်မိပါတယ်။ အဲဒီလူတွေ ကျွန်မ အပြင်မှာသာတွေ့ နေရရင် တစ်ခုခုပြောမိလုပ်မိမလားပါပဲ။

အဲဒီလို ပေါက်ကရလေးဆယ် အရည်မရအဖတ်မရတွေ မေးတတ်တဲ့၊ စိတ်ပျက်စရာကောင်းလှတဲ့ လူမျိုးတွေကို ကျွန်မဆက်ကိုစကားပြောချင်စိတ် မရှိတော့ပါဘူး။ အဲ....ကောင်းကောင်းမွန်မွန် ပြန်မဖြေမိပြန်ရင်လည်း တစ်မျိုး။ သူတို့ကို မတူသလိုမတန်သလို ဆက်ဆံတယ်တို့၊ ကျွန်မကဘာမို့လို့လဲတို့၊ သူတို့ကမြန်မာပြည်ကဆိုရင်လည်း ကျွန်မက စင်ကာပူမှာရောက်နေလို့ ကြီးကြီးကျယ်ကျယ်နဲ့ ဘာညာဆိုပြီးတော့ တစ်ချို့ဆိုရင် ရိုင်းပျစွာနဲ့ကို ပြောဆိုသွားကြတာပါ။

အဲဒီလို ရိုင်းစိုင်းတဲ့လူတွေကိုတော့ ကျွန်မ Blockလုပ်ပစ်လိုက်ပါတယ်။ တကယ်ဆို ကျွန်မအနေနဲ သူများကို Block လုပ်ရမှာကို ၀န်လေးပါတယ်။ အားနာသလိုလို၊ အချင်းချင်း လေးစားမှုမရှိသလို ခံစားမိတယ်။ ဒါပေမယ့် ဒီလိုအရိုင်းအစိုင်းတွေကိုတော့ Block လုပ်ကိုလုပ်ပစ်လိုက်သင့်တယ်လို့ ကျွန်မထင်ပါတယ်။

ကျွန်မပြောချင်တာက ကိုယ့်ရဲ့အချိန်တွေ ပိုက်ဆံတွေ အကုန်ခံပြီး ဒီလိုအကျိုးမရှိ၊ အရည်မရ အဖတ်မရတွေနဲ့ အချိန်ကုန်နေမယ့်အစား ဗဟုသုတရှာချင်သူတွေအတွက်တော့ Internetဆိုတာ တကယ့်ကို ဗဟုသုတ ဟင်းလေးအိုးကြီးပါပဲ။ Internetကိုသုံးပြီး အကျိုးရှိတာတစ်ခုခုကို လုပ်ဖြစ်စေချင်၊ သိသွားစေချင်တာပါ။ G-talk မှာ မိတ်ဆွေဖွဲ့ကြမယ်ဆိုရင်လည်း တစ်ယောက်နဲ့တစ်ယောက် ကြူဖို့ဆိုတာထက် တစ်ယောက်နဲ့ တစ်ယောက် ဗဟုသုတတွေဖလှယ်ဖို့၊ တစ်ယောက်နဲ့တစ်ယောက် အသိအမြင်တွေမျှဝေခံစားဖို့ ဆိုတဲ့ နဲနဲလေး ပိုအဆင့်မြင့်တဲ့ ရည်ရွယ်ချက်လေးတွေကို ထားကြစေချင်တာပါ။

ဒါပေမယ့်လည်း လူဆိုတာ တစ်ယောက်နဲ့တစ်ယောက် ခံယူချက်ချင်း၊ သဘောထားချင်း မတူတော့ လည်းခက်သားလား။ ကျွန်မလည်းအခုဆိုရင် ကိုယ်မသိတဲ့နာမည်နဲ့ inviteတွေကို လက်ခံဖို့ကို တော်တော်လေးကို ၀န်လေးသွားပါတယ်။ နောက်တစ်ခုရှိသေးတာက မသိတတ်၊ နားလည်မပေးတတ်ကြတဲ့ လူတွေပါ။ ရုံးမှာ အလုပ်လုပ်နေရတဲ့ အချိန်တွေဆိုရင် အချိန်မရွေး Managerတို့၊ Bossတို့က ကိုယ့်အနားကို ရောက်ရောက်လာကြတတ်ကြတာလေ။ တစ်ခါတစ်လေ သူတို့က အလုပ်ကိစ္စနဲ့ပတ်သက်ပြီး ပြောနေပြီဆိုရင် တော်တော်နဲ့ အနားကနေမသွားတတ်ကြပါဘူး။ အဲဒီအခါမှာ သူတိုိ့လှမ်းchatတာကို reply ပြန်လုပ်ဖို့ ကြာသွားရင် စိတ်ကွက်သွားတတ်ကြတာမျိုးတွေပါ။

တစ်ချို့ကလည်း အလုပ်ချိန်မှန်း သိနေရက်နဲ့ကို အရမ်းကို chatချင်နေကြတော့တာ။ ကျွန်မရဲ့ reply တွေကလည်း တိုတိုတုတ်တုတ်တွေက များလာတော့ သူတို့က ခင်လို့ သတိရလို့ chatတာကိုပဲ ကျွန်မက ကြီးကြီးကျယ်ကျယ် ဖြေချင်သလို၊ မဖြေချင်သလိုနဲ့ ဆိုတဲ့ ပုံစံမျိုးတွေ ထင်သွားတတ်ကြပြန်ရော။

ကျွန်မအဲဒီလို ခဏခဏ စိတ်အနှောက်အယှက်ဖြစ်နေရတာတွေကို တွေ့ တွေ့နေရတော့ ကျွန်မ သူငယ်ချင်းက ကျွန်မကို email address ပြောင်းသုံးပါလားလို့ အကြံပေးပါတယ်။ ဒါပေမယ့်လည်း ကျွန်မအနေနဲက emailဆိုတာကို စတင်အသုံးပြုကတည်းက ဒီmailလေးကိုပဲ သုံးခဲ့တာမို့လို့ ကျွန်မမပြောင်းချင်ပါဘူး။ ကျွန်မရဲ့ အသိမိတ်ဆွေ သူငယ်ချင်းတွေ အားလုံးကိုလည်း ဒီ mail ကိုပဲပေးထားတာမို့လို့ပါ။

ကျွန်မလည်း အဲဒီလိုလူတွေကို ရှောင်ချင်တော့ များသောအားဖြင့် invisibleနဲ့ပဲ အနေများခဲ့ပါတယ်။ ကိုဗာလရဲ့ ဆောင်းပါးထဲမှာ invisibleလုပ်ထားခြင်းသည် မိမိ၏သူငယ်ချင်းများအပေါ်တွင် မရိုးသားရာကြပါသည်လို့ ဖတ်ရပေမယ့်လည်း email addressမပြောင်းချင်သော၊ G-talkနဲ့ပတ်သက်ပြီး ခဏခဏ စိတ်တိုဒေါသထွက်ရတာကို မဖြစ်ချင်သော ကျွန်မအဖို့ကတော့ invisibleနဲ့ နေတာလေးက အဆင်ပြေတဲ့ နည်းလမ်းလေးများ ဖြစ်နေသလားလို့ပါ။ တခြားတခြားသော mailတွေ၊ chatting softwareတွေကို ပြောင်းမသုံးချင်တဲ့ ကျွန်မအဖို့ကတော့ gmail နဲ့ G-talk ကိုပဲ ဆက်ပြီးသုံးသွားချင်ပါတယ်။ အဲဒီလိုနဲ့ ပဲ ကျွန်မဒီ mail addressလေးကိုပဲ ဘယ်အချိန်အထိ မပြောင်းမလဲ ဆက်သုံးသွားနေဖြစ်ဦးမလဲဆိုတာတော့ မပြောတတ်တော့ပါဘူး။

Friday, October 23, 2009

ဗုဒ္ဓမြတ်စွယ်တော်

ပြည်မြို့ရှိ ရွှေဆံတော်ဘုရားပေါ်တွင်ကိန်းဝပ်စံပယ်တော်မူသော ဗုဒ္ဓမြတ်စွယ်တော်

မနေ့က ကျွန်မတို့ပြည်မြို့က ရွှေဆံတော်ဘုရားပွဲတော်နဲ့ ပတ်သက်တဲ့ပိုစ့်လေးကို ရေးလိုက်ဖြစ်တော့ ဒီနေ့မနက် ကျွန်မသူငယ်ချင်း ဝေစိုးက ဒီစွယ်တော်မြတ်ပုံကို ကျွန်မရဲ့ ဘလော့ဂ်မှာတင်လို့ရအောင် မေးလ်နဲ့ လှမ်းပို့ပေးပါတယ်။ ဖူးမြော်ကုသိုလ်ယူနိုင်ကြပါစေ။

Thursday, October 22, 2009

ပြည်မြို့က ရွှေဆံတော်ဘုရားပွဲတော်

မနေ့က ကျွန်မ မေမေ့ကိုအိပ်မက်မက်ပြီး ဒီနေ့တစ်နေ့လုံး အိမ်ကိုပဲ သတိရနေပါတယ်။ အိမ်ကိုသတိရခြင်းနဲ့ အတူကျွန်မတို့ရဲ့ ပြည်မြိုလေးမှာ ရွှေဆံတော်ဘုရားပွဲတော်ကြီးတောင် စတော့မှာပါလားဆိုတာကို သတိရသွားပါတယ်။ ဒီနှစ်က စွယ်တော်လှည့်မယ့်နှစ်လေ....။ သီဟိုဠ်ကျွန်းကနေ ပင့်ဆောင်ထားတဲ့ မြတ်စွာဘုရားရှင်ရဲ့ စွယ်တော်မြတ်အား သုံးနှစ်မှတစ်ကြိမ်သာ မြို့တွင်းမှာ လှည့်လည်အပူဇော်ခံတာ ဖြစ်ပါတယ်။

ဒီရက်ပိုင်းမှာ အိမ်ကလူတွေနဲ့လည်း မတွေ့ဖြစ်သေးတော့ ပွဲတော်စမယ့်ရက်ကို သေချာမသိဘူးဖြစ်နေပါတယ်။ အဲဒါနဲ့ ရုံးကပြန်လာတော့ အီးမေးလ်စစ်ရင်း ပြည်သားများဆုံဆည်းရာ ကနေ messageတစ်ခုရောက်နေလို့ အဲဒီ website ကိုဝင်ရင်း “နှင်းဖြူ ”ဆိုတဲ့ တစ်ယောက်က ပွဲတော်ရက်လေးတွေ တင်ထားတာကို တိုက်တိုက် ဆိုင်ဆိုင် သွားတွေ့ပါတယ်။ အဲဒါနဲ့ ကျွန်မလည်း ဘုရားပွဲနဲ့ ပတ်သက်ပြီး ပို့စ်လေးတစ်ခု ရေးချင်လာပါတယ်။

တန်ဆောင်မုန်းလဆန်း ၈ ရက် (၂၅.၁၀.၀၉) မှာပွဲတော်စပြီး တန်ဆောင်မုန်းလဆန်း ၁၁ ရက် (၂၈.၁၀.၀၉) မှာ စွယ်တော်ဖွင့်မှာ ဖြစ်ပါတယ်။ တန်ဆောင်မုန်းလဆန်း ၁၃ ရက် (၃၀.၁၀.၀၉) မှာ စွယ်တော်မြတ်ကိုမြို့တွင်းမှာ လှည့်လည် အပူဇော်ခံပြီး တန်ဆောင်မုန်းလပြည့်ကျော် ၂ ရက် (၂.၁၁.၀၉) နေ့ကတော့ ပွဲတော်နောက်ဆုံးနေ့ ဖြစ်ပါတယ်။

သြော်.....ကျွန်မကတော့ ရွှေဆံတော် ဘုရားပွဲတော်ကြီးနဲ့ ဝေးခဲ့တာ လေးနှစ်တောင်ရှိခဲ့ပြီ ထင်ပါတယ်။ ဟိုတုန်းက ဘုရားပွဲတော်မှာ လည်ခဲ့တာတွေ၊ ပျော်ခဲ့တာတွေကို ပြန်သတိရမိတယ်။ ကျွန်မတို့တွေ GTC တက်နေတုန်းက ကျွန်မတို့အုပ်စု အတန်းလစ်ပြီး လျှောက်လည်ခဲ့တာတွေကိုလည်း သွားတွေးမိပါတယ်။ ကျွန်မတို့အုပ်စုက လူများတော့(ခုနစ်ယောက်တောင်ရှိတာလေ) ဘယ်သွားသွား အုပ်စုကွဲကွဲသွားတတ်လို့ ပွဲတော်လည်တိုင်းလည်း တစ်ယောက်နဲ့တစ်ယောက် ပြန်ပြန်ရှာနေရတာချည်းပါပဲ။ ပြန်တွေ့ကြပြီ် ဆိုရင်တော့ဖြင့် အကုန်လုံး မောမောပန်းပန်းနဲ့ နီးစပ်ရာဆိုင်တစ်ဆိုင်မှာ ၀င်ပြီး စားကြသောက်ကြ ပြောကြဆိုကြ စနောက်ကြ နဲ့ တော်တော်ပျော်စရာကောင်းခဲ့တဲ့ အချိန်တွေပါပဲ။

ငယ်ငယ်တုန်းက ဖေဖေ၊ မေမေ၊ ကိုကြီး၊ ညီမလေးတို့နဲ့ မိသားစုလိုက် လည်ခဲ့တာတွေကိုလည်း သွားသတိရပါတယ်။ အဲဒီတုန်းကတော့ ကျွန်မတို့မောင်နှမတစ်တွေ ဖေဖေနဲ့ မေမေ့ကို ပွဲတော်လိုက်ပို့ပေးဖို့ ပူဆာရတာ အမောပါပဲ။ ဖေဖေနဲ့မေမေ ပွဲတော်ကိုလိုက်ပို့ပေးမယ့်နေ့ဆိုရင်ဖြင့် ညနေပိုင်းရောက်ရင် အင်္ကျီအ၀တ်အစားတွေလဲပြီး ဖေဖေရုံးကပြန်အလာကို အိမ်ရှေ့ကိုထွက်ထွက်မျှော်ရတာလည်း ပြောမနေပါနဲ့တော့။ အိမ်နီးနားချင်းသူငယ်ချင်းတွေကိုလည်း အဲဒီနေ့ ပွဲတော်ကိုသွားလည်မှာဆိုတဲ့ အကြောင်းကိုလည်း ကြွားရသေးတယ်။

ငယ်ငယ်က ပွဲတော်လည်တိုင်း ကျွန်မအနေနဲ့ အမြဲပူဆာတတ်တာက ငါးလုံးတန်းစီပြီးဆင့်ထားတဲ့ ကစားစရာဒန်အိုးလေးတွေပါပဲ။ ကျွန်မကစည်းကမ်းမရှိတော့ ၀ယ်လာပြီးရင်လည်း ခဏလေးနဲ့ ပျောက်ပျောက်ကုန်တော့တာပါပဲ။ နောက်နှစ်ပွဲတော်ရောက်ရင်လည်း ကျွန်မက အဲဒါကိုပဲဝယ်ပေးဖို့ ထပ်ပူဆာပါတယ်။ ဖေဖေကလည်း မငြိုမငြင် အမြဲဝယ်ပေးပါတယ်။ ကျွန်မကလည်း ထပ်ထပ်ဖျောက်ပစ်တာပါပဲ။ အဲဒီလိုနဲ့ နှစ်တိုင်းနှစ်တိုင်း ပွဲတော်ရောက်ပြီဆိုရင်ဖြင့် ကျွန်မ၀ယ်ဖြစ်တာက အဲဒီဒန်အိုးလေးတွေပါပဲ။

ပြီးခဲ့တဲ့တစ်ပတ်က ပြည်ကသူငယ်ချင်း တစ်ယောက်နဲ့ onlineမှာတွေ့တော့ သူက ပွဲတော်မှာ ဘာလိုချင်လဲတဲ့၊ သူဝယ်ထားပေးမယ်တဲ့။ ပြီးတော့ သူ့ ideaက တစ်မျိုး...။ အဲဒီပစ္စည်းက ကလေးဘ၀တုန်းက လိုချင်တဲ့ ပစ္စည်းဖြစ်ရမယ်တဲ့။ အဲဒီတော့ ကျွန်မ မဆိုင်းမတွ ဖြေလိုက်တာက ဒန်အိုးလေးတွေလေ။ သူကတော့ လေသေနတ်ဝယ်မလို့ဆိုပဲ။ ပြေပြေလည်လည်ဆက်ဆံထားမှ ဖြစ်မယ်။

သူငယ်ချင်းရေ....နင်ပွဲတော်လည်တဲ့ အခါကျရင် မုန့်သိုင်းခြုံတို့၊ မုန့်ပျားအုံတို့၊ ကောက်ညှင်းကျည်တောက်တို့စားရင် ငါတို့တွေအတွက်ပါ ပိုစားပေးနော်။ သြော်....ပြီးတော့ ချားလည်းစီးဦးဟ၊ ဒါတော့ဒို့အတွက်ပိုမစီးပါနဲ့၊ ရပါတယ်။ (ချားဆိုတာ ရဟတ်ကိုပြောတာနော် သူငယ်ချင်း)။ တော်ကြာမြန်မာပြည်ပြန်ရင် လေသေနတ်နဲ့ လိုက်ပစ်နေမှာစိုးလို့း)))။

mrgreenmrgreenmrgreen

Wednesday, October 21, 2009

Lovely Wai Soe

Cute Chit Su

မနေ့ကပိုစ့်ထဲက သူငယ်ချင်းနှစ်ယောက်ပါ။း))


pika21pika21pika21

Monday, October 19, 2009

သူငယ်ချင်းနှစ်ယောက်အတွက်

ကျွန်မ အခုဒီပိုစ့်လေးကို စရေးတော့ ညဆယ့်တစ်နာရီကျော်နေပါပြီ။ တကယ်ဆို ကျွန်မအနေနဲ့ ဒီနေ့ တော်တော်လေး ပင်ပန်းပါတယ်။ ကျွန်မရဲ့မန်နေဂျာက သူတင်စရာရှိတဲ့ submissionတွေကို ဒီနေ့ မရောက်ရောက်အောင် တင်ရမှာဖြစ်တဲ့အတွက် ကျွန်မမှာ သူ့အတွက် ပြင်ဆင်စရာရှိတာတွေကို နံနက် ရုံးကိုစရောက်ကတည်းက ပြင်ဆင်ပေးနေရတာ တစ်နေကုန် လှုပ်တောင်မလှုပ်နိုင်ပါဘူး။ အလုပ်တွေအားလုံး ပြီးသွားတဲ့အချိန်မှာ နာရီကိုကြည့်တော့ ညခုနစ်နာရီခွဲနေပါပြီ။ အိမ်ကိုပြန်ရောက်တာလဲ တော်တော်နောက်ကျပါတယ်။ ကျွန်မအနေနဲ့ အရမ်းပင်ပန်းနေပေမယ့်လည်း ဒီပိုစ့်လေးကို ကျွန်မ သူငယ်ချင်းနှစ်ယောက် အတွက် အမှတ်တရ မဖြစ်မနေ ရေးချင်လို့ကို ရေးလိုက်တာပါ။

တကယ်ဆို ဒီလိုဘလော့ဂ်လေးတစ်ခု စလုပ်ဖြစ်တယ်ဆိုတာကို ဘယ်သူ့ကိုမှ ကျွန်မအသိမပေးခဲ့ပါဘူး။ ကျွန်မနဲ့အတူတူနေတဲ့ ကျွန်မရဲ့သူငယ်ချင်းဝေစိုးကိုတောင်မှ မပြောခဲ့ပါဘူး။ ဘာဖြစ်လို့လဲဆိုတော့ ဘလော့ဂ် ရယ်လို့ သတ်မှတ်ရလောက်အောင် ဖြစ်ဖြစ်မြောက်မြောက် ဘာမှလည်းမရှိသေးလို့လေ။ ဒါပေမယ့် ကျွန်မ ဒီဘလော့ဂ်လေးစရေးနေတုန်းညမှာပဲ ကျွန်မရဲ့သူငယ်ချင်း မချစ်စုက onlineကနေ သူအိပ်ရာမ၀င်ခင် ကျွန်မကိုလည်း အိပ်ရာစောစောဝင်ဖို့ ကတိလှမ်းတောင်းနေပါတယ်။ ဘာဖြစ်လို့လဲဆိုတော့ကျွန်မက နေမကောင်းဖြစ်ထားတာ သိပ်မကြာသေးဘူးဆိုတော့ကာ ကျွန်မကို ညဥ့်နက်သည်အထိ သူက မနေစေချင်ဘူးလေ။ အဲဒါနဲ့ သူက ကျွန်မကတိမပေးမချင်း တောင်းနေတော့ ကျွန်မလည်း ဘလော့ဂ်လုပ်နေတာဆိုတဲ့အကြောင်း အသိပေးလိုက်ရပါတယ်။ ဒါနဲ့သူက အံ့သြသွားပြီး ဘလော့ဂ်ကိုပြင်ဆင်ပြီးတာနဲ့ သူ့ကိုအသိပေးဖို့ပြောပြီး တော်တော်လည်းညဥ့်နက်နေပြီ ဖြစ်တဲ့အတွက် ကျွန်မကိုနှုတ်ဆက်ပြီး အိပ်ရာဝင်သွားခဲ့ပါတယ်။

ကျွန်မလည်း ပို့စ်တစ်ပုဒ်စတင်လိုက်ပြီး နောက်နေ့မနက်အိပ်ရာကနိုးတာနဲ့ သူ့ဆီကို message ပို့လိုက်ပါတယ်။ သူကဝင်ကြည့်ပြီးတာနဲ့တစ်ပြိုင်နက် ချက်ချင်းပဲကျွန်မဆီကို လှမ်းပြီးအားတွေပေးပါတယ်။ သူ့ရဲ့အခန်းဖော်ကိုလည်း ကျွန်မဘလော့ဂ်လေးကို ခေါ်ပြရသေးတာပါ။ Followerလည်း တန်းလုပ်လိုက်တော့တာပါပဲ။ ဒီလိုနဲ့ ကျွန်မ ဘလော့ဂ်လေးရဲ့ ပထမဆုံးဧည့်သည်ဟာ ကျွန်မရဲ့သူငယ်ချင်း မချစ်စုပဲ ဖြစ်ပါတော့တယ်။ ဒီနေ့လည်း gtalkကနေ ကျွန်မကို အားပေးစကားတွေ အများကြီး လှမ်းပြောပါတယ်။ ကျွန်မ သူ့ဆီကနေ ခွန်အားတွေ အများကြီးရခဲ့ပါတယ်။

နောက်နေ့ကျတော့ ဝေစိုးကလည်း ကျွန်မဘလော့ဂ်ရေးနေတာကို သိသွားပါတယ်။ ဒါပေမယ့် ကျွန်မကသူ့ကိုလင့်ခ်မပေးသေးပဲ ကျွန်မရဲ့ဘလော့ဂ်လေးကို တန်ဆာဆင်လိုက်၊ သူများဘလော့ဂ်တွေက်ို ၀င်ကြည့်ပြီး “စု၊ တု၊ ပြု” လုပ်လိုက်နဲ့ မနေ့ညက နှစ်နာရီလောက်ကျမှ အိပ်ရာဝင်နိုင်တာပါ။ စီဘောက်စ်ကိုလည်း မနေ့ကမှ install လုပ်လိုက်တာပါ။ အဲဒီလိုနဲ့ခုနစကားကိုဆက်လုို့ ဒီနေ့ရုံးကိုရောက်တာနဲ့စပြီး အလုပ်တွေတအားရှုပ်နေပေမယ့် ရတဲ့အချိန်လေးမှာ ဂျီမေးကိုဖွင့်ပြီး ဝေစိုးရဲ့ ချက်ဘောက်စ်ထဲမှာ ကျွန်မဘလော့လင့်ခ်လေးကို ရိုက်ထည့်ထားလိုက်ပါတယ်။ ဝေစိုးဆီကနေ ဘာreplyလေးများ ပြန်လာမလဲလို့ မအားတဲ့ကြားက လှမ်းလှမ်းကြည့်ရတာလည်း အမောပါပဲ။ ဝေစိုးကလည်း အကောင်းအဆိုး တစ်ခွန်းလေးတောင် replyမလုပ်ပါဘူး။ အဲဒါနဲ့ ထမင်းစားချိန်ရောက်တော့ ထမင်းကို အရင်မစားနိုင်သေးပါဘူး။ ကျွန်မရဲ့ဘလော့ဂ်လေးကို အရင်ဖွင့်ရပါသေးတယ်။ ဖွင့်ပြီးတော့ ဘာရယ်မဟုတ်ဘူး စီဘောက်စ်က refreshလေးကို ကလစ်လိုက်တော့ အိုး.....စီဘောက်စ်ထဲမှာ ကွန်မန့်နှစ်ခု.... ပျော်လိုက်တာပြောမနေပါနဲ့တော့။ ကွန်မန့်ပေးသူကတော့ တခြားသူရှိရိုးလား.....ဝေစိုးပေါ့:))။

ဒါဆိုရင် ကျွန်မရဲ့ဘလော့ဂ်ထဲမှာ ပထမဆုံးကွန်မန့်ပေးသူက ဝေစိုးပေါ့။ အိမ်ကိုရောက်တော့လည်း သူက ကျွန်မဘလော့ဂ်ကို sign inလုပ်ပြီး ကျွန်မနဲ့သိတဲ့သူတွေကို inviteလုပ်လိုက်တယ် ဆိုတဲ့ အကြောင်း၊ ရုံးမှာသူများတွေကိုလည်း လိုက်ကြွားတာဆိုတဲ့အကြောင်း၊ ကျွန်မရဲ့အရေးအသားလေးတွေကိုလည်း မဆိုးဘူးဆိုတဲ့အကြောင်း(ကိုယ့်ငါးချဉ်ကိုယ် တအားကို ချဉ်ပစ်တာလေ) တွေကို ရွှန်းရွှန်းဝေအောင် ပြောပြတော့ ကျွန်မမှာ ဝမ်းသာပီတိတွေ ဖြစ်ပြီး ရှေ့ဆက်လျှောက်ဖို့အတွက်လည်း နောက်ထပ် ခွန်အားတွေ ရလိုက်ပါတယ်။

အဲဒါနဲ့ ဒီနေ့ည ထမင်းစားပြီးတော့ ကျွန်မ အရမ်းကိုအိပ်ချင်နေပါပြီ။ ဒါပေမယ့် ဒီသူငယ်ချင်းနှစ်ယောက် အကြောင်းကို ရေးချင်လွန်းလို့ မျက်လုံးကိုအတင်းဖြဲပြီး ရေးဖြစ်အောင် ရေးလိုက်ပါတယ်။ တကယ်တော့ သူငယ်ချင်းတွေဆိုတာ ဘဝမှာတန်ဖိုးဖြတ်လို့မရတဲ့ အရာတွေပါပဲ။ ကျွန်မခံယူထားတာက သူငယ်ချင်းဆိုတာ အေးအတူပူအမျှ အတူတကွ မျှဝေခံစားနိုင်ရမယ်။ နင်ဘာကောင်လည်း ငါဘာကောင်လည်း၊ နင်ကဘယ်သူ ငါကဘယ်ဝါဆိုတာတွေ လုံးဝမလိုအပ်ဘူးလို့ ထင်ပါတယ်။ ကျွန်မဘဝမှာ သူငယ်ချင်းတွေ အများကြီးနဲ့ ဆုံစည်း ခဲ့ဘူးတယ်။ သူငယ်ချင်းတွေ အများကြီးနဲ့လည်း ခွဲခွာခဲ့ရဘူးပါတယ်။ ကျွန်မရဲ့ ဒီသူငယ်ချင်းလေးနှစ်ယောက်နဲ့ရော ဘယ်အချိန်အထိ ကျွန်မခွဲမခွာအတူရှိနေနိုင်မှာလည်း ဆိုတာကိုတော့ ကျွန်မလည်း ကြိုတင်မပြောနိုင်ပါဘူး။ အမိမြေနဲ့ဝေးရာမှာ ရောက်နေတဲ့ ကျွန်မအတွက်တော့ သူတို့နှစ်ယောက်ဟာ closeအဖြစ်ရဆုံး သူငယ်ချင်းနှစ်ယောက်ပါပဲ။ သူငယ်ချင်းတို့ရေ....နင်တို့ပေးတဲ့ ခွန်အားတွေအတွက် ကျေးဇူး အရမ်းတင်ပါတယ်လို့။

(မှတ်ချက်။ ။ ဒီပို့စ်က မနေ့ကရေးထားတာပါ။ ဒါပေမယ့် မနေ့ကအရမ်းကို အိပ်ချင်နေလို့ edit မလုပ်နိုင်လို့ မနေ့က မတင်ဖြစ်ပဲ ဒီနေ့မှပဲ သေသေချာချာ edit လုပ်ပြီး တင်လိုက်ရတာပါ။)

Sunday, October 18, 2009

မလျှော့သောဇွဲလုံလတွေနဲ့

အင်း..... ဒီနေ့ ဘလော့ဂ်စရေးတဲ့ ဒုတိယမြောက်နေ့ပေါ့...။ ကျွန်မမှာ မနေ့က ဒီဘလော့ဂ်ကို စလိုက်မိပြီးတဲ့အချိန်ကတည်းကစလို့ အချိန်ပြည့် အဲဒီ ဘလော့ဂ်နဲ့ ပတ်သက်တာတွေကိုသာ စဉ်းစားတွေးတောနေပြီး စားလည်း ဘလော့ဂ်၊ သွားလည်း ဘလော့ဂ်နဲ့ ဖြစ်နေကာ ဘလော့ဂ်နတ်ရဲ့ ဖမ်းစားခြင်းကို ခံနေရပါတော့တယ်။

ပိုဆိုးတာက ကျွန်မဟာ ဘလော့ဂ်နဲ့ပတ်သက်ပြီး တော်တော်လေး ဗဟုသုတနည်းတော့ ခရီးက အတော့်ကို မတွင်ဘူး ဖြစ်နေပါတယ်။ ဒါနဲ့ပဲ ကျွန်မစဉ်းစားမိတာက ကျွန်မအဖြစ်က “ခါချဉ်ကောင်မာန်ကြီး တောင်ကြီးဖြိုမယ့် ဟန်” ဆိုတာလိုများ ဖြစ်နေပြီလားလို့ပေါ့။ ဒါပေမယ့် ကျွန်မယုံကြည်ထားတာ တစ်ခုရှိတယ်။ ဘယ်လောက် ခက်ခဲတဲ့အရာပဲ ဖြစ်နေပါစေ ကိုယ်သာ တကယ့်ကို ဖြစ်ချင်စိတ်နဲ့ ကြိုးစားမယ်ဆိုရင် (ကာလ အတို အရှည်သာ ကွာချင်ကွာမယ်) တစ်နေ့မှာတော့ ဖြစ်ကို ဖြစ်ရမယ် လို့ပေါ့....။

ဘာပဲ ဖြစ်ဖြစ် ကျွန်မက ခြေတစ်လှမ်း စခဲ့မိပြီလေ။ ထိုခရီးလမ်းမှာ ဆူးညောင့် ခလုတ်တွေ ဘယ်လောက်ပဲ များများ ဘယ်လိုအခက်အခဲတွေနဲ့ပဲ တွေ့တွေ့ အောင်မြင်မှုပန်းတိုင်ကို မရောက် ရောက်အောင် သွားရမှာက ကျွန်မရဲ့ တာဝန်ပဲ မဟုတ်ပါလား။ ဒါ့ကြောင့်မို့လို့ ဘယ်လောက်ပဲအခက်အခက်တွေများများ မလျှော့သောဇွဲလုံ့လတွေနဲ့ ကျွန်မဆက်လက် ကြိုးစားသွား ပါဦးမယ်လို့....။

Blog လေးတစ်ခုစတင်အစပျိုးမိခြင်း

ဘလော့ဂ်လေးတစ်ခုကို ဒီနေ့မှာ ကျွန်မအစပျိုးခဲ့မိပါပြီ။ ဒီလိုအစပျိုးရခြင်းရဲ့ ရည်ရွယ်ချက်လေးကတော့ ကျွန်မရဲ့ အတွေးတွေ၊ ခံယူချက်တွေ၊ အယူအဆတွေနဲ့အတူ ကျွန်မသိတဲ့ အကြောင်းအရာတွေ၊ ကျွန်မကြိုက်တဲ့ စာအုပ်တွေ၊ သီချင်းတွေ၊ ကဗျာတွေကို အများနဲ့ မျှဝေခံစားချင်လို့ပဲ ဖြစ်ပါတယ်။ တကယ်တော့ ကျွန်မ အနေနဲ့ ဘလော့ဂ်လေးတစ်ခု ဖန်တီးချင်တာ ကြာခဲ့ပါပြီ။ ဒါပေမယ့် ဘယ်လိုလုပ်ရမယ်မှန်း မသိတာက တစ်ကြောင်း၊ မြန်မာဖောင့်ကို ကျွမ်းကျွမ်းကျင်ကျင် မရိုက်တတ်သေးတာက တစ်ကြောင်းနဲ့ အချိန်တွေဆွဲနေခဲ့တာ အတော်ကြာခဲ့ပါပြီ။ ဒါပေမယ့် သူများတွေရဲ့ ဘလော့ဂ်တွေကိုတော့ ကျွန်မအမြဲပဲ သွားဖတ်ဖြစ်ပါတယ်။

ကျွန်မအနေနဲ့ ပထမဦးဆုံး စတင်ဖတ်ဖူးတဲ့ ဘလော့ဂ်ကတော့ လန်ဒန်က ကိုချမ်းမြစိုး ရဲ့ ဘလော့ဂ်ပါပဲ။ ဘယ်လိုကနေ ဘယ်လို အဲဒီ ဘလော့ဂ်ကို ရောက်ခဲ့တယ် ဆိုတာတော့ ကျွန်မ မမှတ်မိတော့ပါဘူး။ အဲဒီကမှစပြီး ဘလော့ဂ်တွေအကြောင်း၊ ဘလော့ဂ်ဂါတွေအကြောင်းကို သေသေချာချာ သိလာရပြီး ဘလော့ဂ်လေးတစ်ခု ဖန်တီးချင်တဲ့ပိုး ကျွန်မမှာ စ၀င်ခဲ့ရတော့တာပါပဲ။ ဒါပေမယ့် ပြောခဲ့ပြီးတဲ့အတိုင်း အကြောင်းကြောင်းတွေကြောင့် ကြာနေခဲ့ပြီး ဒီနေ့တောကိုသက်တန့်ချို ရဲ့ ဘလော့ဂ်ကို ၀င်ဖတ်နေရင်းကနေ ဘလော့ဂ်ကို မဖြစ်မနေ အစပျိုးချင်တဲ့စိတ်လေး ရုတ်တရက်ပေါ်ပေါက်လာပါတယ်။ အဲဒီလို အဲဒီလို နဲ့ကျွန်မ အင်ကြင်းသန့် ဘလော့ဂ်လေးတစ်ခု အစပျိုးခဲ့မိပါပြီ။